ԵՐԵՎԱՆ, 5 ապրիլի – Sputnik. Հայաստանի հավաքականի կիսապաշտպան Արաս Օզբիլիսն այլևս «Վիլլեմ II»-ի ֆուտբոլիստը չէ: Ակումբն ու ֆուտբոլիստը երկկողմ համաձայնությամբ խզել են պայմանագիրը: Այս մասին նշված է ակումբի Twitter–յան էջում։
🗞 Willem II en Aras Özbiliz per direct uit elkaar #Özbiliz
— Willem II (@WillemII) 4 апреля 2019 г.
Հոլանդական ակումբը նման որոշում է կայացրել այն բանից հետո, երբ «Ֆորտունայի» դեմ խաղում ֆուտբոլիստը հրաժարվել է փոխարինման մտնել: Դրանից հետո ակումբի ղեկավարությունը խոսել է ֆուտբոլիստի հետ, որից հետո որոշել են խզել պայմանագիրը։
29-ամյա ֆուտբոլիստը «Բեշիկթաշից» «Վիլլեմ II» էր տեղափոխվել 2018 թվականի օգոստոսին:
Այդ թիմի կազմում Օզբիլիսը 17 խաղում 2 գոլ է խփել:
