Շախմատ

Արմեն Բարսեղյանը դարձել է շախմատի Եվրոպայի չեմպիոն

64
(Թարմացված է 15:59 11.08.2019)
Եվրոպայի առաջնությունում մինչև 12 տարեկանների մրցաշարում հաջող է հանդես եկել նաև Ռոբերտ Փիլիպոսյանը և դարձել արծաթե մեդալակիր:

ԵՐԵՎԱՆ, 11 օգոստոսի - Sputnik. Շախմատի Եվրոպայի պատանիների և աղջիկների առաջնությում մինչև 16 տարեկանների ենթախմբում հանդես եկող Արմեն Բարսեղյանը 9 հնարավորից վաստակել է 7.5 միավոր և հռչակվել Եվրոպայի չեմպիոն: Այս մասին հայտնում է Հայաստանի շախմատային ֆեդերացիայի պաշտոնական կայքը:

Սլովակիայում ավարտվել են շախմատի Եվրոպայի պատանիների և աղջիկների առաջնությունները:Եվրոպայի առաջնությունն անցկացվել է 6 տարիքային խմբերով՝ մինչև 8, 10, 12, 14, 16 և 18: Հայաստանը մրցաշարում ներկայացնում էին 29 շախմատիստ:

Մեր շախմատիստներից հիանալի է հանդես եկած Բարսեղյանը նաև 47 կետով բարելավել է իր անհատական վարկանիշը: Նրա մարզիչն է միջազգային վարպետ Վահագն Խաչատրյանը:

Եվրոպայի առաջնությունում մինչև 12 տարեկանների մրցաշարում հաջող է հանդես եկել նաև Ռոբերտ Փիլիպոսյանը, որը 9 հնարավորից վաստակել է 7.5 միավոր և դարձել արծաթե մեդալակիր: Ռոբերտ Փիլիպոսյանի մարզիչն է գրոսմայստեր Զավեն Անդրիասյանը:

Լավագույն տասնյակում տեղեր են զբաղեցրել նաև մինչև 10 տարեկան տղաների մրցաշարում հանդես եկող Գագիկ Նավոյանը և մինչև 10 տարեկան աղջիկների ենթախմբի մասնակից Անահիտ Մկրտչյանը, ովքեր համապատասխանաբար գրավել են 5-րդ և 7-րդ հորիզոնականները:

64
թեգերը:
Ոսկի, չեմպիոն, մեդալ, շախմատ, սպորտ, Հայաստան
Ըստ թեմայի
Լպուտյան. «Տիգրան Պետրոսյանի հաղթանակը փոխեց շախմատի հանդեպ մեր մտածելակերպը»
Էլինա Դանիելյանը դարձել է արագ շախմատի աշխարհի չեմպիոն
Շախմատի նոր կանոններ, կամ ինչպես հայ հասարակության մեջ արքան լիդեր դարձնել