Մխիթարյանն «Արսենալից» գնո՞ւմ է. ո՞ր թիմն է գնելու հայ կիսապաշտպանի տրանսֆերը
ԵՐԵՎԱՆ, 8 մայիսի — Sputnik. Անգլիական մամուլը «թարմացրել» է լոնդոնյան «Արսենալից» Հենրիխ Մխիթարյանի հեռանալու մեծ հավանականության մասին խոսակցությունները: Ու ոչ միայն Մխիթարյանի:
Ամառային տրանսֆերային մեծ պատուհանի ընթացքում մի շարք «աստղակիր« ֆուտբոլիստների հրաժեշտ տալու մտադրություններ «Արսենալի» գլխավոր մարզիչ Ունայ Էմերին և նրա մարզչական թիմը ուներ և նախքան այս: Բայց The Sun-ը նշում է, որ Պրեմիեր լիգայում բարձր տեղ գրավելու միջոցով Չեմպիոնների լիգայի ուղեգիր ձեռք բերելու հնարավորությունները գործնականում փոշիացնելուց հետո՝ Էմերին թիմի կազմում լուրջ փոփոխություններ կատարելու գրեթե վերջնական որոշում է կայացրել:
Իսպանացի, իսկ ավելի ստույգ՝ բասկ մարզիչը մասնավորապես հակված է վաճառքի հանել առաջին հերթին աստղային ու վարձատրման առումով թանկարժեք Մեսութ Օզիլին և Հայաստանի ազգային հավաքականի ավագ Հենրիխ Մխիթարյանին:
Անգլիական պարբերականը նշում է, որ նշված ֆուտբոլիստները չեն արդարացնում իրենց ստացած բարձր աշխատավարձը, ըստ այդմ՝ անարդյունավետ են: «Խնայողական» տարբերակով երկու թանկ արժեցող ֆուտբոլիստներից ձերբազատվելու վերջնական որոշում կայացնելուն կարող է նպաստել և այն գործոնը, որ «Արսենալի» ղեկավարությունն այս տարի չի նախատեսում խոշոր բյուջե հատկացնել գլխավոր մարզչին՝ ամռանը նոր կատարողներ ձեռք բերելու համար:
Պարբերականը նկատել է նաև, որ «Արսենալի» գլխավոր մարզիչը միանգամայն կտրուկ է «աստղերի» հարցում, օրինակ Աարոն Ռեմսիին հանգիստ թողեցին, որ հեռանա «Յուվենթուս», իսկ Դանի Ուելբեքին աշխատանքային նոր պայմանագիր որոշվել է չառաջարկել:
Մեզ առաջինն, իհարկե, հետաքրքրում է մեր ֆուտբոլային աստղը:
Եթե հավատ ընծայենք «The Sun»-ին, ապա ստացվում է, որ «Արսենալից» Հենրիխ Մխիթարյանի գնալու հարցը 99,99 տոկոսով վճռված է: Մնում է պարզել, թե որ ակումբը կգնի հայ ֆուտբոլիստի տրանսֆերը:
թեգերը:
Լևոն Արոնյանը բարելավել է դիրքերը ՖԻԴԵ-ի դասակարգման աղյուսակում
(Թարմացված է 16:42 01.03.2021)
ՖԻԴԵ-ի վարկանշային աղյուսակում Լևոն Արոնյանի անվան դիմաց դեռ հայկական եռագույնն է։ ԵՐԵՎԱՆ, 1 մարտի - Sputnik. Հայկական շախմատի առաջատար Լևոն Արոնյանը 1 հորիզոնականով բարելավել է դիրքերը ՖԻԴԵ-ի դասակարգման աղյուսակում, որը հրապարակվել է այսօր։
ԱՄՆ շախմատային ֆեդերացիան ողջունում է սուպերգրոսմայստեր Արոնյանի որոշումը. Մայք Հոֆաույր
Արոնյանը 2781 միավորով զբաղեցնում է 5-րդ հորիզոնականը, ու նրա անվան դիմաց դեռ հայկական եռագույնն է։ Նա զիջում է միայն աշխարհի գործող չեմպիոն նորվեգացի Մագնուս Կարլսենին (Նորվեգիա), Ֆաբիանու Կարուանային (ԱՄՆ), Դին Լիժենին (Չինաստան), Յան Նեպոմնյաշչիին (Ռուսաստան):
Հիշեցնենք, որ օրեր առաջ Լևոն Արոնյանը հայտարարել էր, որ որոշում է ընդունել տեղափոխվել ԱՄՆ, քանի որ պետությունն այլևս չի աջակցում շախմատիստներին։
Հովհաննես Գաբուզյանը դարձավ Հայաստանի չեմպիոն
(Թարմացված է 14:35 01.03.2021)
Տիգրան Պետրոսյանի անվան շախմատի տանն ավարտվել է Հայաստանի շախմատի տղամարդկանց 2021 թվականի առաջնությունը։ԵՐԵՎԱՆ, 1 մարտի - Sputnik. Գրոսմայստեր Հովհաննես Գաբուզյանը դարձել է Հայաստանի չեմպիոն և տղամարդկանց ազգային հավաքականի անդամ։ Տեղեկությունը հայտնում է Հայաստանի շախմատի ֆեդերացիայի պաշտոնական կայքը:
