Հենրիխ Մխիթարյան

Մխիթարյանի միջադեպը պետք է ակտիվացնի Ղարաբաղի հարցով բանակցությունները. Գասպարյան

223
(Թարմացված է 21:57 31.05.2019)
Ինչպես նշեց ռուս փորձագետը, եթե ՈՒԵՖԱ–ն չի պատրաստվում վերլուծել պատահածը և միջոցներ ձեռնարկել, դա նշանակում է, որ եվրոպական ֆուտբոլային ասոցիացիաների միությունը դիտարկում է սպորտը ուղղակի որպես շահավետ բիզնես։

ԵՐԵՎԱՆ, 31 մայիսի– Sputnik. Ռուսաստանցի քաղաքագետ և պատմաբան Արմեն Գասպարյանը Sputnik–ի եթերում մեկնաբանել է Բաքվում Եվրոպայի լիգայի եզրափակչում «Արսենալ–Չելսի» խաղի շուրջ ստեղծված սկանդալը, որին չի կարողացել մասնակցել հայ ֆուտբոլիստ Հենրիխ Մխիթարյանը։

Մայիսի 29–ին Լոնդոնի «Չելսին» դարձել է Եվրոպայի լիգայի գավաթակիր` եզրափակչում 4։1 հաշվով հաղթելով Լոնդոնի «Արսենալին»։ «Կապույտների» կազմում գոլերով աչքի են ընկել Օլիվյե Ժիրուն, Պեդրոն և կրկնագոլի հեղինակ է դարձել Էդեն Ազարը, իսկ «զինագործների» կազմում աչքի է ընկել Ալեքս Իվոբին։ Մխիթարյանն այդ խաղը բաց է թողել` հրաժարվելով Բաքու մեկնել` անվտանգության ոչ բավարար երաշխիքների պատճառով։

Սակայն, Գասպարյանի խոսքով, Մխիթարյանը չի հայտարարել, որ Բաքու մեկնելն անվտանգ չէ, այլ «Արսենալի» անվտանգության ծառայությունը` ի հեճուկս ադրբեջանական կողմի պաշտոնական հավաստիացումների և երաշխիքների։

«Կատարվածն ավելորդ անգամ պետք է ցույց տա Եվրոպային, որ գոյություն ունի հայ-ադրբեջանական հակամարտություն, քանի որ մեդիատարածությունում այն ընդհանրապես չկա», – ասաց Գասպարյանը` նշելով, որ վերջին անգամ այդ թեման շոշափվել է 2016թ–ի ապրիլին` ղարաբաղյան հակամարտության գոտում թեժացման ժամանակ։

Փորձագետը նշեց, որ դրանից հետո Եվրոպայում ոչ ոք չի մտածում այդ մասին, սակայն խնդիրը կա, և հիմա դրա հետ բախվել է աշխարհահռչակ մարդ, հայտնի ֆուտբոլիստ։ Բայց չէ որ խաղի ելքը բոլորովին այլ կարող էր լինել, եթե Մխիթարյանը մասնակցեր, նա կարող էր գոլ խփել, որը կփոխեր խաղի ընթացքը։

«Կատարվածը պետք է խթանի, այդ թվում` Եվրամիությանը` Լեռնային Ղարաբաղի հարցով բանակցային գործընթացն ակտիվացնելու համար, քանի որ դա սովորական պատմություն չէ», – ասել է Գասպարյանը։

Նրա խոսքով, երբ նման պատմությունների մեջ են ընկել Ռուսաստանի քաղաքացի հայերը, դա կարելի էր ինչ-որ կերպ բացատրել, հասկանալ, իսկ Մխիթարյանը հետ կապված իրավիճակը հասկանալը չափազանց բարդ է։

«Բայց ամենից շատ վշտացնում է այն, որ այդ պատճառով, ըստ էության, վարկաբեկվել է մեծ ֆուտբոլային տոն` Եվրոպայի լիգայի եզրափակիչը, քանի որ այդ պատմությունը սկսել են քաղաքականացնել», – ասաց Գասպարյանը` հավելելով, որ ոմանք Եվրոպայում հանկարծ նկատել են` գոյություն ունի հակամարտություն, որը տևում է արդեն 30 տարի։

