Գևորգ Ղազարչյան

«Ընտանիքիս համար էլ է շատ հարմար». ինչու է Գևորգ Ղազարյանն ընտրել ԱԵԼ-ի առաջարկը

251
(Թարմացված է 19:41 04.07.2019)
Հայաստանի ֆուտբոլի հավաքականի խաղացողը կարծում է, որ ավելի լավ է խաղալ ավելի ցածր մակարդակով առաջնությունում, քան թե լինել փոխարինող ավելի բարձր խաղամակարդակով առաջնությունում։

ԵՐԵՎԱՆ, 4 հուլիսի – Sputnik. Հայաստանի ֆուտբոլի ազգային հավաքականի կիսապաշտպան Գևորգ Ղազարյանը մի քանի օրից արդեն կմիանա իր նոր ակումբի` Կիպրոսի ԱԵԼ թիմի մարզումներին։ Նա այս մասին ասաց Sputnik Արմենիային և խոստովանեց, թե ինչու է համաձայնել պայմանագիր կնքել հենց այս ակումբի հետ։

«Պորտուգալական առաջին լիգայի երկու ակումբներ ու ևս երկու ակումբ Կիպրոսից հետաքրքրված էին իմ ծառայություններով: Կային նաև այլ տարբերակներ, որոնք բանակցային փուլում էին: Բայց ԱԵԼ-ի առաջարկը շատ հարմար ու հետաքրքիր էր ինձ համար: Թիմը խաղալու է Եվրոպայի լիգայում, ու արդեն հուլիսի 25-ին մրցելու է հունական «Արիսի» հետ, և դա նույնպես շատ կարևոր հանգամանք էր ինձ համար: Բացի այդ, Լիմասոլում կա և՛ հայկական, և միջազգային դպրոց, այնպես որ ընտանիքիս համար էլ շատ հարմար է»,– ասաց նա:

Футбольный матч отборочного тура Евро-2020 между сборными Греции и Армении (11 июня 2019). Афины
© Sputnik / Asatur Yesayants.
Գևորգ Ղազարյան

Հայ ֆուտբոլիստի հետ պայմանագիրը ԱԵԼ-ը կնքել է երկու տարով: Կիպրոսյան ակումբը իր երկրի նախորդ առաջնությունում զբաղեցրել է երրորդ տեղը, հետ մնալով չեմպիոն հռչակված ԱՊՈԷԼ-ից ընդամենը չորս միավորով:

Հետաքրքրվեցինք, թե ինչու ֆուտբոլիստը նախապատվությունը չի տվել ավելի բարձր մակարդակով առաջնությունում հանդես գալուն։

«Չեմ կարծում, որ Կիպրոսի առաջնության խաղամակարդակը շատ ցածր է: Այս երկրի առաջնությունում համառ պայքար է ընթանում շատ թիմերի մեջ, ու վերջնական հաղթողին գուշակել հնարավոր չէ: Բացի այդ, ավելի լավ է միշտ խաղալ գուցե ավելի ցածր մակարդակով առաջնությունում, քան թե լինել փոխարինող ավելի բարձր խաղամակարդակով առաջնությունում: Շատ կարևոր է ունենալ խաղային պրակտիկա և հետևաբար մարզավիճակ ձեռք բերել»,- ասաց հայ կիսապաշտպանը:

Մեր հավաքականից 2–ը` «Սոչիում». Կարապետյանին լուրջ փորձություն է սպասում. Բերեզովսկի

Հիշեցնենք, որ նախորդ մրցաշրջանի ավարտից հետո Ղազարյանը երկկողմանի համաձայնությամբ խզեց պայմանագիրը պորտուգալական «Շավիշի» հետ, իսկ Կիպրոսի 2019/20 թվականի առաջնությունը մեկնարկելու է օգոստոսի 28-ին, ու Ղազարյանն իր դեբյուտը Կիպրոսի առաջնությունում կարող է նշել «Անորտոսիսի» հետ խաղում: Իսկ մինչ այդ հայ ֆուտբոլիստը, բնականաբար, կարող է աչքի ընկնել իր նոր թիմի կազմում Եվրոպայի լիգայի խաղարկությունում:

«Տամբովը» կես տարով զրկվել է Գելոյանից ու պայմանագիր կնքել Մարկելովի հետ

251
թեգերը:
ֆուտբոլ, Հայաստան
Ըստ թեմայի
ՀՖՖ–ն անխախտ է իր որոշման մեջ և չի աջակցում համակցված լիգայի ստեղծման գաղափարին
Մարաշլյանի հիասքանչ գոլը «Սպորտինգ Կանզաս Սիթիի» դարպասին. տեսանյութ
Հնարավոր է` հայկական ֆուտբոլային թիմերը մասնակցեն Ռուսաստանի առաջնությանը