«Տիգրան Պետրոսյանի անվան շախմատի տանը ավարտվեց Հայաստանի շախմատի տղամարդկանց 2021 թվականի առաջնությունը։ 8,5 միավորով Հայաստանի 2021 թվականի չեմպիոն հռչակվեց գրոսմայստեր Հովհաննես Գաբուզյանը»,–նշված է հաղորդագրության մեջ։
Ֆեդերացիան նշում է, որ Գաբուզյանը մրցաշարի հենց սկզբից ստանձնել էր առաջատարի դերը և վստահորեն պահպանել է այն մինչև մրցաշարի ավարտը։ Նա իր անհատական վարկանիշը բարելավել է 34 կետով։
7 միավորով 2-3-րդ հորիզոնականները բաժանել են Արման Փաշիկյանը և Սամվել Տեր-Սահակյանը։ Լրացուցիչ ավելի բարձր ցուցանիշների շնորհիվ Արման Փաշիկյանն արժանացել է արծաթե մեդալի, իսկ Սամվել Տեր-Սահակյանին բաժին է հասել բրոնզե պարգևը:
Երբ Պետրոսյանը շախմատ էր խաղում, նույնիսկ հանցագործները ռադիոընդունիչից չէին պոկվում
Մահացել է համաշխարհային ճանաչում ունեցող թավջութակահար Մեդեա Աբրահամյանը
(Թարմացված է 14:57 03.03.2021)
Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:
ԵՐԵՎԱՆ, 3 մարտի -Sputnik. Մահացել է հայտնի թավջութակահար, ՀԽՍՀ ժողովրդական արտիստ Մեդեա Աբրահամյանը: Այս մասին հայտնել է Արամ Խաչատրյանի տուն-թանգարանի տնօրեն Արմինե Գրիգորյանը:
Նշենք, որ Մեդեա Աբրահամյանի նվագացանկում ընդգրկված է եղել թավջութակի ավելի քան 300 ստեղծագործություն, որոնցից շուրջ 120-ը գրված հենց նրա համար և նվիրվել են նրան։ Նրա լեգենդար անունն այսօր դարձել է դասական կատարողական արվեստի խորհրդանիշ:
Աբրահամյանն առաջին թավջութակահարն էր, որ պատուհան բացեց դեպի միջազգային հեղինակավոր բեմեր:
Նրան ծափահարել են աշխարհի բազմաթիվ երկրներում՝ Ամերիկայի Միացյալ Նահանգներում, Կանադայում, Ֆրանսիայում, Գերմանիայում, Իսլանդիայում, Արգենտինայում, Ուրուգվայում, Սիրիայում, Լիբանանում, Կորեայում, Ռումինիայում, Հունգարիայում, Բուլղարիայում, Լեհաստանում, Բելգիայում, Լյուքսեմբուրգում, նախկին խորհրդային հանրապետություններում և այլ երկրներում։
Մեդեա Աբրահամյանն արժանացել է բազմաթիվ մրցանակների, դրանք են`
- Պրահայի Հ. Վիհանի անվան թավջութակահարների միջազգային մրցույթի դափնեկիր (երկրորդ մրցանակ), 1955
- Հայաստանի երիտասարդության առաջին փառատոնի դափնեկիր (առաջին մրցանակ), 1957
- Մոսկվայի երաժիշտ-կատարողների համամիութենական մրցույթի դափնեկիր (առաջին մրցանակ), 1961
- ՀԽՍՀ վաստակավոր արտիստ, 1963
- Բուլղարիայի Ռուսե քաղաքի պատվավոր քաղաքացի, 1968
- ՀԽՍՀ պետական մրցանակ, 1973
- ՀԽՍՀ ժողովրդական արտիստ, 1980
- Երևանի Կոմիտասի անվան պետական կոնսերվատորիայի պրոֆեսոր, 1983
- ԽՍՀՄ Գերագույն խորհրդի նախագահության կողմից «Աշխատանքի վետերան» մեդալ, 1987
- Հայ արվեստի ասպետ, 2007
- «Հայրենիքին մատուցած ծառայությունների համար» 1-ին աստիճանի մեդալ, 2012
- ՀՀ վարչապետի ոսկե հուշամեդալ, 2016
- «Նաիրի» համահայկական երաժշտական փառատոնի գլխավոր մրցանակ «Դասական լարային նվագարաններ» անվանակարգում, 2017[6]
- Հայաստանի երաժշտական ընկերության «Կոմիտաս» հուշամեդալ, 2018
1956 թվականից մինչև 1990-ական թվականների վերջը Մեդեա Աբրահամյանը եղել է Հայֆիլհարմոնիայի մենակատար։