Սակայն, ինչպես նշեց փորձագետը, ամենաշատ հարցերը ուղղված են այդ ֆուտբոլային մաֆիային, որը կոչվում է ՈՒԵՖԱ։ Գասպարյանի խոսքով, եթե Եվրոպական ֆուտբոլային ասոցիացիաների միությունը որոշել է Եվրոպայի լիգայի եզրափակիչն անցկացնել Բաքվում, պետք է ձեռնարկեր քայլեր, սակայն ՈՒԵՖԱ–ն սահմանափակվել է ուղղակի փաստի արձանագրումով` ամեն ինչ թողնելով կոնկրետ ակումբի որոշման վրա։

«Բայց դա տարօրինակ է, քանի որ ՈւԵՖԱ–ն արդեն անհավասար դրության մեջ է դրել թիմերին` ի սկզբանե մեծ սխալ գործելով։ Սակայն այդ մաֆիան հիմա փորձում է բարեհաջող կերպով մոռանալ այդ մասին», – ասաց Գասպարյանը` ևս մեկ անգամ ընդգծելով, որ Մխիթարյանը կարող էր էպիկական սխրանք կատարել, գոլի հեղինակ դառնալ, որը կշրջեր խաղի ընթացքը:

Գասպարյանը նշել է, որ ավելի վաղ նույնպիսի իրավիճակ է եղել մերձբալթյան թիմի հետ, որը հայ խաղացողներին կրկին չի տարել Բաքու, և դա ահազանգ է եղել, որ պետք է դիտարկել պատճառները և միջոցներ ձեռնարկել։ Իսկ ՈւԵՖԱ–ն չի պատրաստվում դա անել, նշանակում է, որ այն սպորտը դիտարկում է որպես շահավետ բիզնես, նշել է փորձագետը։

223
թեգերը:
Արցախ, Հենրիխ Մխիթարյան, ֆուտբոլ, Ադրբեջան, Հայաստան
թեմա:
Հենրիխ Մխիթարյան (303)
Ըստ թեմայի
«Զինագործներին» կարգելեն մարզվել Հենրիխ Մխիթարյանի անունով մարզաշապիկներով. ԶԼՄ
Հենրիխ Մխիթարյանի պատճառով Իռլանդիայի արդարադատության նախարարը քննադատել է ՈւԵՖԱ–ին
ՈւԵՖԱ-ի նախագահն անդրադարձել է Հենրիխ Մխիթարյանի հետ կապված սկանդալին
Լիոնել Մեսսի

Լիոնել Մեսսին մտադիր է լքել «Բարսելոնան»

21
(Թարմացված է 17:17 15.08.2020)
Պայմանագրի ավարտին դեռ մեկ տարի կա, բայց ֆուտբոլիստը վերջնականապես հիասթափվել է ակումբի կառավարման համակարգից։

ԵՐԵՎԱՆ, 15 օգոստոսի – Sputnik. «Բարսելոնայի» հարձակվող 33-ամյա Լիոնել Մեսսին որոշել է հեռանալ ակումբից։ Տեղեկությունը հայտնում է իսպանական Cadena COPE ռադիոալիքը։

​Արգենտինացին վերջնականապես հիասթափվել է ակումբի կառավարման համակարգից և չի ուզում երկարաձգել պայմանագիրը։ Նա պատրաստ է համաձայնագրի երկարաձգման հնարավորությունը դիտարկել միայն ակումբի կառուցվածքի վերակազմավորման, ինչպես նաև ղեկավարության փոխվելու պարագայում։

Ֆուտբոլիստի պայմանագիրն ավարտվում է 2021թ-ի ամռանը։

Ավելի վաղ հայտնի էր դարձել, որ Մեսսիով հետաքրքրված է «Ինտերը»։ Միլանցիները պատրաստ են 4 տարվա պայմանագիր առաջարկել նրան՝ խաղաշրջանի համար 50 միլիոն եվրո աշխատավարձով։

Նախօրեին «Բարսելոնան» Չեմպիոնների լիգայի քառորդ եզրափակիչում 2:8 հաշվով պարտվեց «Բավարիային» և դուրս մնաց մրցաշարից: 1946 թվականից ի վեր առաջին անգամ «Բարսելոնայի» դարպասում մեկ խաղի ընթացքում 8 գնդակ հայտնվեց։

Հայ ֆուտբոլիստը կխաղա հայկական թիմի դեմ. հավաքականի պաշտպանը` սպասվող հանդիպման մասին

Փորձագետները նշում են` ծայրահեղ իրավիճակներում Մեսսին բազմաթիվ անգամ է թիմին փրկել, բայց երեկ բոլոր առաջատարները խաղում էին նույն (ոչ բարձր) մակարդակով՝ թե՛ Լուիս Սուարեսը, թե՛ Մեսսին, թե՛ Ժերար Պիկեն, թե՛ դարպասապահ Մարկ-Անդրե տեր Շտենգենը։ Այնպիսի տպավորություն էր, որ նա խաղալու տրամադրություն ընդհանրապես չուներ։

