Ռիփսիմե Խուրշուդյան

Ինչից էին ծնվում դոպինգային սկանդալները մեր սպորտում. բացահայտում է Արեգ Հովհաննիսյանը

248
(Թարմացված է 15:45 10.04.2019)
Բաթումում ընթանում է ծանրամարտի Եվրոպայի առաջնությունը, որին մասնակցում են Հայաստանի ներկայացուցիչները: Մրցաշարին ուշադրությամբ հետևում է նաև Հակադոպինգային միջազգային գործակալությունը:

ԵՐԵՎԱՆ, 10 ապրիլի — Sputnik, Մանվել Մարգարյան. Ծանրամարտի Եվրոպայի առաջնությանը մեր մարզիկ-մարզուհիներն արդեն անցել են դոպինգ ստուգումները:

Հայաստանն առհասարակ դասվում է 12 տոկոս կազմող այն երկրների շարքին, որոնք նախանշված ժամկետից շուտ իրականացրել են հակադոպինգային աուդիտ և այդ առումով խնդիրներ չունեն:

Սպորտային բժշկության և հակադոպինգային ծառայության հանրապետական կենտրոնի հակադոպինգային ծառայության պետ, կենսաբանական գիտությունների դոկտոր, պրոֆեսոր Արեգ Հովհաննիսյանը Sputnik Արմենիայի հետ զրույցում ասում է, որ ոլորտում վերջին տարիներին իրավիճակը շահեկանորեն փոխվել է: Եթե տարիներ առաջ իրենք չէին ստանում պետական աջակցություն, իսկ ինքն անձամբ չէր ճանաչում Սպորտի նախարարին, ապա 2015թ.-ի համեմատ՝ իրենց բյուջեն ավելացել է երեք անգամ։ ՀՀ-ում առկա է ամենաժամանակակից հակադոպինգային ծառայություն, որն ունի անհրաժեշտ կահավորմամբ սենյակներ՝ լիարժեք ստուգումներ անցկացնելու համար:

Արեգ Հովհաննիսյանը մեր վեց ծանրամարտիկների հետ կապված դոպինգային սկանդալը պատճառաբանում է հենց իրենց ծառայության աշխատանքներին տարիներ առաջ լուրջ չվերաբերվելու հանգամանքով: «Եթե մենք ունենայինք կարճաժամկետ ինտերվալներով պարբերաբար ստուգումներ իրականացնելու հնարավորություն, ապա նման խնդրի առջև չէինք կանգնի, մարզիկներն էլ ավելի զգոն և ուշադիր կլինեին որոշ միջոցներ ընդունելու հարցում»,- ասում է ոլորտի ղեկավարը և նշում, որ այժմ ծանրամարտի հավաքականի ավագ մարզիչ Փաշիկ Ալավերդյանը բավականին հետևողական ու խստապահանջ մոտեցում է ցուցաբերում հակադոպինգային հարցերին՝ դրանք դարձնելով առաջնային խնդիր:

Նշենք, որ 2016թ–ին Միջազգային օլիմպիական կոմիտեն որակազրկել է հայաստանցի ծանրամարտիկ Հռիփսիմե Խուրշուդյանին 2012-ի Լոնդոնի Օլիմպիական խաղերի դոպինգ-թեստը չանցնելու համար:

Այնուամենայնիվ ռիսկերն այսօր էլ պահպանվում են, և շատ բան կախված է կոնկրետ մարզաձևերի ֆեդերացիաների ղեկավարներից ու մարզիչներից: Մեր մարզաշխարհում վերջին դոպինգային միջադեպը գրանցվել է 2018 թվականի նոյեմբերին, Հայաստանի ձյուդոյի առաջնության ժամանակ: Մարզիկն անգիտակցաբար ընդունել էր արգելված դեղամիջոց և որակազրկվել երեք ամսով: Նա արդեն հանձնել է նոր նմուշ, նրա մոտ ամեն ինչ կարգին է և կարող է մասնակցել նոր մրցաշարերի:

Արեգ Հովհաննիսյանը հավաստիացնում է, որ իրենք աշխատում են գաղտնիության պայմաններում, և որևէ կառույց չի միջամտում իրենց աշխատանքներին: Տեղեկատվական բազայի էլեկտրոնային համակարգից կարող են օգտվել միայն մասնագետները: Համակարգը լավ պաշտպանված է հատկապես հաքերների վերջին հարձակումներից հետո, երբ չարագործները փորձում էին կորզել հույժ գաղտնի տեղեկություններ: 

«Մեր կազմակերպությունն անցյալ տարվանից դիմել է միջազգային կառույցներին՝ հայցելով նրանց հավելյալ օժանդակությունը, որպեսզի պատշաճ կերպով բոլոր մարզաձևերում իրականացնենք համապարփակ ստուգումներ, և մեր որոշ մարզիկներ ստուգվեն արտասահմանյան կազմակերպությունների կողմից»-նշում է մեր զրուցակիցը:

Հակադոպինգային ուսումնասիրությունների մեթոդները նույնպես կատարելագործվել են և թույլ են տալիս հայտնաբերել տարիներ առաջ օգտագործված միջոցները:

Արեգ Հովհաննիսյանը երախտագիտությամբ է նշում հատկապես մեր ըմբիշների և հակադոպինգային կառույցի միջև առկա համագործակցությունը: Մեր տիտղոսակիր մարզիկները նույնիսկ միջազգային մրցաշարերից են զանգահարում և տեղեկացնում, թե իրենց ինչ միջոցներ են առաջարկում կազմակերպիչները և արժե՞ դրանք ընդունել: 

Հայաստանի հակադոպինգային ծառայությունը պարբերաբար մարզիկներին հատկացնում է արգելված և չարգելված միջոցների ցուցակը և տալիս մասնագիտական խորհուրդներ, թե կոնկրետ որ հիվանդությունների դեպքում ինչ դեղամիջոցներ պետք է ընդունեն մարզիկները, որպեսզի չներքաշվեն դոպինգային սկանդալների մեջ:

248
թեգերը:
Հայաստան
Ըստ թեմայի
Դյուցազնը, որը ստիպում էր կարկամել. Յուրի Վարդանյանը ճանաչվել է ծանրամարտի «ադամանդ»
Հայաստանի բռնցքամարտի հավաքականը նոր գլխավոր մարզիչ ունի. լուսանկարներ
Որակազրկում և մեդալներ. ծանրամարտի հայկական տարին
Լևոն Արոնյան. արխիվային լուսանկար

Լևոն Արոյանը պարտվեց ամերիկացի շախմատիստ Հիկարու Նակամուրայից

23
(Թարմացված է 22:46 25.05.2020)
Փորձագետները կարծում են, որ չնայած ծանր հոգեբանական վիճակին, Լևոն Արոնյանը հետաքրքիր խաղ է ցուցադրում։

ԵՐԵՎԱՆ, 25 մայիսի - Sputnik. Հայկական շախմատի առաջատար Լևոն Արոնյանն արագ շախմատի Lindores Abbey Rapid Challenge առցանց մրցաշարի քառորդ եզրափակչի երկրորդ խաղում պարտվեց ամերիկացի շախմատիստ Հիկարու Նակամուրայից։

ՌԻԱ Նովոստիի փոխանցմամբ ՝ չորս խաղերի արդյունքների համաձայն՝ Նակամուրան հաղթել է 3-1 հաշվով և մտել մրցակցության հաջորդ փուլ: Արոնյանի հետ առաջին հանդիպումը նույնպես հօգուտ ամերիկացու էր:

Lindores Abbey Rapid Challenge մրցաշարը կավարտվի հունիսի 3-ին, ինչից հետո կկայանան ևս մի քանի մրցաշարեր` Online Chess Masters-ը (հունիսի 20-ից հուլիսի 5-ը), Legends of Chess-ը (հուլիսի 21-ից օգոստոսի 5-ը) և Grand Final-ը (օգոստոսի 9-20-ը):

Մրցաշարի մրցանակային ընդհանուր ֆոնդը 1 միլիոն դոլար է:

Փորձագետների կարծիքով՝ կնոջ` շախմատիստուհի և հասարակական գործիչ Արիանա Կաոլիի մահից հետո անգամ, չնայած ծանր հոգեբանական վիճակին, Արոնյանը վերջին շրջանում հիանալի խաղ է ցուցադրում։

23
թեգերը:
Պարտություն, Շախմատի միջազգային ֆեդերացիա (ՖԻԴԵ), շախմատիստ, շախմատ, Լևոն Արոնյան
թեմա:
Լևոն Արոնյանի վերելքներն ու վայրէջքները
Ըստ թեմայի
«Գիտեինք, որ երկուսդ էլ հանձնվող տեսակ չեք». նախագահը և վարչապետը ցավակցել են Արոնյանին
Լևոն Արոնյանը կխաղա Եվրոպայի թիմի կազմում 
Լևոն Արոնյանը Եվրոպայի թիմի կազմում շարունակում է հաղթել
Հենրիխ Մխիթարյան

Հենրիխ Մխիթարյանի համար պայքարը շարունակվում է․ «Ռոման» նոր առաջարկ կանի «Արսենալին»

99
(Թարմացված է 16:15 25.05.2020)
2021 թվականին իտալական ակումբն անպայման կգնի Հայաստանի ֆուտբոլի հավաքականի 31-ամյա ֆուտբոլիստի տրանսֆերը։

ԵՐԵՎԱՆ, 25 մայիսի – Sputnik. Իտալական «Ռոման» պատրաստվում է Հայաստանի ֆուտբոլի ազգային հավաքականի ավագ Հենրիխ Մխիթարյանի տրանսֆերի մասին նոր առաջարկ անել «Արսենալին»։ Տեղեկությունը հայտնում է իտալական Il Tempo–ն։

