Sputnik Արմենիային Արթուր Ալեքսանյանի բացառիկ հարցազրույցը

Սպիտակ արջը բարձրացավ էկրան. չեմպիոնի մայրը՝ մանկության, իսկ Արթուրը՝ նոր ծրագրերի մասին

1329
(Թարմացված է 20:11 27.02.2019)
Գյումրու «Հոկտեմբեր» կինոթատրոնում, փակ դիտումով, ցուցադրվեց ըմբիշ, օլիմպիական չեմպիոնի մասին պատմող «Արթուրը» ֆլիմը:

ԵՐԵՎԱՆ, 27 փետրվարի — Sputnik, Արմենուհի Մխոյան. Ֆիլմում, որը Գյումրիում այսօր՝ փետրվարի 27-ին դիտեց հանդիսատեսի նեղ խումբ, ներկայացվում է Արթուր Ալեքսանյանի անցած ճանապարհը, կարիերայի կարևոր դրվագները՝ իր, մարզիչների, մրցակիցների մեկնաբանությամբ, նրա միջազգային հեղինակությունն ու համբավը ըմբշամարտի աշխարհում:

Մրցումների ու հավաքների ժամանակ Արթուրի հետ  ու միշտ Արթուրի կողքին է անձնական մարզիչը՝ Գևորգ Ալեքսանյանը, որը նշում է՝ առաջին էմոցիաները ընդունում է որպես մարզիչ  և ապա նոր որպես ծնող: Եթե հայրը որդու կողքին է այդ պահերին, մայրը՝  Շողիկ Ալեքսանյանը, Sputnik Արմենիայի հետ ունեցած բացառիկ հարցազրույցի ժամանակ նշեց ՝ ոչ մի խաղ չի դիտում: «Միանշանակ, ոչ մի մրցույթ չեմ դիտում. չեմ կարող»: Ընդհանուր  առմամբ, Արթուրը մանուկ հասակում շատ հանգիստ է  եղել: «Արթուրը շատ հանգիստ էր, համեստ ու համբերատար ու շատ կապված իմ հետ: Երբ առաջին անգամ մանկապարտեզ տարա Արթուրին ու վերադարձա  վերցնելու, տեսա, որ շատ հանգստ ու խելոք մնացել էր՝  առանց մի ձայն հանելու: Հանգիստ ու համբերատար է նաև հիմա՝ գրեթե չի փոխվել»,-անկեղծանում է մայրը:

Արթուր  Ալեքսանյանը  վաղուց արդեն ոչ միայն  չեմպիոն է, այլ այն մարզիկներից, որոնց նմանվել ցանկանում է մի ամբողջ  սերունդ: Սակայն, մարզչական կարիերայի մասին խոսել Արթուրն ու նրա անձնական մարզիչ Գևորգ Ալեքսանյանը վաղ են համարում. պատասխանելով Sputnik Արմենիայի հարցին՝ Արթուրը շեշտեց, որ դեռ շատ անելիք ունի որպես մարզիկ. «Վատ մարզավիճակում չեմ, հավանաբար առաջիկա Եվրոպայի առաջնությունը բաց կթողնեմ. դեռ վերջնական որոշված չէ՝ մարզիչների հետ քննարկելու ենք այդ հարցը, իսկ առաջիկայում նոր հավաքներ ունենք, միջազգային նոր մրցաշարեր և սեպտեմբերին՝ Աշխարհի առաջնություն, որը նաև օլիմպիական վարկանիշային առաջնություն է: Կփորձեմ անպայման վարկանիշ ձեռք բերել՝  օլիմպիական խաղերի համար,-նշեց Արթուրը և հավելեց,-որպես մարզիչ դեռ վաղ է խոսել, իմ առջև որպես մարզիկ դեռ նպատակներ ունեմ: Միշտ փորձել եմ մեր ըմբիշներին օգնել, բայց մարզչի մասով դեռ շուտ է խոսել»:

Ֆիլմի նկարահանումներն իրականացվել են Հունգարիայի մայրաքաղաք Բուդապեշտում 2018թ. կայացած աշխարհի առաջնության ժամանակ, մրցաշարին նախորդած ուսումնամարզական հավաքի ընթացքում՝ Երևանում, ինչպես նաև մարզիկի հարազատ մարզադպրոցում՝ Գյումրիում: Բացի Արթուր Ալեքսանյանի անցած ճանապարհը  ներկայացնելուց, ներկայացվում է նաև Հայաստանի ըմբշամարտի հավաքականի նախապատրաստությունն ու մասնակցությունը մեծ մրցաշարին, թիմի մարզական առօրյան, աշխարհի առաջնության ներկուլիսային մթնոլորտը, որ սովորաբար դուրս է մնում էկրաններից:

Артур Алексанян и Давид Саркисян
© Sputnik / Petros Lagesyan
Արթուր Ալեքսանյանը և Դավիթ Սարգսյանը

Ֆիլմում Արթուրին մանուկ հասակում մարմնավորել է 5 տարեկան Դավիթ Սարգսյանը: Բարեկամական ոչ մի կապ չունեցող տղան ոչ միայն արտաքնապես է չեմպիոնին նման, այլ նաև բնավորությամբ՝ վարդաքարցի փոքրիկն արդեն հասցրել է իր ռեկորդներով գրանցվել «Գինեսի» գրքում:

Ֆիլմի դիտման ավարտին Արթուր Ալեքսանյանը շնորհակալություն հայտնելով ֆիլմի ստեղծագործական խմբին և այն բոլոր մարզիչներին ու մարդկանց, որոնք միշտ իր կողքին են եղել, խոստացավ՝ ֆիլմը շարունակություն կունենա. «Ես վստահ եմ, որ հաջորդ տարի՝  օլիմպիական խաղերից հետո  այս ֆիլմը կունենա շարունակություն»:

Հավելենք, որ  հետաքրքիր զուգադիպությամբ, ֆիլմի ցուցադրությունը տեղի ունեցավ փետրվարի 27-ին, որը նշվում է որպես Բևեռային արջի միջազգային օր՝ Արթուր  Ալեքսանյանը վաղուց արդեն մարզական աշխարհում ընդունվում է որպես Սպիտակ արջ:

Ֆիլմի նկարահանումն ու այսօրվա ցուցադրությունը կազմակերպել էր Vnews.am-ը:

1329
թեգերը:
Գյումրի, սպորտ
Ըստ թեմայի
ՅՈՒՆԵՍԿՕ–ն կհամալրվի հայկական ժառանգությամբ. ինչ պետք է իմանալ ներկայացված արժեքների մասին
Հայաստանում 14 տարեկան աղջիկ է կորել. լուսանկար
«Չեն ներվելու». «դուքյանչիների» պատճառած վնասի մեծ մասը վերականգնվել է. դատախազ
Կիբեռվրեժ. ինչպե՞ս նախկին գործատուից վրեժ լուծել և ջրից չոր դուրս գալ
Բռնցքամարտ

Հայ բռնցքամարտիկը տեխնիկական նոկաուտով հաղթեց ադրբեջանցուն

98
(Թարմացված է 10:35 20.06.2021)
ժորժիկ Մարությանի հարվածներից մեկի ժամանակ ադրբեջանցին ունքի պատռվածք ստացավ, և 2-րդ ռաունդում ռինգի մրցավարը դադարեցրեց մենամարտը։

ԵՐԵՎԱՆ, 20 հունիսի – Sputnik. Իտալիայում անցկացվող բռնցքամարտի Եվրոպայի մինչև 22 տարեկանների առաջնության 3-րդ մրցումային օրը կաշվե ձեռնոցի հայ պատվիրակների հաղթարշավը շարունակվում է: Երեկ մրցահերթում ռինգ դուրս եկած մեր բոլոր բռնցքամարտիկները հաղթել են իրենց մրցակիցներին: Տեղեկությունը հայտնում է Հայաստանի բռնցքամարտի ֆեդերացիայի մամուլի քարտուղարությունը:

56 կգ քաշային Արթուր Բազեյանը մրցավարների միաձայն որոշմամբ առավելության է հասել բելառուս Մաքսիմ Պանկաուի նկատմամբ:

60 կգ քաշային ժորժիկ Մարությանն իր առաջին մենամարտում հաղթանակ է տոնել ադրբեջանցի Ջալալ Գառբանովի նկատմամբ:

«Առաջին երկու ռաունդներում մեր բռնցքամարտիկը ուներ հսկայական առավելություն ու նրա հարվածաշարերից մեկի ժամանակ մրցակիցը ունքի պատռվածք ստացավ, և 2-րդ ռաունդում ռինգի մրցավարը դադարեցրեց մենամարտը»,– նշված է հաղորդագրության մեջ:

Այնուհետև բժիշկները թույլ չեն տվել շարունակել մենամարտը, և քանի որ Մարությանը նաև միավորներով է մեծ առավելություն ունեցել, հաղթանակը շնորհվել է հայ մարզիկին: Գեղեցիկ հաղթանակ է տոնել նաև Արմեն Մաշակարյանը, որի համար սա երկրորդն էր այս առաջնությունում: Այս անգամ Մաշակարյանը պարտության է մատնել մոլդովացի Նիկոլա Բուկսային:

Պատանեկան ԵԱ․ Անդրանիկ Ավետիսյանը ջախջախեց ադրբեջանցուն

 

98
թեգերը:
հաղթանակ, ադրբեջանցի, հայ, բռնցքամարտ
Լևոն Արոնյան

Արոնյանը Grand ChessTour շախմատային սերիայի երկրորդ փուլի առաջատարների թվում է

51
(Թարմացված է 22:47 18.06.2021)
Երեք փուլերից հետո Արոնյանը 4 միավորով ռուսաստանցի Նեպոմնյաշչիի, Սվիդերի և ամերիկացի Սոյի հետ կիսում է 1-4-րդ տեղերը։ Grand ChessTour սերիայի երկրորդ փուլում շախմատիստները ռապիդ և բլից կխաղան։