Երկրպագուները Երևանի փողոցներից մեկը ներկել են ֆուտբոլային ակումբի գույներով

21
թեգերը:
ֆուտբոլ, «Բարսելոնա» ֆուտբոլային ակումբ, Լիոնել Մեսսի
Ըստ թեմայի
Ռաֆայել Նադալը ոչ միայն թենիս, այլև ֆուտբոլ է լավ խաղում
Կանայք MMA–ում. մարզիկը նոկաուտի է ենթարկել մրցակցին ու սկսել է պարել․ տեսանյութ
Լավագույնն ենք մաղթում Արմենին. հայ հարձակվողը կխաղա Սլովակիայի Պրեմիեր լիգայում
Կիկե Սետյեն

Ամոթալի պարտությունից հետո «Բարսայի» ղեկավարությունն ուզում է փոխել գլխավոր մարզչին

37
(Թարմացված է 13:02 15.08.2020)
Գերմանական «Բավարիան» Չեմպիոնների լիգայի քառորդ եզրափակիչում 8:2 հաշվով պարտության մատնեց «Բարսելոնային» և դուրս եկավ կիսաեզրափակիչ:

ԵՐԵՎԱՆ, 15 օգոստոսի – Sputnik. Կատալոնական «Բարսելոնայի» ղեկավարությունը Չեմպիոնների լիգայի քառորդ եզրափակիչում «Բավարիային» պարտվելուց հետո մտադիր է փոխել թիմի ներկայիս գլխավոր մարզիչ Կիկե Սետյենին։ Տեղեկությունը հայտնում է ESPN-ը։

Պարբերականի տվյալներով ՝ ակումբը մտադիր է հրավիրել այնպիսի մարզչի, որը հեղինակություն կլինի ֆուտբոլիստների համար։ Նշվում են Ռոնալդու Կումանի և Չավի Էռնանդեսի անունները։

Երեկ գերմանական «Բավարիան» Չեմպիոնների լիգայի քառորդ եզրափակիչում 8:2 հաշվով պարտության մատնեց «Բարսելոնային» և դուրս եկավ կիսաեզրափակիչ: Հանդիպման 4-րդ րոպեին հաշիվը բացեց Թոմաս Մյուլերը, իսկ 7-րդ րոպեին Դավիդ Ալաբան գնդակն ուղարկեց սեփական դարպաս:

«Նրանք շատ կազմակերպված են». Ռոման Բերեզովսկին` «Նոայի» մասին

Խաղը շարունակվեց նույն ոգով։ «Բավարիան» զգալիորեն ուժեղ էր մրցակցից և հանդիպման ընթացքում 8 գոլ խփեց։ Գոլերի հեղինակ դարձան Ալաբան, Սուարեսը, Գնաբրին, Կիմիխը, Լևանդովսկին, Կոուտինյոն:

Երկրպագուները Երևանի փողոցներից մեկը ներկել են ֆուտբոլային ակումբի գույներով

37
թեգերը:
ֆուտբոլ, «Բարսելոնա» ֆուտբոլային ակումբ
Ըստ թեմայի
Ռաֆայել Նադալը ոչ միայն թենիս, այլև ֆուտբոլ է լավ խաղում
Կանայք MMA–ում. մարզիկը նոկաուտի է ենթարկել մրցակցին ու սկսել է պարել․ տեսանյութ
Լավագույնն ենք մաղթում Արմենին. հայ հարձակվողը կխաղա Սլովակիայի Պրեմիեր լիգայում
Сероб Хачатрян

Դպրոցները նախ պետք է բացվեն 1-4-րդ դասարանցիների համար. Խաչատրյանը տարբերակ է առաջարկում

0
(Թարմացված է 18:17 15.08.2020)
Կրթության հարցերի փորձագետ Սերոբ Խաչատրյանը կողմ է հանրակրթական դպրոցների փուլային բացման տարբերակին։
Խաչատրյան. «Դասարանների տրոհման դեպքում պետք է ավելացնել ուսուցիչների աշխատավարձը»

