Մարկոս Պիզելի

Մարկոս Պիզելին արժանացավ 2018 թ–ի «Հայաստանի լավագույն ֆուտբոլիստ» մրցանակին. տեսանյութ

130
(Թարմացված է 19:54 05.06.2019)
Բրազիլացի ֆուտբոլիստը վարժ հայերեն չի խոսում, բայց միևնույն է` հենց հայերեն է շնորհակալություն հայտնում մրցանակի համար։

ԵՐԵՎԱՆ, 5 հունիսի – Sputnik. Հայաստանի ազգային հավաքականի կիսապաշտպան Մարկոս Պիզելին ստացել է 2018 թ. «Հայաստանի լավագույն ֆուտբոլիստ» մրցանակը: Այս մասին հայտնում է Հայաստանի ֆուտբոլի ֆեդերացիայի մամուլի ծառայությունը։

ՀՖՖ–ն նաև տեսանյութ է հրապարակել, որում Պիզելին շնորհակալություն է հայտնում մրցանակի համար։

«Ֆուտբոլը կոլեկտիվ սպորտ է, ես ստացել եմ լավագույն ֆուտբոլիստ մրցանակը։ Նշանակում է` ես տարվա մեջ ինչ–որ լավ բան եմ արել։ Ինձ համար սա մեծ պատիվ է։ Այդպես կշարունակեմ ու երկար ժամանակ կօգնեմ հավաքականին»,– ասում է նա։

Հիշեցնենք, որ Պիզելին այժմ ապաքինվում է վնասվածքից և բաց կթողնի Լիխտենշտեյնի ու Հունաստանի հավաքականների դեմ հանդիպումները, որոնք կկայանան հունիսի 8-ին և 11-ին։

Մարկոս Պինեյրո Պիզելին բրազիլացի է, ունի ՀՀ քաղաքացիություն։

130
Ըստ թեմայի
Չորս ֆուտբոլիստ չեն մասնակցի խաղին. Հայաստանի հավաքականը սկսեց հավաքը
Հրաչյա Պողոսյանին՝ բրոնզ, իսկ Ամոյանն ու Մելիքյանը կվիճարկեն Եվրոպայի չեմպիոնի կոչումը
Արցախի հավաքականն ավարտեց պայքարը, Արևմտյան Հայաստանը CONIFA-ի կիսաեզրափակիչում է