ԵՐԵՎԱՆ, 18 հունիսի – Sputnik. Առաջատար հայ գրոսմայստեր Լևոն Արոնյանը Փարիզում անցկացվող Grand ChessTour սերիայի երկրորդ փուլի առաջատարների խմբում է։

Հայ գրոսմայստերը մրցաշարը սկսեց ոչ ոքիով. նա խաղում էր ադրբեջանցի Թեյմուր Ռաջաբովի հետ։ Երկրորդ փուլում նա կիսեց միավորները շախմատի համաշխարհային թագին վերջերս հավակնող ամերիկացի Ֆաբիանո Կարուանայի հետ, իսկ երրորդում` հաղթանակ տարավ ֆրանսիացի Էթյեն Բաքրոյի նկատմամբ։

Երեք փուլերից հետո Արոնյանը 4 միավորով ռուսաստանցի Նեպոմնյաշչիի, Սվիդերի և ամերիկացի Սոյի հետ կիսում է 1-4-րդ տեղերը։

Արոնյանից բացի, մրցաշարին մասնակցում են նաև Մաքսիմ Վաշյե–Լագրավը (Ֆրանսիա), Յան Նեպոմնյաշչին (Ռուսաստան), Ֆաբիանո Կարուանան (ԱՄՆ), Թեյմուր Ռաջաբովը (Ադրբեջան), Պյոտր Սվիդլերը (Ռուսաստան), Ուեսլի Սոն (ԱՄՆ), Ռիխարդ Ռապորտը (Հունգարիա), Ալիռեզա Ֆիրուջա (FIDЕ), Էթյեն Բաքրոն (Ֆրանսիա)։

Grand ChessTour սերիայի երկրորդ փուլում շախմատիստները ռապիդ և բլից կխաղան։

Լևոն Արոնյանը երկրորդ անընդմեջ հաղթանակն է տոնել Grand Chess Tour մրցաշարում

Մրցանակային ֆոնդը 150 հազար դոլար է, հաղթողը 37 500 դոլար է ստանում։ Ռապիդում հաղթանակի համար 2 միավոր է գրանցվում, ոչ ոքիի համար` 1, բլիզում հաղթանակի դեպքում` 1, ոչ ոքիի դեպքում` 0.5 միավոր։

51
թեգերը:
հաղթանակ, շախմատիստ, շախմատ, Լևոն Արոնյան
թեմա:
Լևոն Արոնյանի վերելքներն ու վայրէջքները
Ըստ թեմայի
Արոնյանը Grand Chess Tour մրցաշարին կմասնակցի Հայաստանի դրոշի տակ
Grand Chess Tour. Արոնյանը կհանդիպի շախմատի համաշխարհային թագի նախկին հավակնորդի հետ
Լևոն Արոնյանը հերթական ոչ-ոքին խաղաց Բուխարեստի մրցաշարում
Ընտրատեղամաս

Քվեարկության արդյունքները 07։00-ի դրությամբ․ ամփոփվել են 1928 ընտրատեղամասի արդյունքները

1127
(Թարմացված է 07:05 21.06.2021)
Վերջին տվյալների համաձայն՝ «Քաղաքացիական պայմանագիր» կուսակցությունը ստացել է 654 596 քվե, այսինքն՝ կողմ են քվեարկել մասնակիցների 54.31%-ը։

ԵՐԵՎԱՆ, 21 հունիսի - Sputnik. Հայաստանի Ազգային ժողովի արտահերթ ընտրության քվեարկությունից հետո ժամը 07։00-ի դրությամբ ամփոփվել են 2008 ընտրատեղամասերից 1928-ի արդյունքները։

Ըստ այդմ՝  «Քաղաքացիական պայմանագիր» կուսակցությունը ստացել է 654 596 քվե (54.31%),

«Հայաստան» դաշինքը՝ 251 784 (20.89%),

«Պատիվ ունեմ» դաշինքը՝ 62 723  (5.2%),

«Բարգավաճ Հայաստան» կուսակցությունը՝  48 159 (4),

«Հանրապետություն» կուսակցությունը՝ 36 445 (3,02),

«Հայ ազգային կոնգրես» կուսակցությունը՝ 18 292 (1.52)։

Հիշեցնենք` հունիսի 20–ին, ժամը 08։00–20։00–ն Հայաստանում քվեարկություն անցկացվեց 2008 ընտրատեղամասերում։ Ընտրողների ցուցակներում ընդգրկված 2 593 572 քաղաքացուց ընտրությանը մասնակցել են 1 281 174–ը կամ 49.4 տոկոսը։

Արտահերթ խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը 5 տոկոս է, դաշինքների համար՝ 7 տոկոս։ 

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

 

1127
թեգերը:
ԱԺ, քվեարկություն, Ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
Ռոբերտ Քոչարյանի գլխավորած «Հայաստան» դաշինքը հայտարարություն է տարածել
Փաշինյանը քաղաքական խորհրդակցություններ կսկսի
Ինչպես են կենտրոնական շտաբի մոտ Փաշինյանին դիմավորում նրա կողմնակիցները. տեսանյութ