Սերոբ Խաչատրյանի կարծիքով` սեպտեմբերին դպրոցները նախ պետք է բացվեն առաջինից չորրորդ դասարանցիների համար, ինչպես նաև գյուղական վայրերի այն դպրոցները, որոնք ունեն մինչև 200 աշակերտ։ Ըստ նրա` պետք է երկշաբաթյա ժամկետում հետևել գործընթացին, և եթե ամեն ինչ բարվոք ընթանա, հետո կարելի է բացել նաև մյուս դասարանները։

«Նման տարբերակի դեպքում դպրոցներում ծանրաբեռնվածություն չի առաջանա, մի փոքր պրակտիկան ցույց կտա, թե ինչի կարիք կա, ինչը պետք է փոխել, այսինքն`անհրաժեշտ է գործարկել դպրոցների աստիճանական բացման տարբերակը։ Սովորաբար օրենքներն ընդունում են ու դրանք տարածում բոլոր դպրոցների վրա, մինչդեռ կան ավելի խելամիտ մոտեցումներ։ Ըստ հետազոտության արդյունքների` մինչև 10 տարեկան երեխաները շատ թեթև են տարածում վիրուսը, թեև տարակարծություններ այդ հարցում էլ կան»,– Sputnik Արմենիային ասաց փորձագետը։

Խաչատրյանի դիտարկմամբ` սեպտեմբերին դպրոցները բացելու դեպքում ռիսկերն ու խնդիրները շատ–շատ են։ Նա կարևորում է նախ դպրոցների սանիտարահիգիենիկ վիճակը, որովհետև կան տասնյակ դպրոցներ, որտեղ ջուր չկա, սանհանգույցները վատ վիճակում են։ Երկրորդ խնդիրը կապված է որոշ դպրոցների շենքային պայմանների հետ, քանի որ դրանք կիսափուլ վիճակում են ու կեղտոտ, և շատ դժվար է այնտեղ ապահովել նորմալ պայմաններ։ Երրորդ խնդիրն էլ այն է, որ պետբյուջեից պետք է առանձնացվեն կլորիկ գումարներ, եթե դպրոցներում նախատեսվում է դասարանների տրոհում, և այդ դեպքում ավելանալու է ուսուցիչների դասաժամերը, հետևաբար անհրաժեշտ է ավելացնել ուսուցիչների աշխատավարձը։

«Իսկ ինչ է լինելու այն դեպքում, եթե ուսուցիչներն այլ ծանրաբեռնվածության, երկրորդ աշխատանքի պատճառով չկարողանան ավելի շատ ժամեր անցկացնել դպրոցում, կգտնվե՞ն նրանց փոխարինող մասնագետներ։ Կամ ասում են, որ օրինակ ֆիզկուլտուրայի ժամեր չեն լինելու, այդ դեպքում ինչպե՞ս պետք է վարվեն այդ մասնագետների հետ»,– նշում է փորձագետը։

Խաչատրյանն ուշադրություն է դարձնում այն հանգամանքին, որ Հայաստանում կա 72 երկհերթ և 4 եռահերթ դպրոց, հետևաբար հարց է ծագում` ինչպե՞ս է դրանցում իրականացվելու տրոհումը, քանի որ առաջանալու է տարածքի լուրջ խնդիր, այսինքն` պրոբլեմն առնչվում է ոչ միայն աշակերտների թվաքանակին, այլև շենքային հնարավորություններին։

Հիշեցնենք` ՀՀ կրթության, գիտության, մշակույթի և սպորտի նախարար Արայիկ Հարությունյանն օգոստոսի 10-ին հայտնեց, որ սեպտեմբերի 15-ից դասերը կվերսկսվեն հանրակրթական դպրոցներում, նախնական և միջին մասնագիտական հաստատություններում, երաժշտական, արվեստի, գեղարվեստի դպրոցներում՝ առկա ուսուցմամբ և սանիտարահիգիենիկ կանոնների պահպանմամբ։

Ռուսաստանի դպրոցներում և բուհերում դասերը կմեկնարկեն սեպտեմբերի 1-ից, բայց մեկ պայմանով

0
թեգերը:
դպրոց, Սերոբ Խաչատրյան, Հայաստան
Ըստ թեմայի
Ինչպես պետք է դասավանդվի «Ռազմագիտությունը» դպրոցներում. ռազմական վերլուծաբանի տեսակետը
Բացթողո՞ւմ, թե՞ նոր մոտեցում. «Հայոց պատմության» նոր չափորոշիչների շուրջ աղմուկը չի լռում
Առցանց ուսուցման լավ ու վատ կողմերը. ինչու տարեց դասախոսները հրաժարվեցին աշխատել օնլայն