Խինես Մելենդես

Խինես Մելենդեսն ասել է, թե ինչ է անելու Հայաստանում ֆուտբոլի զարգացման համար

157
(Թարմացված է 20:36 03.01.2020)
Մելենդեսը ՀՖՖ-ի հետ ունի մեկ տարվա աշխատանքային պայմանագիր, ևս մեկ տարով այն երկարաձգելու հնարավորությամբ:

ԵՐԵՎԱՆ, 12 փետրվարի — Sputnik. Հայաստանը ունի ֆուտբոլային շատ լավ ներուժ, ու ես անելու եմ ամեն բան` Հայաստանի հավաքական թիմերին նոր մակարդակի հասցնելու համար:

Այս մասին այսօր տեղի ունեցած մամլի ասուլիսի ընթացքում ասել է Ֆուտբոլի Հայաստանի ֆեդերացիայի տեխնիկական տնօրեն, իսպանացի Խինես Մելենդեսը։

Իսպանացի մասնագետը, որը մոտ քսան տարի հաջողությամբ աշխատել է իր հայրենիքում, զարգացման հենց նույն մոդելն է փորձելու կիրառել Հայաստանում. «Ես ցանկանում եմ գիտելիքներս ու փորձս փոխանցել Հայաստանին: Երկիր, որտեղ սիրում են ֆուտբոլը, և ես տպավորված եմ տեսնելով այդ ամենը: Հայաստան չեմ եկել ժամանակ վատնելու համար, ես ուզում եմ հիմք դնել մի ֆուտբոլի, որը կծառայի Հայաստանին ապագայում»- նշեց Մելենդեսը:

Գաղտնիք չէ, որ Իսպանիայում աշխատելու տարիներին Խինես Մելենդեսը հասել է մեծ հաջողությունների: Մեղմ ասած` կոչումների ու տիտղոսների կարիք Մելենդեսը չունի: Սակայն Հայաստանում աշխատելը, ինչպես նշում է նա, իր համար մարտահրավեր է։ Իր մտահղացումներն իրականացնելու համար մեր երկրում կան և՛ ֆուտբոլիստներ, և՛ մարզիչներ, որոնք ուզում են կրթվել, զարգանալ ու հասնել հաջողության:

Պարզ է, որ Հայաստանում խնդիրը նախ և առաջ կապված է մանկապատանեկան ֆուտբոլի զարգացման հետ: Այստեղ, իրոք, հարկավոր են մարզիչներ, որոնք կկարողանան ճիշտ կառուցել ֆուտբոլիստների զարգացման գործընթացը: Դրա համար հարկավոր են գիտելիքներ, որոնք Մելենդեսը խոստանում է փոխանցել Իսպանիայում ձեռք բերված փորձից ու հաջողություններից:

Ներկայումս Հայաստանի հավաքականների արդյունքները նոր բարձրությունների հասցնելու համար Մելենդեսի կողմից մարզիչները իրենց աշխատանքով միավորվել են: Եվ Մ17, Մ19 ու Մ21 տարեկանների հավաքականների գլխավոր մարզիչները փաստացի աշխատելու են մի թիմով, չնայած մարզելու են տարբեր թիմեր: Սա քայլ է մեր հավաքականին խաղային նույն մոդելն ապահովելու ու այն զարգացնելու համար:

Իսկ բացի տեսական գիտելիքներից մարզիչներին ու ֆուտբոլիստներին, բնականաբար, հարկավոր խաղային պրակտիկա ու այդ գիտելիքների գործնական ստուգում: Այստեղ էլ իսպանացի մասնագետը գտնում է, որ Հայաստանի հավաքականն ու հայկական թիմերը բարձր արդյունքի հասնելու համար պետք է մասնակցեն շատ մրցաշարերի ու միջազգային փորձ ձեռք բերեն:

Այսպիսով, ֆուտբոլի զարգացման մոդելն իդեմս Խինես Մելենդեսի Հայաստանում մեկնարկել է: Թե ինչ արդյունքի կհասնենք, ցույց կտա ժամանակը: Պարզապես հավելենք, որ Մելենդեսը ՀՖՖ-ի հետ ունի մեկ տարվա աշխատանքային պայմանագիր, ևս մեկ տարով այն երկարաձգելու հնարավորությամբ:

157
թեգերը:
ֆուտբոլ
Ըստ թեմայի
Հայաստան– Ջիբրալթար հանդիպումը` սև թուղթ. ՀՖՖ նախագահն անդրադարձել է անհաջող խաղին
Մարկոս Պիզելլիի վնասվածքը լու՞րջ է. ՀՖՖ–ն հայտարարություն է տարածել
Չի բացառվում, որ վնասվածքներ ստացած զինվորներն աշխատեն ԱԱԾ–ում կամ ՀՖՖ–ում. Վանեցյան
Լիոնել Մեսսի

Լիոնել Մեսսին մտադիր է լքել «Բարսելոնան»

17
(Թարմացված է 17:17 15.08.2020)
Պայմանագրի ավարտին դեռ մեկ տարի կա, բայց ֆուտբոլիստը վերջնականապես հիասթափվել է ակումբի կառավարման համակարգից։

ԵՐԵՎԱՆ, 15 օգոստոսի – Sputnik. «Բարսելոնայի» հարձակվող 33-ամյա Լիոնել Մեսսին որոշել է հեռանալ ակումբից։ Տեղեկությունը հայտնում է իսպանական Cadena COPE ռադիոալիքը։

​Արգենտինացին վերջնականապես հիասթափվել է ակումբի կառավարման համակարգից և չի ուզում երկարաձգել պայմանագիրը։ Նա պատրաստ է համաձայնագրի երկարաձգման հնարավորությունը դիտարկել միայն ակումբի կառուցվածքի վերակազմավորման, ինչպես նաև ղեկավարության փոխվելու պարագայում։

Ֆուտբոլիստի պայմանագիրն ավարտվում է 2021թ-ի ամռանը։

Ավելի վաղ հայտնի էր դարձել, որ Մեսսիով հետաքրքրված է «Ինտերը»։ Միլանցիները պատրաստ են 4 տարվա պայմանագիր առաջարկել նրան՝ խաղաշրջանի համար 50 միլիոն եվրո աշխատավարձով։

Նախօրեին «Բարսելոնան» Չեմպիոնների լիգայի քառորդ եզրափակիչում 2:8 հաշվով պարտվեց «Բավարիային» և դուրս մնաց մրցաշարից: 1946 թվականից ի վեր առաջին անգամ «Բարսելոնայի» դարպասում մեկ խաղի ընթացքում 8 գնդակ հայտնվեց։

Հայ ֆուտբոլիստը կխաղա հայկական թիմի դեմ. հավաքականի պաշտպանը` սպասվող հանդիպման մասին

Փորձագետները նշում են` ծայրահեղ իրավիճակներում Մեսսին բազմաթիվ անգամ է թիմին փրկել, բայց երեկ բոլոր առաջատարները խաղում էին նույն (ոչ բարձր) մակարդակով՝ թե՛ Լուիս Սուարեսը, թե՛ Մեսսին, թե՛ Ժերար Պիկեն, թե՛ դարպասապահ Մարկ-Անդրե տեր Շտենգենը։ Այնպիսի տպավորություն էր, որ նա խաղալու տրամադրություն ընդհանրապես չուներ։

Երկրպագուները Երևանի փողոցներից մեկը ներկել են ֆուտբոլային ակումբի գույներով

17
թեգերը:
ֆուտբոլ, «Բարսելոնա» ֆուտբոլային ակումբ, Լիոնել Մեսսի
Ըստ թեմայի
Ռաֆայել Նադալը ոչ միայն թենիս, այլև ֆուտբոլ է լավ խաղում
Կանայք MMA–ում. մարզիկը նոկաուտի է ենթարկել մրցակցին ու սկսել է պարել․ տեսանյութ
Լավագույնն ենք մաղթում Արմենին. հայ հարձակվողը կխաղա Սլովակիայի Պրեմիեր լիգայում
Կիկե Սետյեն

Ամոթալի պարտությունից հետո «Բարսայի» ղեկավարությունն ուզում է փոխել գլխավոր մարզչին

36
(Թարմացված է 13:02 15.08.2020)
Գերմանական «Բավարիան» Չեմպիոնների լիգայի քառորդ եզրափակիչում 8:2 հաշվով պարտության մատնեց «Բարսելոնային» և դուրս եկավ կիսաեզրափակիչ:

ԵՐԵՎԱՆ, 15 օգոստոսի – Sputnik. Կատալոնական «Բարսելոնայի» ղեկավարությունը Չեմպիոնների լիգայի քառորդ եզրափակիչում «Բավարիային» պարտվելուց հետո մտադիր է փոխել թիմի ներկայիս գլխավոր մարզիչ Կիկե Սետյենին։ Տեղեկությունը հայտնում է ESPN-ը։

Պարբերականի տվյալներով ՝ ակումբը մտադիր է հրավիրել այնպիսի մարզչի, որը հեղինակություն կլինի ֆուտբոլիստների համար։ Նշվում են Ռոնալդու Կումանի և Չավի Էռնանդեսի անունները։

Երեկ գերմանական «Բավարիան» Չեմպիոնների լիգայի քառորդ եզրափակիչում 8:2 հաշվով պարտության մատնեց «Բարսելոնային» և դուրս եկավ կիսաեզրափակիչ: Հանդիպման 4-րդ րոպեին հաշիվը բացեց Թոմաս Մյուլերը, իսկ 7-րդ րոպեին Դավիդ Ալաբան գնդակն ուղարկեց սեփական դարպաս:

«Նրանք շատ կազմակերպված են». Ռոման Բերեզովսկին` «Նոայի» մասին

Խաղը շարունակվեց նույն ոգով։ «Բավարիան» զգալիորեն ուժեղ էր մրցակցից և հանդիպման ընթացքում 8 գոլ խփեց։ Գոլերի հեղինակ դարձան Ալաբան, Սուարեսը, Գնաբրին, Կիմիխը, Լևանդովսկին, Կոուտինյոն:

Երկրպագուները Երևանի փողոցներից մեկը ներկել են ֆուտբոլային ակումբի գույներով

36
թեգերը:
ֆուտբոլ, «Բարսելոնա» ֆուտբոլային ակումբ
Ըստ թեմայի
Ռաֆայել Նադալը ոչ միայն թենիս, այլև ֆուտբոլ է լավ խաղում
Կանայք MMA–ում. մարզիկը նոկաուտի է ենթարկել մրցակցին ու սկսել է պարել․ տեսանյութ
Լավագույնն ենք մաղթում Արմենին. հայ հարձակվողը կխաղա Սլովակիայի Պրեմիեր լիգայում
«Արարատ» ֆուտբոլային ակումբ

Կորոնավիրուսով են վարակվել «Արարատ» ակումբի ֆուտբոլիստներն ու մարզիչները

0
(Թարմացված է 17:54 15.08.2020)
Համավարակի պատճառով հետաձգվել է օգոստոսի 15-ին նախատեսված «Արարատ-2»–«Ալաշկերտ-2» հանդիպումը։

ԵՐԵՎԱՆ, 15 oգոստոսի – Sputnik. «Արարատ» ֆուտբոլային ակումբի 8 ֆուտբոլիստի և 3 մարզչի մոտ կորոնավիրուս է հայտնաբերվել։ Տեղեկությունը հայտնում են։ Տեղեկությունը հայտնում է ակումբի մամուլի ծառայությունը։

«Ցավոք, կորոնովիրուսային համավարակը չշրջանցեց նաև «Արարատ» ֆուտբոլային ակումբին։ Օգոստոսի 14-ին «Արարատի» անձնակազմն ու գլխավոր թիմի տրամադրության տակ գտնվող ֆուտբոլիստները կորոնավիրուսային թեստ են հանձնել, որի արդյունքում ութ ֆուտբոլիստի ու երեք մարզչի մոտ ստացվել է դրական պատասխան»,– գրված է ակումբի ֆեյսբուքյան էջում:

Կորոնավիրուսով վարակված ֆուտբոլիստներից երկուսը հայտավորված են «Արարատի», իսկ վեցը՝ «Արարատ-2»-ի կազմում։

Համավարակի պատճառով հետաձգվել է օգոստոսի 15-ին նախատեսված «Արարատ-2» – «Ալաշկերտ-2» հանդիպումը։

Ըստ հաղորդագրության` Հայաստանի Պրեմիեր լիգայի առաջին տուրի «Արարատ» – «Փյունիկ» հանդիպման անցկացումը փոփոխության չի ենթարկվի, և խաղը կկայանա ըստ նախատեսվածի՝ օգոստոսի 16-ին:

«Այս հանդիպման վերաբերյալ հետագա ցուցումներ ստանալու համար ևս «Արարատ» ֆուտբոլային ակումբը դիմել է ՀՖՖ-ին, որտեղից մեզ տեղեկացրել են, որ ըստ 2020/21 մրցաշրջանի պրոֆեսիոնալ ֆուտբոլի մրցումների՝ կորոնավիրուսի կանխարգելման ուղեցույցի, խաղը կարող է հետաձգվել միայն երեքից ավելի ֆուտբոլիստի վարակման դեպքում, ուստի «Արարատ»– «Փյունիկ» հանդիպումը չի կարող հետաձգվել»,–նշված է հաղորդագրության մեջ։

Հավելենք, որ «Արարատ-2»-ի մարզչական շտաբն ու ֆուտբոլիստների հիմնական մասը կորոնավիրուսային ՌՆԹ թեստեր հանձնել են այսօր՝ օգոստոսի 15-ին, և արդյունքների մասին կտեղեկանան վաղը:

«Արարատ» ֆուտբոլային ակումբը շուտափույթ ապաքինում է մաղթում վարակված ֆուտբոլիստներն և մարզիչներին։

0
թեգերը:
մարզիչ, ֆուտբոլիստ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Ռուսաստանում սկսվել է կորոնավիրուսի դեմ պատվաստանյութի արտադրությունը
Հայաստանում կորոնավիրուսով վարակվածների թիվն ավելացել է 196-ով և հասել 41495-ի
Մրցավազքը 6 երկիր է գլխավորում. հայ պրոֆեսորը` կորոնավիրուսի դեմ պատվաստանյութերի մասին