Փյունիկ–Շկուպի

«Փյունիկ»–«Շկուպի» «դրաման» Գյումրիում ավարտվեց խաղաղ արդյունքով

81
(Թարմացված է 21:24 11.07.2019)
Երևանի «Փյունիկը» ՈՒԵՖԱ-ի Եվրոպայի լիգայի որակավորման փուլում, խաղի ընթացքում 1:3 հաշվով պարտվելիս կարողացավ հետ բերել կորցրածն ու հավասարեցնել հաշիվը, բայց հաղթանակի հասնել չհաջողվեց:

ԵՐԵՎԱՆ, 11 հուլիսի – Sputnik. ՈւԵՖԱ-ի Եվրոպայի լիգայի որակավորման առաջին փուլում Երևանի «Փյունիկի» և մակեդոնական «Շկուպիի» հանդիպումն ավարտվեց 3։3 հաշվով։

Որակավորման առաջին փուլի առաջին խաղը, որը կայացավ Գյումրիում, «Փյունիկի» համար շատ ցանկալի սցենարով մեկնարկեց: Խաղի չորրորդ րոպեին հայկական թիմն արդեն առջևում էր հաշվի մեջ: Հյուրերը խախտեցին կանոնները տուգանային հրապարակում, և Էրիկ Վարդանյանը սառնասրտորեն իրացրեց 11–մետրանոցը:

Болельщики наблюдают за квалификационным матчем Лиги Европы между командами Пюник (Ереван) - Шкупи (Македония) (11 июля 2019). Гюмри
© Sputnik / Khachik Chakhoyan
«Փյունիկ»–«Շկուպի»

Հաշվի մեջ առաջ անցնելուց հետո «Փյունիկը» գործում էր ոգևորված և առնվազն երկու անգամ շատ մոտ էր հաշիվը զարգացնելուն: Բայց և՛ Կառլեն Մկրտչյանը, և՛ Արթուր Միրանյանը չկարողացան օգտվել գոլ խփելու հնարավորությունից։

Հայկական ակումբը ֆուտբոլիստներ է փնտրում համացանցի միջոցով. լուսանկար

Մերոնք չօգտագործեցին առաջ անցնելու պահերը, իսկ հյուրերը մինչև ընդմիջում հայտարարելը ոչ միայն կարողացան վերականգնել հաշվի հավասարակշռությունը, այլ նաև առաջ անցան «Փյունիկից»: Նախ Մուռեմ Բեհրամին խփեց պատասխան գնդակը, ապա անկյունայինի խաղարկումից հետո Դարկո Իլիյեսկին առաջ մղեց մակեդոնական թիմին:

Болельщики наблюдают за квалификационным матчем Лиги Европы между командами Пюник (Ереван) - Шкупи (Македония) (11 июля 2019). Гюмри
© Sputnik / Khachik Chakhoyan
«Փյունիկ»–«Շկուպի»

Երկրորդ կեսում «Փյունիկը» փորձեց հետ բերել կորցրածը, ու Էդգար Մանուչարյանը շատ լավ հնարավորություն ուներ հաշիվը հավասարեցնելու, բայց վրիպեց, իսկ ահա հյուրերը զարգացրին իրենց հաջողությունը մեր դարպասապահ Անդրեա Դրագոևիչի սխալից հետո: «Շկուպիի» ավագ Մուառեմ Բայրամին հարվածեց դարպասին, գնդակը դիպավ Դրագոևիչին ու հայտնվեց դարպասում:

Հանդիպման ավարտից տասը րոպե առաջ, անկյունայինի խաղարկումից հետո Մաքսիմ Ժեստոկովը կարողացավ կրճատել հաշվի տարբերությունը: «Փյունիկը» պարտվում էր 2:3 և ամեն ինչ անում, որպեսզի խուսափի պարտությունից: Իսկ հյուրերն ամեն կոնտակտից հետո պառկում էին կանաչ ծածկի վրա ու փորձում ժամանակ շահել: Բայց դա էլ չփրկեց «Շկուպիին»: Խաղի ավարտից հինգ րոպե առաջ Էդգար Մանուչարյանը շեշտակի հարվածով հաշիվը հավասարեցրեց: «Փյունիկը» հաղթելու համար պայքարեց մինչև վերջ, բայց խաղն ավարտվեց մարտական ոչ-ոքի՝ 3:3 արդյունքով:

Նոր ակումբներ, նոր անուններ. ովքե՞ր են հայկական ֆուտբոլի հովանավորները

81
թեգերը:
ֆուտբոլ, Հայաստան
Ըստ թեմայի
Մեր հավաքականից 2–ը` «Սոչիում». Կարապետյանին լուրջ փորձություն է սպասում. Բերեզովսկի
ՀՖՖ–ն անխախտ է իր որոշման մեջ և չի աջակցում համակցված լիգայի ստեղծման գաղափարին
Մարաշլյանի հիասքանչ գոլը «Սպորտինգ Կանզաս Սիթիի» դարպասին. տեսանյութ
Սենսացիոն հաղթանակ Երևանում. Շվեդիայի չեմպիոնը պարտվեց «Արարատ Արմենիային»