Ֆուտբոլ, դասեր ու սեր. 20-ամյա գյումրեցի աղջկա երազանքները
(Թարմացված է 09:22 25.08.2019)
Թեև տակտիկական հնարքներով ֆուտբոլային պարապմունքներն աղջկա համար ավելի նախընտրելի են, բայց դա չի նշանակում, որ Մայային միայն մարզահագուստով կարող ենք տեսնել. Գուցե զարմանաք, բայց նա, ինչպես բոլոր երիտասարդ աղջիկները, հաճախ նաև բարձրակրունկներ ու երեկոյան զգեստ է կրում, շպարվում:ԵՐԵՎԱՆ, 24 օգոստոսի - Sputnik, Արմենուհի Մխոյան. Նպատակասլացություն, ինքնավստահություն, զգոնություն ու մինչև վերջ գնալու կարողություն՝ սա այն ամենն է, ինչն օգնում է 20-ամյա Մայային «անառիկ» պահել սեփական թիմի դարպասները: Արդեն 4 տարի է, ինչպես ինքն է ասում, իր՝ անհաս թվացող երազանքն հասանելի է: Մայա Ցոլակյանը ֆուտբոլի Գյումրու «Տրիբունա» ակումբի աղջիկների թիմի դարպասապահն ու թիմի ավագն է: Թիմը հանրապետությունում լավագույններից է:
©
Sputnik / Armenuhi Mkhoyan
Մայա Ցոլակյան, Գյումրու «Տրիբունա» ակումբի աղջիկների թիմի դարպասապահ ու թիմի ավագ
Մայան հասցրել է բազում հաղթանակներ ունենալ. 2016թ-ին ճանաչվել է «Տրիբունա» ակումբի «Ոսկե գնդակի» դափնեկիր, իսկ 2019-2020թթ. խաղաշրջանի Հայաստանի կանանց գավաթի խաղարկության մրցաշարում`դարձել գավաթակիր:
Սպորտի հանդեպ սերն ու հետաքրքրությունը ծնվեց, երբ 15 տարեկան էր: Ֆուտբոլի հանդեպ սերն ու նվիրումը, բակային խաղերի արդյունքում ձեռք բերած հմտությունները զուր չանցան։
«Բակի տղաների հետ ֆուտբոլ շատ եմ խաղացել: Բարեբախտաբար, իմ ճանապարհին հայտնվեցին այնպիսի մարդիկ, ովքեր օգնեցին երազանքս իրականություն դարձնել: 15 տարեկանում հաճախում էի «Փոքրիկ իշխան» ցերեկային կենտրոն, որտեղ մարզիչը, նկատելով իմ ֆուտբոլային հմտությունները, դիմեց ֆուտբոլի աղջիկների թիմի մազիչ Սենիկ Առաքելյանին, ով էլ տեսնելով իմ պոտենցյալը, ինձ ընդգրկեց թիմի կազմում»,-պատմում է Մայան։
©
Photo : by coach Senik Arakelyan
Մայա Ցոլակյան, Գյումրու «Տրիբունա» ակումբի աղջիկների թիմի դարպասապահ ու թիմի ավագ
Թվում էր`դեպի երազանք տանող գլխավոր պատնեշն հաղթահարված էր, մինչդեռ ավանդապաշտ ծնողներին ու շրջապատին համոզել էր պետք։
«Երկար ժամանակ պահանջվեց, որպեսզի ծնողներիս համոզեմ, որ ֆուտբոլը միայն տղաների համար չէ: Հետագայում, ծնողներս երբ տեսան, ձեռքբերումներս, իրենք էլ համակերպվեցին: Հիմա արդեն երկրպագում են ու ուրախանում իմ հաջողություններով»,-նշում է նա:
Մայան միաժամանակ «Շիրակի» պետական համալասանի «Ֆիզիկական դաստիարակություն և սպորտային մարզումներ» բաժնի հեռակա ուսուցման 3-րդ կուրսի ուսանող է:
Ֆուտբոլասեր մարզիկը հասցնում է նաև ընթերցանության համար ժամանակ գտնել. Գրքերը հիմնականում մարզչի՝ Սենիկ Առաքելյանի խորհրդով է ընտրում:
«Մարզիկներն էլ պետք է կրթված ու գիտակ լինեն»,- ժպտում է Մայան։
©
Sputnik / Armenuhi Mkhoyan
Մայա Ցոլակյան, Գյումրու «Տրիբունա» ակումբի աղջիկների թիմի դարպասապահ ու թիմի ավագ
Թեև տակտիկական հնարքներով ֆուտբոլային պարապմունքներն աղջկա համար ավելի նախընտրելի են, բայց դա չի նշանակում, որ Մայային միայն մարզահագուստով կարող ենք տեսնել. Գուցե զարմանաք, բայց նա, ինչպես բոլոր երիտասարդ աղջիկները, հաճախ նաև բարձրակրունկներ ու երեկոյան զգեստ է կրում, շպարվում:
