ԵՐԵՎԱՆ, 29 ապրիլի — Sputnik. Պատանի ազատ ոճային ըմբիշներն ապրիլի 27-28-ին Ստամբուլում ազատ ոճի ըմբշամարտի պատանեկան միջազգային մրցաշարում 6 մեդալ են նվաճել։ Այս մասին Sputnik Արմենիային հայտնեցին Հայաստանի ըմբշամարտի ֆեդերացիայից։
«Հայ ըմբիշները նվաճել են 1 ոսկե, 2 արծաթե և 3 բրոնզե մեդալ: Առաջին տեղը գրավել ու ոսկե մեդալ է նվաճել Լյովա Գևորգյանը։ Երկրորդ տեղն են գրավել երկու հայ մարզիկներ` Հարություն Հովհաննիսյանն ու Հայկ Աբրահամյանը` արժանանալով արծաթե մեդալի։ 3–րդ տեղը գրավել են ու բրոնզե մեդալի արժանացել 3 մարզիկներ` Տիգրան Ղազարյանը, Մենուա Յարիբեկյանը և Սերգեյ Սարգսյանը»,–հայտնեցին ըմբշամարտի ֆեդերացիայից։
Թիմային հաշվարկով մեր ընտրանին զբաղեցրել է երրորդ տեղը։ Առաջին տեղը զբաղեցրել է Ուկրաինան, իսկ երկրորդը` Թուրքիան։
Ի դեպ, Թուրքիա էին մեկնել 12 հայ մարզիկ, առաջնությանը մասնացել են 12 երկրի ազատ ոճի պատանի ըմբիշները: