Արխիվային լուսանկար

Եվրոպայի առաջնություն. Թուրք ըմբիշը հրաժարվել է սեղմել իրեն հաղթած Սլավիկ Գալստյանի ձեռքը

345
Հայաստանը ներկայացնող երեք ըմբիշներ մեկնարկեցին Եվրոպայի առաջնությունում: Սլավիկ Գալստյանը մտել է կիսաեզրափակիչ, սփոփիչ գոտեմարտի հնարավորություն ունեն Նորայր Հախոյանն ու Դավիթ Օվասապյանը:

ԵՐԵՎԱՆ, 4 մարտի — Sputnik. Սերբիայի Նովի Սադ քաղաքում այսօր մեկնարկել է ըմբշամարտի Եվրոպայի մինչև 23 տարեկանների առաջնությունը:

Մրցումների առաջին օրը գորգ դուրս եկան հունահռոմեական ոճի ըմբիշները: Հայաստանի հավաքականը մրցավայր է մեկնել հինգ ըմբիշներով, որոնցից երեքը այսօր մտան պայքարի մեջ:

Նախնական գոտեմարտերում մեր ըմբիշները՝ Նորայր Հախոյանը, Սլավիկ Գալստյանը և Դավիթ Օվասապյանը հաղթանակեցին: 130 կգ քաշային կարգում Օվասապյանը քառորդ եզրափակիչում 0:4 հաշվով պարտվեց վրացի Զվիադի Պատարիձեին, իսկ 55կգ քաշային կարգում Նորայր Հախոյանը ոչ-ոքի՝ 3:3 ավարտեց գոտեմարտը ռուս Վիտկոր Վեդերնիկովի հետ, բայց քանի որ մրցակիցը վերջինն էր կատարել տեխնիկական հնարքն ու միավոր վաստակել հաղթանակը շնորհվեց ռուս ըմբիշին:

63կգ քաշային կարգում Սալվիկ Գալստյանը քառորդ եզրափակիչում 10:1 հաշվով հաղթանակի հասավ թուրք Աբդուլահ Թոպրակի նկատմամբ:

Մրցակիցն այնքան էր հիասթափված ու զայրացած իր պարտությամբ, որ  գոտեմարտի ավարտից հետո հրաժարվեց սեղմել հայ ըմբիշի ձեռքը:

Բայց դա իհարկե չխանգարեց Գալստյանին դուրս գալ կիսաեզրափակիչ, որտեղ մեր ըմբիշի մրցակիցը լինելու է ուկրաինացի Ալեքսանդր Հրուշինը:

345
թեգերը:
Հայաստան, Թուրքիա, սպորտ
Ըստ թեմայի
«Ալաշկերտ» տեղափոխվեց Չիլիի հավաքականի նախկին ֆուտբոլիստը
Սարգիս Ադամյանի հերթական գոլն ու նոր հաղթանակը երկրորդ Բունդեսլիգայում. տեսանյութ
Ռուսաստանցի գեղասահորդ Արթուր Դանիելյանը ելույթ կունենա աշխարհի պատանեկան առաջնությունում
Օլիմպիական խաղեր

Օլիմպիական խաղերում հաղթած մարզիկներն ամսական 500 000 դրամ կստանան. նոր կարգ է սահմանվել

91
Կառավարությունը ՀՀ լավագույն մարզիկներին ու նրանց մարզիչներին անվանական կենսաթոշակներ կտրամադրի:

ԵՐԵՎԱՆ, 2 հուլիսի – Sputnik. ՀՀ կառավարությունն այսօր կայացած նիստում որոշում է ընդունել Հայաստանի Հանրապետության հավաքական թիմերի կազմում բարձր արդյունքներ ցուցաբերած մարզիկներին և նրանց մարզիչներին անվանական թոշակներ հատկացնելու մասին:

Որոշման համաձայն` օլիմպիական, պարալիմպիկ խաղերում 1-ին տեղ զբաղեցրած մարզիկները կստանան ամսական 500 000, նրանց մարզիչները՝ ամսական 250 000 դրամ անվանական կենսաթոշակ, 2-րդ տեղը զբաղեցրած մարզիկներն ու նրանց մարզիչները՝ համապատասխանաբար 350.000 և 175.000 դրամ, 3-րդ տեղի համար՝ 300.000 և 150.000- ական դրամ, իսկ 4-6-րդ տեղերի համար մարզիկին կհատկացվի 100.000 դրամ, մարզչին՝ 50.000:

Նույն գումարները կստանան նաև շախմատային օլիմպիադաներում բարձր տեղեր գրաված շախմատիստներն ու նրանց մարզիչները:

Աշխարհի առաջնության առաջին երեք տեղերը զբաղեցրած մարզիկները կստանան համապատասխանաբար 300.000, 200.000 և 150.000 դրամ անվանական կենսաթոշակ, նրանց մարզիչները՝ 150.000, 100.000 և 75.000:

Իսկ Եվրոպայի առաջնություն, եվրոպական խաղերում 1-ին 3 տեղերը զբաղեցրած մարզիկները կստանան համապատասխանաբար 150.000, 120.000, 100.000 դրամ, մարզիչները՝ 75.000, 60.000 և 50.000 դրամ:

Կառավարության ուշադրությունից դուրս չեն մնացել նաև պատանեկան, ուսանողական ու մեծահասակների համաշխարհային ու եվրոպական խաղերի պատվավոր տեղերը գրավող մարզիկներն ու նրանց մարզիչները: Բայց այս դեպքում կենսաթոշակները կլինեն առավելագույնը մինչև 100 000, նվազագույնը 20 000 դրամ:

Որոշումը տարածվելու է 2019թ-ից սկսած մարզական հաջողություններ գրանցած մարզիկների ու նրանց մարզիչների վրա:

Կորոնավիրուսի «խառնած» ծրագրերը, կամ ինչու երիտասարդ հայ բռնցքամարտիկները դարձան մարզիչներ

Քանի որ 2019 թվականի Եվրոպական խաղերում ՀՀ հավաքական թիմերի մարզիկները նվաճել են 4 ոսկե, 2 արծաթե և 2 բրոնզե մեդալ, 2020 թվականի պետական բյուջեից կառավարությունն այսօր որոշեց 1.040.000 դրամ հատկացնել նրանց անվանական կենսաթոշակներ տրամադրելու համար: Ընդ որում` կենսաթոշակները տրամադրվելու են 2020թ-ի հունվարի 1-ից սկսած:

Նշենք, որ կառավարության այս որոշումը գործել է դեռ 2009 թվականից, բայց քանի որ մարզական հաջողությունների համար գումարները բյուջեում հատկացվել են նախապես, երբ հնարավոր չէր գուշակել, թե քանի մարզիկ կգրավեն մրցանակային տեղեր ու որ առաջնություններում, հատկացված գումարները հիմնականում եղել են կա՛մ շատ փոքր, կա՛մ հասել են ոչ բոլորին:

Ավելի հզոր, քան Բրյուս Լին. հայ մարզիկի ռեկորդը ցնցել է Լոնդոնին

91
թեգերը:
փող, Օլիմպիական խաղեր, մարզիկ, Հայաստան
Ըստ թեմայի
«Ռուսական հայ» Պոդշիվալովի արկածները Երևանում, կամ ինչու հեռացրին մարզիչ Անդրեասյանին
Շվեյցարիայի հավաքականի հայ մարզիչը. որ խորհուրդներն են առաջնորդել Ալֆրեդ Տեր-Մկրտչյանին
«Ռոմայի» և «Արսենալի» հայտնի և անհայտ պայմանավորվածությունները. ինչ է սպասվում Մխիթարյանին
Ինչպես Լենինականի «Գյումրին» հաղթեց Ադրբեջանի «Քյափազին». «Կաշվե գնդակի» հիշվող մրցաշարը
Գոռ Երիցյանն ու Նարեկ Աբգարյանը

Կորոնավիրուսի «խառնած» ծրագրերը, կամ ինչու երիտասարդ հայ բռնցքամարտիկները դարձան մարզիչներ

275
(Թարմացված է 13:08 02.07.2020)
Կորոնավիրուսի համավարակն իր «կանոնները» թելադրեց նաև սպորտային աշխարհին: Շատերը սկսեցին մարզումներ անցկացնելու համար այլ ելքեր փնտրել։ Sputnik Արմենիան պատմում է հայ պրոֆեսիոնալ բռնցքամարտիկների նախաձեռնության մասին։

Խաչիկ Չախոյան, Sputnik Արմենիա

Կորոնավիրուսի համաճարակի պատճառով հետաձգվել էին ապրիլին Լաս Վեգասում կայանալիք բռնցքամարտի պրոֆեսիոնալ մենամարտերը, որոնց պետք է մասնակցեին  հայ պրոֆեսիոնալ բռնցքամարտիկներ Նարեկ Աբգարյանն ու Գոռ Երիցյանը։

Շվեյցարիայի հավաքականի հայ մարզիչը. որ խորհուրդներն են առաջնորդել Ալֆրեդ Տեր-Մկրտչյանին

Մեր մարզիկներն արագ հասցրին հայրենիք վերադառնալ, մինչև կփակվեին սահմանները։ Կորոնավիրուսը խառնեց նրանց պլանները, և նրանք սպիտված անցան բաց մարզումների։ Չէ որ մի օր այս ամենը կավարտվի, իսկ մարզավիճակը պետք է պահպանել։  

Школа бокса 12 rounds
© Sputnik / Andranik Ghazaryan
«12 ռաունդի» սաները

Երևանում բաց երկնքի տակ մարզվելով` Նարեկ Աբգարյանի ու Գոռ Երիցյանի կողքին գնալով ավելանում էր նրանց հետ մարզվել ցանկացողների թիվը: Տեսնելով պատանիների ու երեխաների ոգևորությունը` հայտնի բռնցքամարտիկները, որոնք առ այսօր անպարտելի են ռինգում, որոշեցին ժամանակից շուտ անցնել մարզչի աշխատանքին (Նարեկը 28 տարեկան է, Գոռը` 23)։ Երիտասարդ ու հայտնի բռնցքամարտիկների նախաձեռնությամբ շուտով բռնցքամարտի նոր մարզադահլիճ բացվեց Երևանում:

«Ռոմայի» հաղթանակն ու Մխիթարյանի «կարոտած» խաղը. ֆուտբոլը վերադարձավ Covid–19-ի աշխարհ

«Դրսի մարզումների ընթացքում տեսանք, որ շատերն ուզում են մեր կողքին մարզվել, սովորել, փորձ ձեռք բերել: Դա մեզ միտք տվեց, որ կարող ենք օգտակար լինել բռնցքամարտով զբաղվելու մտադրություն ունեցող պատանիներին ու երիտասարդներին և մարզել ցանկացողներին: Ու մեր միտքը կարճ ժամանակում վերածեցինք գործի: Հիմա մարզվողների թիվը գնալով աճում է»,- մեզ հետ զրույցում ասեց Նարեկ Աբգարյանը:

Школа бокса 12 rounds
© Sputnik / Andranik Ghazaryan
«12 ռաունդ» մարզադահլիճում մարզումներ են ընթանում

«12 ռաունդ»` սա ոչ թե որևէ մենամարտի ռաունդների թիվն է, այլ այն ակումբի անունը, որն արդեն գործում է։ Այստեղ բազմաթիվ երեխաներ ու պատանիներ փորձում են նմանվել իրենց սիրելի մարզիկներին` նրանցից սովորելով մենապայքարային հանրահայտ մարզաձևի այբուբենը: Բռնցքամարտում առաջին քայլերը կատարող երեխաների համար ոգևորիչ է, երբ նրանց կողքին են Հայաստանի հավաքականը պատվով ներկայացրած Նարեկ Աբգարյանը, Գոռ Երիցյանը, ինչպես նաև մյուս մարզիչները`Վլադիմիր Մարգարյանը և Արսեն Հայրապետյանը:

Школа бокса 12 rounds
© Sputnik / Andranik Ghazaryan
«12 ռաունդ» մարզադահլիճում մարզումներ են ընթանում

Մարզիչներն ասում են` մարզումները վճարովի են, որպեսզի պատանիները բռնցքամարտով զբաղվելը ժամանց չհամարեն, այլ լուրջ մարզվեն և ձգտեն հաջողությունների հասնել։ «Երբ նկատենք, որ կա պատանի, որը ներուժ ունի և կարող է ունենալ հաջողություններ բռնցքամարտում, նա ոչ մի բանի կարիք չի ունենա: Ժամանակին մենք խնդիրներ ունեինք հանդերձանքի՝ ձեռնոցների ու մարզահագուստի: Մեր սաները նման խնդիրներ չեն ունենալու, մենք ամեն ինչով կապահովենք: Միայն պետք է հասկանանք, որ բռնցքամարտիկը ներուժ ունի»- ավելացրեց Աբգարյանը:

Школа бокса 12 rounds
© Sputnik / Andranik Ghazaryan
«12 ռաունդ» մարզադահլիճում մարզումներ են ընթանում

Նշենք, որ ապրիլի 11-ին WBC International Silver գոտին կրող Նարեկ Աբգարյանը պետք է մրցեր ամերիկացի Լաուրեն Նյուտոնի հետ, ապրիլի 15-ին էլ պետք է կայանար WBO վարկածով մինչև 23 տարեկանների աշխարհի չեմպիոն Գոռ Երիցյանի մենամարտը: Հիմա հայ բռնցքամարտիկներն արդեն նախապատրաստվում են նորից մեկնել ԱՄՆ, որտեղ էլ շատ շուտով կկայանան նրանց մենամարտերը:

  • Sputnik Արմենիայի սպորտային մեկնաբան Խաչիկ Չախոյանը Նարեկ Աբգարյանի հետ
    Sputnik Արմենիայի սպորտային մեկնաբան Խաչիկ Չախոյանը Նարեկ Աբգարյանի հետ
    © Sputnik / Andranik Ghazaryan
  • «12 ռաունդ» մարզադահլիճում մարզումներ են ընթանում
    «12 ռաունդ» մարզադահլիճում մարզումներ են ընթանում
    © Sputnik / Andranik Ghazaryan
  • «12 ռաունդ» մարզադահլիճում մարզումներ են ընթանում
    «12 ռաունդ» մարզադահլիճում մարզումներ են ընթանում
    © Sputnik / Andranik Ghazaryan
  • «12 ռաունդ» մարզադահլիճում մարզումներ են ընթանում
    «12 ռաունդ» մարզադահլիճում մարզումներ են ընթանում
    © Sputnik / Andranik Ghazaryan
  • «12 ռաունդ» մարզադահլիճում մարզումներ են ընթանում
    «12 ռաունդ» մարզադահլիճում մարզումներ են ընթանում
    © Sputnik / Andranik Ghazaryan
1 / 5
© Sputnik / Andranik Ghazaryan
Sputnik Արմենիայի սպորտային մեկնաբան Խաչիկ Չախոյանը Նարեկ Աբգարյանի հետ
275
թեգերը:
Նարեկ Աբգարյան, Գոռ Երիցյան, կորոնավիրուս, ԱՄՆ, մարզիչ, մարզիկ, բռնցքամարտիկ, բռնցքամարտ
Ըստ թեմայի
Անփոխարինելի մարզիչը, կամ զգացողություն, որը հայ ըմբշամարտիկից «խլեց» օլիմպիական ոսկին
«Ռուսական հայ» Պոդշիվալովի արկածները Երևանում, կամ ինչու հեռացրին մարզիչ Անդրեասյանին
Ինչպես Լենինականի «Գյումրին» հաղթեց Ադրբեջանի «Քյափազին». «Կաշվե գնդակի» հիշվող մրցաշարը
Տիգրան Ավինյան. արխիվային լուսանկար

Պարետը կասեցրել է Արարատի ոսկու կորզման գործարանի աշխատանքը

0
(Թարմացված է 23:54 02.07.2020)
Կանոնները խախտած տնտեսվարողների շարքում են նաև «Գազպրոմ Արմենիայի» Չարենցի փողոցի մասնաճյուղը, «Նատալի Ֆարմ» դեղատների ցանցի` Խաղաղ Դոնի փողոցում գտնվող մասնաճյուղը, «Վեոլիա Ջուր» ընկերության գրասենյակը, «Վարկս Էյ Էմ» ընկերության՝ Հալաբյան փողոցում գտնվող գրասենյակը։

ԵՐԵՎԱՆ, 2 հուլիսի - Sputnik. Պարետ Տիգրան Ավինյանը հուլիսի 2-ին նոր որոշում է ստորագրել տնտեսվարողների գործունեությունը արգելելու մասին։ Ըստ այդմ՝ 24 ժամով արգելվել է 36, 48 ժամով՝ 2 տնտեսվարողի գործունեությունը։

Տնտեսվարողների գործունեությունը կասեցվել է արտակարգ իրավիճակով և կորոնավիրուսի համավարակով պայմանավորված անվտանգության կանոնների խախտման պատճառով։

Կանոնները խախտած տնտեսվարողների շարքում են «Գազպրոմ Արմենիայի» Չարենցի փողոցի մասնաճյուղը, «Նատալի Ֆարմ» դեղատների ցանցի` Խաղաղ Դոնի փողոցում գտնվող մասնաճյուղը, «Վեոլիա Ջուր» ընկերության գրասենյակը, «Վարկս Էյ Էմ» ընկերության՝ Հալաբյան փողոցում գտնվող գրասենյակը։

Խախտումներ են արձանագրվել ոչ միայն Երևանում, այլ նաև Վանաձոր, Հրազդան, Գորիս, Արտաշատ և Արարատ քաղաքներում։ Վերջինում փակվել է «Գեոպրոմայնինգ Գոլդ» ՓԲԸ-ն, այսինքն՝ Արարատի ոսկու կորզման գործարանը։

«Նատալի Ֆարմ», «Կայզեր», «Պրոմ-Տեստ». նրանց աշխատանքը կասեցվել է

Նշենք, որ խախտումներ են ախտահանիչ նյութերի բացակայությունը կամ անհամապատասխանությունը սահմանված նորմերին, շփման մակերեսների ոչ պատշաճ ախտահանումը, աշխատակիցների կողմից դիմակի ոչ ճիշտ կրելը, ջերմաչափման և ախտահանման գրանցամատյանների լրացման թերացումները։

Մարտի 16–ից Հայաստանում արտակարգ դրություն է, այն կտևի մինչև հուլիսի 13–ը` ժամը 17։00–ն ներառյալ։ Մայիսի 25–ից դիմակ դնելը պարտադիր է, չդնողները տուգանվում են 10 հազար դրամով։

Կրկին բազմամարդ հարսանիքներ. 72 ժամով կասեցվել է ռեստորանային 3 համալիրի գործունեությունը

0
թեգերը:
Արտակարգ դրություն, գործարան, Ոսկի, Հայաստան, կորոնավիրուս, պարետ, Տիգրան Ավինյան
թեմա:
Կորոնավիրուսը Հայաստանում և Արցախում
Ըստ թեմայի
Արդեն 1490 տնտեսվարողի գործունեություն է կասեցվել, խստացումներ են եղել. Արթուր Ասոյան
Երևանում ևս 2 մանկապարտեզի գործունեություն է կասեցվել․ տեսանյութ
«Տաշիր» առևտրի կենտրոնի գործունեությունն ամբողջությամբ կասեցվել է․ տեսանյութ