Աղբյուրը նշում է, որ հայ ֆուտբոլիստի վարձակալության պայմանագրի ժամկետն այս ամառ լրանում է, ու «գայլերը» մտադիր են ևս մեկ տարով երկարացնել այն։

Վարձակալության նոր պայմանագրի հիմնական դրույթը լինելու է այն, որ 2021-ին ավարտվում է Մխիթարյանի պայմանագիրը «Արսենալի» հետ, այդ ժամանակ արդեն հայ ֆուտբոլիստը կարող է լիարժեք պայմանագիր կնքել «Ռոմայի» հետ, ու «Արսենալն» արդեն դրամական փոխհատուցում չի ստանա: Միևնույն ժամանակ չի բացառվում, որ «Արսենալը» կարող է առաջարկել հայ ֆուտբոլիստին երկարաձգել պայմանագիրը: Բայց դա համենայնդեպս այս պահին քիչ հավանական է:

Մխիթարյանին «Արսենալը» պատրաստ է վաճառել 15 մլն ֆունտով. ինչ է ասում «Ռոման»

Հիշեցնենք, որ Հենրիխ Մխիթարյանը 2019 թվականից վարձակալության հիմունքով հանդես է գալիս «Ռոմայում», Լոնդոնի «Արսենալի» հետ պայմանագիրն ավարտվելու է 2021-ի ամռանը։ Այս մրցաշրջանի А Սերիայի ընթացքում Մխիթարյանը 13 խաղ է անցկացրել, 6 գոլի ու 3 գոլային փոխանցման հեղինակ դարձել։

Հայաստանի հավաքականի առաջին գոլը պաշտոնական խաղերում. ինչ «ավանդույթ» ուներ մեր ընտրանին

99
թեմա:
Հենրիխ Մխիթարյան
Ըստ թեմայի
Դոնեցկի «Շախտյորը» չի մոռանում Հենրիխ Մխիթարյանին ու նրա «թնդանոթային» հարվածները
Ալեքսանդր Կարապետյանը Հենրիխ Մխիթարյանին «Սոչի» է հրավիրել
Միայն տաղանդը քիչ է. Հենրիխ Մխիթարյանը պատասխանել է հայ երեխաների հարցերին. տեսանյութ
Իլոն Մասկ

Իլոն Մասկը ստիպված է եղել փոխել երեխայի անունը. նորը պակաս տարօրինակ չէ

0
(Թարմացված է 01:01 26.05.2020)
Ծնողներն ի սկզբանե ուզում էին երեխային կոչել X Æ A-12, սակայն Կոլիֆոռնիայի օրենքներով` երեխային գրանցելու համար նրա անվան մեջ կարելի է կիրառել միայն լատինական տառեր։

ԵՐԵՎԱՆ, 25 մայիսի –Sputnik. Tesla և SpaceX ընկերությունների հիմնադիր, գործարար Իլոն Մասկն ու նրա կինը` կանադացի երգչուհի Գրայմսը, ստիպված են եղել փոխել իրենց նորածին որդու անունը` Կալիֆոռնիայի նահանգի օրենքի պահանջների պատճառով։ Երեխայի անվան հետ կապված նորությունը Instagram–ի իր էջում հայտնել է գործարարի կինը։

Ծնողներն ի սկզբանե ուզում էին երեխային կոչել X Æ A-12, սակայն Կոլիֆոռնիայի օրենքներով երեխային գրացնելու համար նրա անվան մեջ կարելի է կիրառել միայն լատինական տառեր, ապաթարց և տրոհագիծ։

Սակայն Մասկն ու Գրեյմսը երեխային սովորական անունով չեն կնքել, նրանք պարզապես վերջին տառերը փոխարինել են «Xii»–ով։ Տղայի նոր անունը X Æ A-Xii է։

2019–ին Նարեներն ու Դավիթները «հաղթել» են բոլորին

Փոքրիկի մայրը կարծում է, որ նոր անունը նախորդից լավն է, միևնույն ժամանակ Գրեյմսը չի նշել, թե ինչպես է նոր անվանը վերաբերվում Կալիֆոռնիայի օրենսդրությունը։

Ձախողո՞ւմ, թե՞ շոուի մաս. Իլոն Մասկը ներկայացրել է իր նոր Cybertruck պիկապը. տեսանյութ

0
թեգերը:
անուն, երեխա, Իլոն Մասկ
Ըստ թեմայի
Իլոն Մասկը «հիանալի» է անվանել ռուսական ՌԴ-180 հրթիռային շարժիչը
Tesla-ի մեքենաներն ավելի խելացի են դարձել. ի՞նչ նորություն է մոգոնել Իլոն Մասկը
Հայրիկ է դարձել 6–րդ անգամ․ միլիարդատեր Իլոն Մասկը ցույց է տվել նորածին որդուն