ԵՐԵՎԱՆ, 16 ապրիլի — Sputnik. Բազմաթիվ երկրպագուներ, սպորտի նախարարության և ՀԱՕԿ ներկայացուցիչներ հավաքվել էին «Զվարթնոց» օդանավակայանում՝ դիմավորելու Հայաստանի հունահռոմեական ոճի ըմբշամարտի հավաքականին:

Հունահռոմեական ոճի հայ ըմբշամարտիկ Կարեն Ասլանյանը (67 կիլոգրամ քաշային կարգ) բրոնզե մեդալ է նվաճել Բուխարեստում կայացած ըմբշամարտի Եվրոպայի առաջնությունում։

© Sputnik / Asatur Yesayants

«Զվարթնոց» օդանավակայանում դիմավորեցին Հայաստանի հունահռոմեական ոճի ըմբշամարտի հավաքականին

Օլիմպիական խաղերի փոխչեմպիոն, աշխարհի ու Եվրոպայի նախկին չեմպիոն Արսեն Ջուլֆալակյանը, որը վերջերս Ազգային ժողովի պատգամավոր է դարձել, նույնպես բրոնզ է նվաճել 77  կիլոգրամ քաշային կարգում։  

© Sputnik / Asatur Yesayants

«Զվարթնոց» օդանավակայանում դիմավորեցին Հայաստանի հունահռոմեական ոճի ըմբշամարտի հավաքականին

Հայաստանի հավաքականին դիմավորելու էին եկել բազմաթիվ երկրպագուները, ինչպես նաև ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Մխիթար Հայրապետյանը:

Մյուս ըմբշամարտիկները անհաջող են ելույթ ունեցել ու չեն կարողացել մեդալներ նվաճել։

ԵՐԵՎԱՆ, 3 մարտի - Sputnik. Ռուս խաղաղապահները Լեռնային Ղարաբաղի Մարտակերտ բնակավայրի շրջանում իրականացրած ականազերծման աշխատանքների ընթացքում ավելի քան 30 152 մմ բեկորային-ֆուգասային հրետանային արկեր են վնասազերծել։ Տեղեկությունը հայտնում է ՌԴ ՊՆ մամուլի ծառայությունը։

© CC BY 3.0 / LJ user plusninety

Հայ ուխտավորներին ռուս խաղաղապահներն ուղեկցել են Ամարաս

«2020թ. նոյեմբերի 23-ից ի վեր չպայթած զինամթերքից մաքրվել է 1 548 հա տարածք, 484 կմ ճանապարհ, 1 524 շինություն, այդ թվում՝ սոցիալական նշանակության 30 օբյեկտ, հայտնաբերվել ու վնասազերծվել է 24 994 պայթուցիկ առարկա», - ասված է հաղորդագրության մեջ:

Նշվում է, որ հայտնաբերված պայթուցիկ առարկաները դուրս են բերվել և ոչնչացվել հատուկ սարքավորված զորավարժարանում: Այն զինամթերքը, որը հնարավոր չէ տարհանել, ոչնչացվել է տեղում. պայթեցման աշխատանքների ժամանակ պահպանվել են անվտանգության բոլոր անհրաժեշտ միջոցները:

Ռուսական խաղաղապահ զորախմբի մարդասիրական ականազերծման վաշտի անձնակազմը շարունակում է Լեռնային Ղարաբաղում տեղանքը պայթունավտանգ առարկաներից մաքրելու աշխատանքները:

Հաղորդագրության համաձայն՝ մարտական գործողություններից տուժած շրջաններում ռուս խաղաղապահների աջակցությամբ շարունակվում է կենսական կարևորություն ունեցող հաղորդակցությունների վերականգնումը:

Հիշեցնենք` 2020թ.–ի նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորակազմը տեղակայվել է 5 տարի ժամկետով, որից հետո այդ ժամանակահատվածը մեխանիկորեն կերկարաձգվի ևս 5 տարով, եթե կողմերից որևէ մեկը ժամկետի ավարտից 6 ամիս առաջ չհայտարարի տվյալ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են