Ֆուտբոլ

Նոր ակումբներ հայկական ֆուտբոլում. ովքե՞ր են հիմնում ու փորձում զարգացնել դրանք (մաս 2-րդ)

506
(Թարմացված է 16:55 16.07.2019)
Հայկական ֆուտբոլը, կարծես, վերածնունդ է ապրում: Իրար հետևից գրանցվում են նոր հաղթանակներ, ստեղծվում են նոր թիմեր: Բանը հասել է նրան, որ այսօր երկրում ֆուտբոլիստների դեֆիցիտ է առաջացել:

 

Խաչիկ Չախոյան, Sputnik Արմենիա

Sputnik Արմենիան արդեն ներկայացրել է հայկական նորաստեղծ ակումբներից հինգին, որոնք հանդես են գալու ֆուտբոլի Հայաստանի առաջին խմբի առաջնությունում: Ֆուտբոլասերները տեղյակ են, որ առաջին խմբում 2019/20թվականների մրցաշրջանում հայտավորվել են 18 ակումբներ: Ստորև ներկայացնում ենք նոր ակումբներից ևս չորսին:

Դիլիջան ՖԱ

Թիմի սեփականատերն ու հովանավորն անգլիացի Ուիլ Թոմսոնն, է որն անգլիական Պրեմիեր լիգայում հանդես եկող «Քրիստալ Պելես» թիմի մոլի երկրպագուներից է:

Նախատեսվում է, որ «Դիլիջանը» սեփական հարկի տակ հանդիպումներն անցկացնելու է Դիլիջան քաղաքի միջազգային քոլեջի մարզադաշտում:

Թիմի հիմնական նպատակն ակումբի կայացումն է և առաջիկա 2-3 տարիների ընթացքում առաջընթացն արդյունքներում:

«Դիլիջանը» հիմնականում համալրված է լինելու երիտասարդ ֆուտբոլիստներով, փորձ է արվելու տեղի ֆուտբոլիստներով սկսել մրցաշրջանը:

Արագած ՖԱ

Ըստ մեզ հասած տեղեկությունների՝ թիմի սեփականատերը Հակոբ Ֆահրադյանն է, որը նաև ակումբի նախագահն է: Դժվար է ասել, թե ո՞վքեր են հովանավորում ակումբը, բայց նորից ըստ մեր տեղեկությունների՝ դա միայն Հակոբ Ֆահրադյանը չէ:

Թիմը սեփական հարկի տակ իր հանդիպումները նախատեսում է անցկացնել Աշտարակի «Քասախի մարզիկ» մարզադաշտում: Ի սկզբանե առաջադրանք կար հաջողության հասնել առաջին խմբում ու տեղափոխվել բարձրագույն խումբ: Բայց նորանշանակ մարզիչ Վարազդատ Ավետիսյանի հեռանալուց հետո, հիմա ապագա պլանների մասին դժվար է խոսել:

Թիմում մարզվում են և երիտասարդ և փորձառու ֆուտբոլիստներ:

Նորից, ըստ շրջանառվող լուրերի, թիմի գլխավոր մարզիչը կարող է նշանակվել մոտ օրերս, մյուս կողմից էլ լուրեր են պտտվում, որ «Արագածն» արդեն կանգնել է ֆինանսական խնդիրների առջև:

Լեռնային Արցախ ՖԱ

Այս թիմը հայ ֆուտբոլասերներին անծանոթ չէ: Չճանաչված երկրների Եվրոպայի առաջնությունում Սլավա Գաբրիելյանի գլխավորությամբ հանդես եկած թիմը ևս հանդես է գալու Հայաստանի առաջին խմբի առաջնությունում: «Լեռնային Արցախում», բացի մարզիչ Սլավա Գաբրիելյանից, աշխատում է նաև նախկինում հայտնի ֆուտբոլիստ Մհեր Ավանեսյանը:

Ըստ ներկայացրած հայտի՝ թիմը սեփական հարկի տակ հանդիպումներն անցկացնելու է Սիսիանում, մինչև պատրաստ կլինի Գորիսի մարզադաշտը:

Թիմի առջև առաջադրանք է դրված ամրապնդվել առաջին լիգայում և փորձել մոտակա երկու տարիների ընթացքում տեղափոխվել բարձրագույն խումբ:

Մասիս ՖԱ

Սեփականատերն Արթուր Ոսկանյանն է, բայց նա միակը չէ: Բացի Արթուր Ոսկանյանից բաժնետերեր են համարվում նաև որոշ սպորտային կազմակերպություններ Ֆրանսիայից, Լատվիայից, Բելառուսից, որոնք զբաղվում են ֆուտբոլիստների տրանսֆերներով, ինչպես նաև թիմեր ստեղծելով:

Ըստ նախնական տվյալների՝ թիմը սեփական հարկի տակ հանդիպումներն անցկացնելու է Ձորաղբյուրի մարզաբազայի մարզադաշտում: Բայց չի բացառվում, որ խաղերի մրցավայրը տեղափոխվի Էջմիածնի ֆուտբոլի ակադեմիայի մարզադաշտ:

Առաջիկա 2-3 տարիների համար առաջնային նպատակը ակումբի կայացումն է: Ինչպես նշում է Արթուր Ոսկանյանն իրենց համար կարևորը ոտքի կանգնելն է: «Մենք չենք ուզում միավորներ բաժանող թիմ լինել, չենք էլ ձգտելու առաջին տեղը զբաղեցնել: Շատ կարևոր է հասկանալ, թե մեր ֆինանսներով ինչի կհասնենք»,-հարցազրույցներից մեկում ասել է նա:

Կազմի ընտրության հարցում «Մասիսը» խնդրի առաջ է կանգնած: Այլ ակումբներ հիմնադրվելու պատճառով այսօր Հայաստանում ֆուտբոլիստների դեֆիցիտ է առաջացել: Թիմում փորձարկվում են ուրիշ ակումբներից դուրս մնացած տեղի ֆուտբոլիստների, բացի այդ նաև դիտարկվում են արտասահմանցի խաղացողների թեկնածություններ:

506
թեգերը:
«Անի» ֆուտբոլային ակումբ, ֆուտբոլ, ՀՖՖ, Հայաստան
Ըստ թեմայի
Յուրա Մովսիսյանը երկրպագուների հետ երգում է ՀՀ օրհներգը. տեսանյութ, լուսանկարներ
«Նա ամուսնացավ». Հենրիխ Մխիթարյանը հրապարակեց հարսանեկան լուսանկարը
Հենրիխ Մխիթարյանը Հայաստանի մասին տեսանյութ է հրապարակել ու հրավիրել իր հայրենիք
Աշոտ Դանիելյանը Սիդնեյի օլիմպիադայում

Եվրոպայի ամենաուժեղ մարդը, կամ ինչու Աշոտ Դանիելյանից հետ վերցրին օլիմպիական մեդալը

441
(Թարմացված է 09:47 05.07.2020)
Ծանրամարտիկ Աշոտ Դանիելյանը Sputnik Արմենիային պատմել է իր կարիերայի հաջողությունների, օլիմպիական մեդալի ճակատագրի և իր ու Արա Վարդանյանի հետ պատահած շատ զավեշտալի դեպքի մասին։

Հանրաճանաչ ծանրորդ Աշոտ Դանիելյանն իր մարզական կարիերայի ընթացքում ուրախացնող շատ պահեր է պարգևել մարզասերներին, բայց Սիդնեյի օլիմպիական խաղերի հանելուկը, որի պատճառով Դանիելյանը որակազրկվեց, մինչև օրս լուծել չի հաջողվում:

Օլիմպիական հանելուկ

Աշոտ Դանիելյանն օլիմպիական խաղերին մասնակցել է երեք անգամ՝ 1996, 2000 և 2004 թվականներին, բայց միայն Սիդնեյում՝ 2000 թվականին է կարողացավ մեդալ նվաճել: Պոկում վարժությունում բարձրացնելով 207,5 կգ և հրումում գլխավերևում պահելով 257,5 կգ կշռող ծանրաձողը` հայ ծանրորդը երկամարտի 465 կգ արդյունքով երրորդն էր`բրոնզե մեդալակիրը:

Բայց օլիմպիական խաղերի ավարտից հետո բրոնզե մեդալը Դանիելյանից հետ վերցրեցին ու որակազրկեցին դոպինգ օգտագործելու պատճառաբանությամբ: Սակայն Դանիելյանն այդ որոշման հետ համաձայն չէ ու մինչ օրս էլ չի հասկանում, թե ինչ խաղ խաղացին իր գլխին: 2001 թվականին արդեն Հայաստանում Աշոտ Դանիելյանը պոկեց 215 և հրեց 262,5 կգ` ապացուցելով, որ արժանի էր օլիմպիական մեդալին: Ընդ որում, Աշոտն այս արդյունքներով գերազանցեց օլիմպիական չեմպիոն իրանցի Ռզազադեի համաշխարհային ռեկորդները, բայց ոչ պաշտոնական մրցումներում:

«Օլիմպիական մրցաշարի ավարտից 4-5 օր հետո սկսեցին շշուկներ տարածվել իմ արդյունքի վերաբերյալ: Անհասկանալի խաղեր սկսվեցին: Քաղաքականություն էր, թե ի՞նչ էր` չեմ կարող ասել: Բայց իմ որակազրկումը ձեռնտու էր չորրորդ տեղում հայտնված Անդրեյ Չեմերկինին, որն էլ հետո ստացավ բրոնզե մեդալը: Օլիմպիական խաղերում մրցումների ավարտից 24 ժամ հետո արդեն հրապարակվում են դոպինգի արդյունքները: Իսկ իմ դեպքում ամեն ինչ սկսվեց մի քանի օր անց: Հարց է առաջանում` ինչո՞ւ էին ինձ թողել մրցումներին,  եթե դոպինգ թեստը դրական էր եղել: Մի խոսքով հարցեր, որոնց պատասխանը չստացանք: Անկախ ամեն ինչից, ինձ Հայաստանում ընդունեցին, որպես բրոնզե մեդալակրի, ես ստացա պարգև և ճանաչվեցի Սիդնեյի օլիմպիական խաղերի լավագույն հայ մարզիկը»,– Sputnik Արմենիայի հետ զրույցում հիշում է Աշոտ Դանիելյանը:

Եվրոպայում տիտղոսներ, աշխարհում` ոչ

Դանիելյանն իր հիմնական նվաճումները գրանցել է Եվրոպայի առաջնություններում: Աշխարհում ընդունված է, որ ծանրամարտի գերծանր քաշային կարգում չեմպիոն հռչակված մարզիկը համարվում էր ամենաուժեղ մարդը: Այպիսով` Դանիելյանը Եվրոպայի ամենաուժեղ մարդու կոչումը նվաճեց երկու անգամ՝ Եվրոպայի 1999 և 2000 թվականների առաջնությունում: Եվս երկու անգամ՝ 2003 և 2006 թվականներին, մեր ծանրորդը նվաճեց արծաթե մեդալ և մեկ անգամ էլ 2005 թվականին դարձավ բրոնզե մեդալակիր: Բայց աշխարհի առաջնություններում հայ ծանրորդին մեդալ վաստակել չհաջողվեց։

Тяжелоатлеты из Армении Ашот Даниелян (справа) и немец Ронни Веллер на церемонии вручения медалей Чемпионата Европы по тяжелой атлетике в весовой категории +105 кг (30 апреля 2000). София
© AP Photo / DIMITAR DEINOV
Աշոտ Դանիելյանը Եվրոպայի մրցումներում. 2000թ.

