Հենրիխ Մխիթարյան

Առնեմ–ծախեմ. Հենրիխ Մխիթարյանը պատմել է կարճ ժամանակով իրականացած երազանքի մասին

136
Հայաստանի ֆուտբոլի հավաքականի ավագ, անգլիական «Արսենալի» կիսապաշտպան Հենրիխ Մխիթարյանը պատմել է, թե մանկության որ երազանքի իրականացմանն է երկար սպասել, բայց շատ արագ էլ հրաժարվել դրանից։

ԵՐԵՎԱՆ, 13 ապրիլի — Sputnik. «Արսենալ» ֆուտբոլային ակումբի youtube-յան պաշտոնական էջում տեսանյութ է հրապարակվել, որում «Արսենալի» աստղերը պատմում են իրենց մանկության իրականացած ու չիրականացած երազանքների մասին։

Հայաստանի ֆուտբոլի հավաքականի ավագ, անգլիական «Արսենալի» կիսապաշտպան Հենրիխ Մխիթարյանը պատմել է, որ մանկական երազանքն իրեն հաջողվել է իրականացնել, բայց ինքը շատ արագ դրանից հրաժարվել է։

«Մանուկ հասակում ես երազում էի «Լամբորջինիի մասին։ 3 տարի առաջ ես այն գնեցի, բայց արդեն վաճառել եմ»,– ասում է Մխիթարյանը։

«Արսենալի» հույն պաշտպան Սոկրատիսը պատմում է, որ մանկուց ի վեր երազում է մեծ բարձրությունից թռչել պարաշյուտով և հուսով է, որ իր այդ երազանքը երբևէ կիրականանա։

«Արսենալի մեկ այլ խաղացող`Դինոս Մավրոպանոսը, հույս ունի երբևէ հանդիպել ամերիկացի պրոֆեսիոնալ բասկետբոլիստ «Լոս Անջելես լեյկերսի» խաղացող Լեբրոն Ջեյմսի հետ։ Նրա համոզմամբ ` դա կօգնի փոքր–ինչ ավելին իմանալ խաղի մասին։

136
թեգերը:
Հենրիխ Մխիթարյան
Ըստ թեմայի
«Տղերք, մի վախեցեք». Հենրիխ Մխիթարյանը խորհուրդ է տվել ֆուտբոլիստներին
Փաշինյանը նվեր է ստացել Հենրիխ Մխիթարյանից. լուսանկարներ
Հենրիխ Մխիթարյանը մրցանակ է ստացել. լուսանկար
Արթուր Աբրահամն ամուսնալուծվել է