Ընտանիք կազմելն էր տաղանդավոր աղջկա առաջիկա պլաններում է; բայց ընդգծում է՝ կյանքը կկապի միայն այն տղայի հետ, ով իրեն ֆուտբոլի ու ընտանիքի միջև ընտրության խնդրի առաջ չի կանգնեցնի: «Հուսամ կընտրեմ այնպիսի մարդու, ով սիրելով ու հարգելով ինձ, կսիրի նաև ու կընդունի, որ ես մարզիկ եմ ու սպորտն իմ մեջ միշտ լինելու է»,-ասում է ֆուտբոլիստուհին:
©
Photo : by coach Senik Arakelyan
Մայա Ցոլակյան, Գյումրու «Տրիբունա» ակումբի աղջիկների թիմի դարպասապահ ու թիմի ավագ
Մինչ այդ, նա հույս ունի ֆուտբոլում լուրջ հաջողություններ արձանագրել և հայկական ֆուտբոլը երբևէ աշխարհին ներկայացնել։ Սիրելի մարզաձևում Մայայի կուռքը ամերիկացի պրոֆեսիոնալ ֆուտբոլիստուհի, դարպասապահ, օլիմպիական խաղերի կրկնակի չեմպիոն Հոուփ Ամելիա Սոլոն է, ով հանդես է գալիս «Սիեթլ Ռեյն» կանանց ֆուտբոլային ակումբում և Միացյալ Նահանգների կանանց ֆուտբոլի ազգային հավաքականում: Աղջիկը Սոլոնի մասնակցությամբ ոչ մի խաղ բաց չի թողնում ու ձգտում է նրան նմանվել: Գյումրեցի մարզիկը համոզված է` խառնվածքով էլ նման է Սոլոնին:
Վազգեն Մանուկյանը դիմել է Լևոն Արոնյանին և խնդրել վերանայել իր որոշումը
(Թարմացված է 14:50 04.03.2021)
Մանուկյանը խոստացել է, որ այս իշխանությունը շուտով հեռանալու է, և միասնական ջանքերով ոլորտ առ ոլորտ վերացնելու ենք քաոսը, Հայաստանում շախմատը կրկին լինելու է պետական ամենաբարձր հոգածության ներքո, քանի որ այն մեր այցեքարտերից մեկն է աշխարհում:ԵՐԵՎԱՆ, 4 մարտի – Sputnik. Հայրենիքի փրկության շարժման վարչապետի միասնական թեկնածու Վազգեն Մանուկյանը նամակով դիմել է հայկական շախմատի առաջատար Լևոն Արոնյանին և խնդրել նրան հնարավորություն գտնել վերանայելու իր` ԱՄՆ մեկնելու որոշումը։
Նշենք, որ շախմատի գրոսմայստեր Լևոն Արոնյանը հայտարարել էր Հայաստանը լքելու ու ԱՄՆ շախմատիստների թիմակիցը դառնալու մասին։
«Ես հայտնվել էի ընտրության առջև՝ թողնել կյանքիս գործը կամ տեղափոխվել այնտեղ, որտեղ ինձ գնահատում են: Մեկ տարուց ավելի ներկայիս կառավարության խոստումների իրագործմանը սպասելուց հետո հասկացա` ստիպված եմ կայացնել բեկումնային որոշում և հեռանալ հարազատ երկրից»,–գրել է Արոնյանը։
Նա նաև շեշտել էր, որ տարիներ շարունակ տարբեր երկրներից հանդես գալու բազմաթիվ գրավիչ առաջարկներ է ստացել, այդ թվում՝ ամերիկացի մեծ բարերար և շախմատի սիրահար Ռեքս Սինկեֆելդից։
«Ցավով կարդացի Ձեր վերջին հայտարարությունը՝ Հայաստանից հեռանալու և մարզական կարիերան ԱՄՆ-ում շարունակելու որոշման հետ կապված»,–գրել է Մանուկյանը:
Նա ընդգծել է, որ Հայաստանը միշտ հպարտացել է Արոնյանով, որ նա եղել է բոլորի պարծանքն ու ոգեշնչման աղբյուրը հազարավոր պատանիների ու երիտասարդների համար: Արոնյանի շնորհիվ հայկական շախմատը նորանոր բարձունքներ է նվաճել ու մեր երկրին պարգևել բազում հաղթանակներ:
«Դուք իրավացի եք, այս իշխանությանն իսկապես հաջողվեց պառակտել նաև շախմատային համերաշխ ընտանիքը և ոլորտը վերածել քաոսի, ինչպես քաոսի վերածեց բոլոր ոլորտներն ու ողջ երկիրը:
Բայց հավատացեք, մեր ժողովուրդն այլևս թույլ չի տալու, որ մեր երկրի, մեր տաղանդավոր զավակների կերտած հաղթանակները ոչնչացվեն»,–գրել է Մանուկյանը:
«Դա սպորտսմենի իրավունքն է». ԿԳՄՍ նախարարը` Արոնյանի որոշման մասին
Նա խոստացել է, որ այս իշխանությունը շուտով հեռանալու է, և մենք միասնական ջանքերով ոլորտ առ ոլորտ վերացնելու ենք քաոսը, վերականգնելու ենք արժանապատվությունն ու հաղթանակները, Հայաստանում շախմատը կրկին լինելու է պետական ամենաբարձր հոգածության ներքո, քանի որ այն մեր այցեքարտերից մեկն է աշխարհում:
Վազգեն Մանուկյանը պատրաստակամություն է հայտնել նաև հանդիպել Լևոն Արոնյանի և շախմատային աշխարհի մյուս հեղինակավոր ներկայացուցիչների հետ՝ քննարկելու ոչ միայն շախմատային ոլորտի, այլ մեր երկրի ապագայի զարգացման գործում նրանց անգնահատելի մասնակցությունը:
«Հայրիկին է քաշել». Արաս Օզբիլիսի փոքրիկ տղան գոլ է խփում. զվարճալի տեսանյութ
(Թարմացված է 23:41 03.03.2021)
Հայ ֆուտբոլիստի երկրպագուները գովել են Օզբիլիսի տղայի ֆուտբոլային ունակությունները` ասելով, որ այսպես նա հորն էլ կանցնի։ԵՐԵՎԱՆ, 3 մարտի - Sputnik. «Փյունիկ» ֆուտբոլային ակումբի կիսապաշտպան Արաս Օզբիլիսն Instagram-ի իր հետևորդներին մի զվարճալի տեսանյութ է ներկայացրել, որտեղ նրա 2-ամյա որդին գոլ է խփում։
«Նա ուրախ է, որ գոլ է խփում»,–տեսանյութին կից գրել է Օզբիլիսը։
View this post on Instagram
Տեսանյութում երևում է, թե ինչպես է ոգևորված երեխան իրար հետևից գրավում դարպասը և անգամ դրա` գետնին տապալվելուց հետո փոքրիկը շարունակում է գնդակով հարվածել դարպասին։
Օզբիլիսի մարզաշապիկն աճուրդում վաճառվել է 1025 դոլարով. գումարը կուղղվի Արցախին
Օզբիլիսի հետևորդները մեկնաբանել են տեսանյութը` գրելով, որ «Հայրիկին է քաշել» տղան։ Հայ մեկ ուրիշ ֆուտբոլիստ էլ` կիսապաշտպան Արտյոմ Սիմոնյանը, կատակել է, թե երեխան հորից լավ է գոլ խփում։
Սյունիքում, Վայոց Ձորում ու Գեղարքունիքում ձյուն է տեղում, կան փակ ճանապարհներ
(Թարմացված է 09:51 05.03.2021)
Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար, սակայն ռուսական կողմում կա մոտ 600 կուտակված բեռնատար ավտոմեքենա:ԵՐԵՎԱՆ, 5 մարտի - Sputnik. ՀՀ տարածքում կան փակ և դժվարանցանելի ավտոճանապարհներ։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։ Եվ այսպես`
- Փակ են Բերդ-Ճամբարակ և Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները:
- Վարդենյաց լեռնանցքը կցորդիչով բեռնատարների համար փակ է, իսկ մյուսների համար՝ դժվարանցանելի։
- Դժվարանցանելի են Սարավան-«Զանգեր» հատվածը (բեռնատարների համար) և Սյունիքի մարզի Շուռնուխ-Կատարի ավտոճանապարհը։
- Սյունիքի, Վայոց Ձորի մարզերում, Գեղարքունիքի մարզի Գավառ և Ճամբարակ քաղաքներում տեղում է ձյուն։
- Սյունիքի մարզի ավտոճանապարհներին տեղ-տեղ առկա է մերկասառույց։
Լարսի մասին
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար․ ռուսական կողմում կա մոտ 600 կուտակված բեռնատար ավտոմեքենա:
Վարորդներին խորհուրդ է տրվում երթևեկել բացառապես ձմեռային անվադողերով։
Աղմկահարույց պատմություն. ինչպես է բեռը ՌԴ–ից ուղարկվել ՀՀ, և ինչ կապ ունի Հայկ Սարգսյանը