«Չեմ կարող ասել, թե ինչու չէի կարողանում մեդալ նվաճել աշխարհի առաջնություններում: Ամեն անգամ ինչ-որ բան խանգարում էր, չէր ստացվում: Չեմ կարող ասել, որ հոգեբանական խնդիր կար: Պատրաստվում էի ինչպես միշտ, բայց անհեթեթ բաներ էին կատարվում մոտեցումների ժամանակ ու արդյունքի չէի հասնում», - հիշում է Դանիելյանը:

Զավեշտալի դրվագ աշխարհի առաջնությունում

Աշխարհի 1999 թվականի առաջնությունում գերծանր քաշային կարգում Հայաստանը ներկայացնում էին Աշոտ Դանիելյան  ու Արա Վարդանյանը: Այդ տարիներին մեր ծանրորդներն իրենք էին իրենց մարզահագուստը հայթայթում: Արայի հագին մի տրիկո էր, որի վրա գրված էր Ukraina (ուկրաինացի ծանրորդներից նվեր էր ստացել):

Հայաստանի միակ տիտղոսակիր եռացատկորդը. Մարտիրոսյանն օլիմպիադայում կանգնեց ուժեղների կողքին

Երբ հայտարարում են Արայի անունը և այն երկիրը, որը ներկայացնում է նա ու մրցահարթակ են հրավիրում Վարդանյանին, մրցավարը մեր ծանրորդին չի թույլատրում ներս մտնել`ասելով, որ հիմա պետք է մրցահարթակ դուրս կա Արմենիան ներկայացնող մարզիկը, այլ ոչ թե Ուկրաինան: Պարզ է, որ մրցավարը ծանրորդներին դեմքով չէր ճանաչում, այլ կողմնորոշվում էր մարզահագուստի վրա գրածով: Հետո ստիպված փոխում են Արա Վարդանյանի մարզահագուստն ու շարունակում մրցումները:

Հայր ու որդին մարզիչ–մարզիկի դերում

Ծանրամարտում Աշոտ Դանիելյանի հայտնվելը պատահական չէր: Հայրը՝ Ռոման Դանիելյանը, ծանրամարտի մարզիչ էր ու, տեսնելով որդու բնատուր ուժը, Աշոտին տարավ ծանրամարտի դահլիճ:

7-8 տարեկան էր նա, երբ առաջին անգամ մոտեցավ ծանրաձողին: Բայց շուտով հայրը համարեց, որ դեռևս վաղ է Աշոտին ծանրամարտով զբաղվել, ու փոքրիկ հսկան սկսեց  մարզվել ըմբշամարտով։

«Ըմբշամարտով մարզվում էի, բայց սիրում էի ծանրամարտը: Մասնավորապես գերծանր քաշայինների մրցումներին էի հետևում, ու տեսնում, թե ինչ կիլոգրամներ էին բարձրացնում: Ի վերջո 11 տարեկանում նորից գնացի ծանրամարտի դահլիճ ու մնացի այնտեղ մինչև վերջ»,- հիշում է Աշոտ Դանիելյանը: Նա հպարտությամբ հավելում է, որ իր հայրը միշտ իր կողքին է եղել բոլոր մրցումների ու հավաքների ժամանակ:

Ճանաչված ծանրորդ Աշոտ Դանիելյանը չի հեռացել սպորտից ու մասնավորապես` իր սիրած մարզաձևից: Նա աշխատում է Ֆիզկուլտուրայի հայկական պետական համալսարանում՝ Ծանրամարտ, բռնցքամարտ, սուսերամարտի ամբիոնի վարիչն է: Փորձն ու գիտելիքները ապագա սերնդին փոխանցելը նույնպես կարևոր և դժվար աշխատանք է:

441
թեգերը:
մեդալ, Օլիմպիական խաղեր, ծանրորդ, ծանրամարտ, Աշոտ Դանիելյան
Ըստ թեմայի
«Ռոմայի» հաղթանակն ու Մխիթարյանի «կարոտած» խաղը. ֆուտբոլը վերադարձավ Covid–19-ի աշխարհ
«Ռոմայի» և «Արսենալի» հայտնի և անհայտ պայմանավորվածությունները. ինչ է սպասվում Մխիթարյանին
Կորոնավիրուսի «խառնած» ծրագրերը, կամ ինչու երիտասարդ հայ բռնցքամարտիկները դարձան մարզիչներ
Ֆուտբոլ. գնդակ

