«Երևան» ՖԱ

Հոգնե՞լ է կանանց ֆուտբոլից. սերբ «Մարադոնան» կարող է գլխավորել «Երևան» ակումբը

71
(Թարմացված է 18:16 14.07.2019)
Նեբոյշա Պետրովիչն իր մականունը ստացել է հայտնի արգենտինացու հետ արտաքին նմանության պատճառով։

ԵՐԵՎԱՆ, 14 հուլիսի –Sputnik.  Սերբիացի մարզիչ Նեբոյշա Պետրովիչը կարող է գլխավորել «Երևան» ֆուտբոլային ակումբը։ Ինչպես հայտնում են Sputnik Արմենիայի աղբյուրները, պայմանագիրը դեռ չի ստորագրվել, սակայն բանակցություններն ընթացքի մեջ են։

Բացի այդ, փոխվել են ակումբի սեփականատերերը, սակայն նրանց անուններն էլ դեռ չեն բացահայտում։ «Երևանը» Հայաստանի բարձրագույն լիգայի նոր թիմն է։ Մինչ այդ Պետրովիչը մարզում էր Բելգրադի «Ռադ» ակումբը` սկզբում ակումբի տղամարդկանց թիմը, իսկ 2017 թվականից` կանանց։

Հետաքրքիր զուգադիպությամբ, և՛ սերբիացի կանայք, և՛ հայ կանայք Պետրովիչի գալուց առաջ առաջին լիգայից անցում են կատարել բարձրագույն լիգա։

«Երևանը» 2018-19 խաղաշրջանների արդյունքներով արժանացավ բարձրագույն լիգային մասնակցելու իրավունքին։ Բայց թիմը լքեց նրա ուժեղ խաղացողներից մեկը` ռուսաստանցի Ստանիսլավ Եֆիմովը, որը մեկ խաղաշրջանի ընթացքում 46 գոլ էր խփել։ Նա տեղափոխվեց Երևանի «Փյունիկ», որը գլխավորում է հայտնի ռուս մարզիչ Ալեքսանդր Տարխանովը։

ԽՍՀՄ–ի թիմի միակ հայը. ինչպես Ռոբերտ Խալայջյանը մինչև 19 տ ֆուտբոլի աշխարհի չեմպիոն դարձավ

Նեբոյշա Պետրովիչը ստացել է Մարադոնա մականունը հայտնի արգենտինացու հետ ունեցած իր նմանության պատճառով։ Նա մոտավորապես նույն տարիներին էր խաղում` 70-ականների վերջից մինչև 90-ականների սկիզբ։ Հարավսլավիայի հավաքականի մեջ նա չկար, սակայն խաղում էր տարբեր ակումբների կազմում։ 2000-ականների սկզբից` մի շարք սերբական թիմերի մարզիչ է։

71
թեգերը:
ֆուտբոլ, ՀՖՖ, Հայաստան
Ըստ թեմայի
Տարիներ անցան. բակային ֆուտբոլը, գողացած դարպասն ու մարզական պայուսակում թաքցրած ջութակը
Ինչպես ունիվերսալ խաղացող Հարություն Քեհեյանը հանրահռչակեց հայկական ֆուտբոլը
Նոր ակումբներ, նոր անուններ. ովքե՞ր են հայկական ֆուտբոլի հովանավորները