Անդրանիկ Կարապետյան

Անդրանիկ Կարապետյանը ավելորդ քաշի պատճառով զրկվեց Եվրոպայի առաջնության մասնակցությունից

166
Հայաստանի հավաքականը շատ թանկարժեք միավորներ կորցրեց:

ԵՐԵՎԱՆ, 10 ապրիլի — Sputnik. Բաթումում ընթացող ծանրամարտի Եվրոպայի առաջնությունում այսօր 81 կգ քաշայինների մրցաշարի հաղթողի ռեալ հավակնորդ Անդրանիկ Կարապետյանը մրցահարթակ դուրս չեկավ: Պարզվեց, որ հայ ծանրորդը 150 գրամ ավելորդ քաշ ունի, և նրան չեն թույլատրել մասնակցել մրցմանը:

81 կգ քաշային կարգում նախապես հայտավորված էին Հայաստանի երկու ներկայացուցիչներ՝ Ռաֆիկ Հարությունյանն ու Անդրանիկ Կարապետյանը: Ընդ որում՝ ըստ նախնական պարտվերի Հարությունյանի երկամարտի արդյունքը երրորդն էր, իսկ Կարապետյանինը առաջինը: Բնական է, որ Անդրանիկ Կարապետյանը իր թիմակցից անհամեմատ ավելի փորձառու է ու իր արդյունքներով այս քաշային կարգում, ոչ միայն Եվրոպայում, այլ աշխարհում առաջատարների շարքում է:

Այս ամենը ավելի ցավ է պատճառում, երբ հսկանում ես թե ինչու հայ ծանրորդը զրկվեց մեդալից: Հասկանալի է, որ հիմա դժվար է գուշակել, թե ինչպիսի արդյունք կգրանցվեր Կարապետյանի ելույթներից հետո, բայց այն որ նա մեդալ կունենար ոչ ոք չի էլ կասածում: Մնում է ասել արդեն ընդունված բառերը՝ սպորտ է ու ամեն ինչ պատահում է:

Ըստ մեզ հասած տեղեկությունների մրցումների մեկնելուց առաջ մարզիչները կշռի ոչ մի խնդիր չեն տեսել, բայց հենց մարզադահլիճում ավելորդ 150 գրամ է արձանագրվել ու Անդրանիկ Կարապետյանը չի հասցրել ազատվել այդ «ծանր» բեռից:

Ինչ վերաբերում է 18 ամյա Ռաֆիկ Հարությունյանին, ապա մեր ծանրորդը պոկում վարժությունում գլխավերևում պահեց 150 կիլոգրամանոց ծանրաձողը, ինչը 11-րդ արդյունքն էր: Հրում վարժությունում հայ ծանրորդը ցույց տվեց 195կգ արդյունք. սա Եվրոպայի պատանիների  ռեկորդ է: Հրում վարժությունում մեր ծանրորդը ցույց տվեց չորրորդ արդյունքը, իսկ երկամարտում 345կգ արդյունքով զբաղեցրեց 8-րդ հորիզոնականը:

Ծանրամարտի Եվրոպայի առաջնությունը վարկանիշային մրցաշար է 2020թվականի Տոկիոյի օլիմպիական խաղերի համար: Պարզ է, որ բոլոր թիմերն էլ ձգտելու են վաստակել առավելագույն միավորներ: Այդ առումով Հայաստանի հավաքականը շատ թանկարժեք միավորներ կորցրեց:

166
թեգերը:
սպորտ
Ըստ թեմայի
Ֆուտբոլի Հայաստանի երիտասարդական հավաքականը կիպրոսցիներին հաղթանակի հնարավորություն չտվեց
Անդրեյ Տալալաևը կգլխավորի ռուսական «Խիմկին»
Արսեն Հարությունյանը եզրափակիչում է. նա երաշխավորված մեդալ ունի Եվրոպայի առաջնությունում
Արսեն Հարությունյանը հաղթեց թուրք ըմբիշին և դուրս եկավ Եվրոպայի առաջնության կիսաեզրափակիչ