Ընդհատված մրցաշրջան, որակազրկված ակումբներ. ինչո՞ւ է ՀՖՖ–ն նման աննախադեպ որոշում կայացրել

351
(Թարմացված է 10:05 04.07.2020)
Հայաստանի ֆուտբոլի առաջնությունների պատմության մեջ եղել են մրցաշրջաններ, երբ չի անցկացվել, օրինակ, սուպեր գավաթի խաղարկությունը: Բայց մրցաշարի դադարեցումն աննախադեպ է: Սակայն փաստն այն է, որ առաջին խմբի մրցաշարը դադարեցվեց, ու այս դեպքում պատճառը կորոնավիրուսը չէ:

ԵՐԵՎԱՆ, 3 հուլիսի – Sputnik. Հայաստանի ֆուտբոլի ֆեդերացիայի գործկոմի նիստն այսօր կայացրել է աննախադեպ որոշում՝ դադարեցնել Հայաստանի ֆուտբոլի առաջին խմբի  մրցաշարը: Աննախադեպ էր նաև «Արագած», «Տորպեդո», «Մասիս», «Լոկոմոտիվ» և «Երևան ֆուտբոլային ակումբների, ինչպես նաև ներգրավված 58 անձանց (այդ թվում՝ 45-ին` ցմահ)՝ տարբեր ժամկետներով որակազրկան մասին կայացված որոշումը:

2019/20 թվականների մրցաշրջանի մեկնարկից առաջ, երբ պարզ դարձավ, որ 17 թիմ է մասնակցելու Հայաստանի  ֆուտբոլի առաջին խմբի մրցաշարին, շատերը զարմացան, ոմանք էլ ուրախացան: Զարմացան, որ մրցաշարին այդքան թիմ է մասնակցելու է, ուրախացան, որ առաջին խմբի մրցաշարը կարող է մրցունակ դառնալ: Բայց առաջին լիգայի ընթացքում գրանցվող արդյունքները սկսեցին կասկածներ առաջացնել շատերի մոտ: 7:0, 9:0, 8:2, 7:2, 7:1,12:0, 8:3, 5:4. մի խոսքով` ոչ ֆուտբոլային հաշիվներ:

Կասկածները հիմք տվեցին ուսումնասիրություններ անցկացնել մի քանի թիմերի մասնակցությամբ խաղերին ու գրանցված արդյունքներին: Ցավոք, կասկածները հաստատվեցին`առաջին խմբի մրցումներում եղել են պայմանավորված բազմաթիվ խաղեր: Կորոնավիրուսի համաճարակի պատճառով դադարեցված մրցաշրջանի վերսկսումից անմիջապես հետո ՀՖՖ-ն արձագանքեց: Տարբեր պատճառներով առաջին խմբում հաջորդ մրցաշրջանում հանդես գալու արտոնագրեր չստացան 6 ակումբներ՝«Անի», «Արագած», «Դիլիջան», «Ինտեր», «Մասիս» և «Տորպեդո»:

Իսկ հուլիսի 3-ին ուրբաթը հաստատ շաբաթից շուտ եկավ: ՀՖՖ գործկոմի նիստի ժամանակ հինգ ակումբներ՝ «Արագածը», «Տորպեդոն», «Մասիսը», «Լոկոմոտիվը» և «Երևանը» ու 58 անձիք, որոնցից 45-ը` ցմահ, որակազրկվեցին, իսկ առաջին խմբի մրցաշարը դադարեցվեց: Հասկանալի է, որ պայմանավորված խաղերի դեմ պայքարում բոլոր միջոցներն էլ արդարացված են: Ու այդ արատավոր երևույթը Հայաստանում արմատախիլ անելու համար ՀՖՖ-ն, ունենալով բազմաթիվ փաստեր ու ապացույցներ, դիմել է այս աննախադեպ միջոցին:

«Վան» թիմի գլխավոր մարզիչ Կարեն Բարսեղյանը Sputnik Արմենիայի հետ զրույցում ասում է, որ իրենք երկու ձեռքով կողմ են Հայաստանի ֆուտբոլի ֆեդերացիայի որոշումներին, առավել ևս որ նրանք ուղղված էր ֆուտբոլը արատավորված երևույթներից զերծ պահելուն: «Բազմիցս նշել եմ, որ ֆուտբոլը պետք է մաքուր լինի, և ամեն ինչ այստեղ պետք է որոշվի ազնիվ պայքարում: Եթե ՀՖՖ-ն նման որոշում է կայացրել, ուրեմն կան փաստեր, կան ապացույցներ: Իսկ նման իրավիճակում մենք միայն կողմ ենք պայմանավորված խաղերի դեմ պայքարին»,–ասում է Բարսեղյանը` նշելով, որ ինչպես և բոլոր ակումբները, իրենք էլ այսօր են տեղեկացել , որ մրցաշարը դադարեցվում է: Նա համոզված է, որ մոտ ապագայում կլինեն նաև այլ որոշումներ, ու այդ դեպքում իրենք կկարողանան արտահայտել իրենց տեսակետը, քանի որ «Վանը» հայկական ֆուտբոլի «մաքրման» աշխատանքների կողմնակից է:

Մելիքյանը վերադարձել է Հայաստան. նա կգլխավորի «Ալաշկերտը»

Գրեթե նույն կարծիքին է նաև Ռազմիկ Գրիգորյանը, որը գլխավորում է «Դիլիջան» թիմը։ Նա էլ գտնում է, որ միանշանակ ճիշտ որոշում է կայացվել, ինչքան էլ այն զարմանալի թվա շատերին։ «Ֆուտբոլը զարգացնելու համար մենք պետք է ազատվենք սև ու մութ ուժերից, որոնք պարզապես կեղտոտում են այս հրաշալի մարզաձևը: Համոզված եմ` նման աննախադեպ որոշման պատճառները շատ խորն են, ու ՀՖՖ-ն ունի բազմաթիվ նյութեր պայմանավորված խաղերի հետ կապված»,–ասում է նա` տարօրինակ համարելով առաջին լիգայում ճապոնացի, նիգերիացի, մարոկոցի ու շատ այլ ազգերի ֆուտբոլիստների ներկայությունը:

Կորոնավիրուսի «խառնած» ծրագրերը, կամ ինչու երիտասարդ հայ բռնցքամարտիկները դարձան մարզիչներ

ՀՖՖ-ն անկասկած մոտ ապագայում այլ որոշում էլ կհրապարակի, քանի որ առաջին խմբում կան ակումբերն, որոնք ազնիվ պայքար են մղել յուրաքանչյուր խաղում, և հետապնդել մեկ նպատակ՝ նվաճել բարձրագույն խմբի ուղեգիր:

Մնում է սպասել ՀՖՖ որոշումներին: Պարզ է, որ բարձրագույն խմբում մեկ թիմ խաղալու է ներկայիս առաջին խմբից: Բայց որ թիմը կլինի դա, կիմանանք շուտով:

351
թեգերը:
ֆուտբոլիստ, ֆուտբոլ, Հայաստան, ՀՖՖ
Ըստ թեմայի
«Ռոմայի» հաղթանակն ու Մխիթարյանի «կարոտած» խաղը. ֆուտբոլը վերադարձավ Covid–19-ի աշխարհ
Հայաստանի և Ալբանիայի հավաքականներն ընկերական հանդիպում կանցկացնեն
«Ռոմայի» հետ իմ պատմությունը շարունակվում է․ Մխիթարյանը գրառում է արել
Լաբորատորիա. արխիվային լուսանկար

