ԵՐԵՎԱՆ, 22 մայիսի – Sputnik, Խաչիկ Չախոյան. 45–ամյա ձյուդոիստ Հարություն Ղարիբյանը չի վախենում վետերան բառից։ Նա այս մասին ասաց Sputnik Արմենիայի հետ զրույցում և պատմեց, թե ինչ զգացողություններ է ունեցել Երևանում անցկացված ձյուդոյի վետերանների բաց մրցաշարին մասնակցելիս։

«Ես կարծես նորից երիտասարդացա: Ճիշտ է` տատամի դուրս գալով ինչ–որ տեղ հիշողությունների հիման վրա էի գոտեմարտում, բայց միևնույնն է` ուզում էի անպայման հաղթել, ինչպես երիտասարդ տարիներին: Զգացի, որ տարիքով մեծացել եմ, բայց հոգով երիտասարդ եմ: Եվ այդ զգացումը միայն մրցագորգն ու մրցաշարը ինձ տվեցին: Շատ ուրախ եմ, որ նման մրցաշար անցկացվեց ու չեմ վախենում վետերան բառից»,– ասաց Ղարիբյանը, որն օրեր առաջ Երևանում անցկացված մրցաշարում հաղթեց 40-49 տարեկանների մրցավեճում, մինչև 100կգ քաշային կարգում:

Ձյուդոյի վետերանների բաց մրցաշարի ընթացքում կարելի էր տեսնել, թե ինչպես են մարզական կարիերան վաղուց ավարտած մարզիկները վերհիշում իրենց մարզական անցյալը, մարզումները և դա արտահայտում հնարքներով: Մանավանդ ուժային մարզաձևում, չխուսափեմ այդ բառից՝ նման վերհուշները երբեմն նույնիսկ վտանգավոր են, քանի որ միառժամանակ չմարզված մկանները կարող են տեղի տալ, ու... վնասվածքը պատրաստ է:

Հենրիխ Մխիթարյանը Բաքու չի մեկնի և չի մասնակցի ԵԼ եզրափակչին. «Արսենալի» հայտարարությունը

Սակայն այս մրցումները, ի լրումն ամենի, ցույց տվեցին, որ արևելյան մարտարվեստ ձյուդոն (թարգմանաբար՝ «փափուկ ճանապարհ») նաև խորը փիլիսոփայություն է ամփոփում իր մեջ:

Ձյուդոիստները միայն իրենց մարմինը չէ, որ մարզում են, այլև՝ հղկում են միտքը, կոփում կամքը, հաղթահարում «անհնար»-ի կամ «դժվարի» հոգեբանական պատնեշները, առհասարակ, պատնեշները, միաժամանակ՝ զարգացնում են ինքնատիրապետումն ու կազմակերպվածությունը, կենտրոնացումն ու գործելու, մտածելու արագությունը:Մի խոսքով՝ ձյուդոյի հնարքները ցուցադրվող գեղեցկությունն են, բայց այդ էսթետիկան շատ խորքից եկող հիմքերի վրա է խարսխված:

© Photo : official site of the MSYA od RA

Ձյուդոյի վետերանների առաջնություն

Եվ այն վետերան մարզիկները, որոնք դուրս եկան տատամի՝ մասնակցելու այս բաց առաջնությանը, բազմաթիվ դրվագներում իրենց ճարպիկ ու տպավորիչ հնարքներով ևս մեկ անգամ ապացուցին այս մարզաձևի գեղեցկությունն ու խորությունը:

Միայն պետք էր տեսնել, թե 25-60 տարեկան ձյուդոիստները ինչ խանդավառությամբ էին մոտեցել վետերանների բաց առաջնությանը, որը Հայաստանում անցկացվում էր առաջին անգամ:

© Sputnik / Aram Nersesyan

Ինչո՞ւ Գևորգ Ղազարյանը խզեց պայմանագիրը. ֆուտբոլիստը խոսել է պատճառների մասին

Իհարկե, տարբեր քաշային կարգերում եղան հաղթողներ, բայց կարծում եմ, որ այս դեպքում իսկապես հաղթողը մեկը չէր: Տվյալ դեպքում հաղթեցին բոլորը, որովհետև նույնիսկ պարտություն կրած վետերանների տրամադրությունը շատ բարձր էր:

Մրցումներին ներկա էին ՀՀ պաշտպանության նախարար Դավիթ Տոնոյանն ու ՀՀ սպորտի և երիտասարդության հարցերի նախարարի առաջին տեղակալ Գաբրիել Ղազարյանը, որոնք գոտեմարտերին բավականին էմոցիոնալ հետևելուց հետո, մեդալներով ու դիպլոմներով պարգևատրեցին հաղթողներին ու մրցանակակիրներին:

Ստորև ներկայացնում ենք մրցումների բոլոր հաղթողներին: 25-29 տարեկանների խմբում չեմպիոններ դարձան 66 կգ քաշային Գուրգեն Գինոսյանը, 90 կգ քաշային Մաքսիմ Մարգարյանը, 30-39 տարեկանների խմբում՝ 66 կգ քաշային Մեսրոպ Բերբերյանը, 90 կգ քաշային Միքայել Իվանյանը, 100 կգ քաշային Հակոբ Առաքելյանը, 40-49 տարեկանների խմբում՝ 100 կգ քաշային Տարոն Առաքելյանը, 81 կգ քաշային Վրեժ Մամիկոնյանը, 100 կգ քաշային Հարութ Ղարիբյանը, 50-59 տարեկանների խմբում՝ 100 կգ քաշային Հայկ Սարգսյանը և 60+ տարեկանների խմբում՝ 61 կգ քաշային Վարդան Խուգյանը:

ԵՐԵՎԱՆ, 3 մարտի- Sputnik. Հայաստանի մարդու իրավունքների պաշտպան Արման Թաթոյանն անդրադարձել է մամուլում ու սոցցանցերում մեծ աղմուկ հանած ՀՀ Ազգային ժողովի պատուհաններից բացահայտ երևացող դիպուկահարների թեմային։

Նա նշել է, որ ՀՀ մարդու իրավունքների պաշտպանի աշխատակազմը ստացել է ահազանգեր առ այն, որ ՀՀ Ազգային ժողովի պատուհաններից բացահայտ երևում են դիպուկահարներ Բաղրամյան պողոտայում տեղի ունեցող հավաքի ուղղությամբ: Արձանագրվել են նաև նման հրապարակային անհանգստություններ:

Ոստիկանները փակել են Դեմիրճյան փողոցը. տեսանյութ

Տեղեկացվում է, որ պաշտպանի աշխատակազմը դիտարկում է իրականացնում լրատվամիջոցներով և հավաքի վայրում, որտեղ առկա են նաև երեխաներ ու տարեցներ:

«ՀՀ Ազգային ժողովի շենքի պատուհաններից հրազենի բացահայտ ցուցադրությունը, այդ թվում՝ զինվորական համազգեստով դիպուկահարների ցուցադրական ներկայությունը խաղաղ հավաքին պետության կողմից գործադրված անվտանգության անհամարժեք միջոց է այս պահին Բաղրամյան պողոտայում առկա իրավիճակում»,–գրել է Նա:

ՄԻՊ–ը նշել է, որ պետությունը կարող է անվտանգության միջոցներ ձեռնարկել, բայց դրանք յուրաքանչյուր դեպքում պետք է հաշվի առնեն կոնկրետ իրավիճակը և չպետք է լինեն այնպիսին, որ ստանան խաղաղ հավաքին մասնակցությունը կանխող կամ անհանգստություն պատճառող բնույթ:

«Գուցե որոշել են ուժ կիրառել». Արթուր Վանեցյանը` ոստիկանության հայտարարության մասին

Նշենք, որ այսօր կառավարության հետ հարցուպատասխանի համար ՀՀ վարչապետ Նիկոլ Փաշինյանը գնացել էր ԱԺ։ Նրա այցելությունից առաջ ՀՀ ոստիկանական ուժերն ԱԺ–ի տարածքում խիստ ավելացել էին, իսկ ԱԺ պատուհաններից լրագրողները նկատել էին զինված դիպուկահարների։