Հայաստանում առաջիկայում կորոնավիրուսի ախտորոշման 4 նոր լաբորատորիա կգործի

13
(Թարմացված է 12:05 07.07.2020)
Արսեն Թորոսյանը վստահեցնում է, որ առաջիկայում կորոնավիրուսի ախտորոշման թեստերի քանակը կավելանա. օրական 3000 թեստավորում կիրականացվի։

ԵՐԵՎԱՆ, 7 հուլիսի –Sputnik. Հայաստանում առաջիկայում կորոնավիրուսի ախտորոշման 4 նոր լաբորատորիա կգործի։ Մամուլի ասուլիսի ժամանակ լուրը հայտնեց ՀՀ առողջապահության նախարար Արսեն Թորոսյանը` խոսելով Հայաստանում արվող թեստերի քանակի հնարավոր աճի մասին։

«Նոր լաբորատորիաներ կգործեն Իջևանում, Մարտունիում, «Սուրբ Գրիգոր Լուսավորիչ» և «Արաբկիր» ԲԿ–ներում։ Նոր ՊՇՌ սարքեր, պահարաններ ենք գնում հիմա, քանի որ եթե ուզում ես ունենալ լավ, որակյալ, հավաստի աղբյուրներով լաբորատորիա, պետք է հսկայական ջանքեր գործադրես։ Այնպես չէ, որ համաճարակաբաններն ու մենք չենք կարծում, որ թեստավորման քանակը պետք է ավելացնել, սակայն այնպես էլ չէ, որ չենք ավելացրել»,–ասաց Թորոսյանը։

Նախարարը նշեց, որ եթե այսօր Հայաստանում օրական շուրջ 2500 կորոնավիրուսի թեստավորում է իրականացվում, ապա առաջիկայում դրանց թիվը կավելանա ու կհասնի 3000–ի։

1-3 շաբաթում միայն պետպատվերով իրականացվող թեստերի քանակը կհասնի 3000–ի, իսկ մասնավոր կենտրոնների թեստավորման թվերն էլ որ գումարվեն դրան, կդառնա, որ օրական 4000 թեստ է արվում Հայաստանում։

Թորոսյանը վստահեցրեց, որ որևէ մեկը դուրս չի մնում գործընթացից, այսինքն` ախտանշաններով բոլոր քաղաքացիներին թեստավորում են։

Նա նշեց, որ եղել են դեպքեր, որ կորոնավիրուսի ախտորոշման թեստերի փայտիկներ չեն ունեցել, սակայն բուն թեստի դիֆիցիտ չի եղել։

Եթե կորոնավիրուսով վարակվել ու լավացել ենք, երաշխիք չէ, որ այլևս չենք վարակվի. Թորոսյան

Նախարարը վստահեցրեց` 160 000 փայտիկներ են գնել, ինչպես նաև 60 000 թեստ։ Նա հիշեցրեց, որ շուտով հայկական արտադրության թեստերն էլ «կմիանան» գործընթացին։

Հիշեցնենք` հուլիսի 7-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 29 285 դեպք, որոնցից 16 907-ն` առողջացած, 503-ը` մահվան ելքով: Կորոնավիրուսային հիվանդությամբ այս պահին փաստացի բուժում է ստանում 11 711 պացիենտ:

Ընդհանուր առմամբ կատարվել է 125 088 թեստավորում:

Կորոնավիրուսը շարունակում է գրավել աշխարհը. հակավարկանիշի առաջատարների եռյակը փոխվել է

13
թեգերը:
Հայաստան, թեստ, կորոնավիրուս
թեմա:
Կորոնավիրուսը Հայաստանում և Արցախում
Ըստ թեմայի
Հայաստանում արտադրված կորոնավիրուսի թեստերը շուտով կհայտնվեն հիվանդանոցներում
Հայաստան հասած նոր թեստերի պատասխանը 75 րոպեում պարզ կլինի
Տիգրան Ավինյանը կարևոր թվեր է հրապարակել. 100 000 հայկական արտադրության թեստ կունենանք