Շախմատ

Ինչո՞ւ Հայաստանի շախմատի տղամարդկանց հավաքականը չի մասնակցի աշխարհի առաջնությանը

261
Տղամարդկանց հավաքականն աշխարհի առաջնությունում գրանցվել է որպես պահեստային թիմ։

ԵՐԵՎԱՆ, 2 փետրվարի – Sputnik. Հայաստանի շախմատի տղամարդկանց հավաքականը չի մասնակցի մարտին Ղազախստանում կայանալիք աշխարհի առաջնությանը։

«Աշխարհի առաջնությանը մասնակցում են 10 ուժեղ թիմեր` մայրցամաքների չեմպիոնները և օլիմպիադայի մրցանակակիրները։ Քանի որ Հայաստանը ո՛չ Եվրոպայի չեմպիոն է, ո՛չ էլ օլիմպիադայի մրցանակակիր, այդ պատճառով տղամարդկանց հավաքականը չի մասնակցի խաղերին»,– Sputnik Արմենիային այս մասին ասաց Հայաստանի շախմատի տղամարդկանց հավաքականի անդամ, միջազգային գրոսմայստեր Գաբրիել Սարգսյանը։

Այդուհանդերձ, տղամարդկանց հավաքականն աշխարհի առաջնությունում գրանցվել է որպես պահեստային թիմ, քանի որ 2018 թվականի մայիսին Բաթումում կայացած շախմատային օլիմպիադայում գրանցել է բարձր ցուցանիշ։

Ի տարբերության տղամարդկանց հավաքականի` մրցաշարին կմասնակցի կանանց ընտրանին։

Նշենք, որ ըստ մեր աղբյուրների` կանանց հավաքականը նույնպես չի համապատասխանում մասնակցության չափորոշիչներին, բայց կմեկնի Ղազախստան, որովհետև առաջնության մասնակիցներից մեկն ինչ–ինչ պատճառներով հրաժարվել է մասնակցությունից։

Աշխարհի առաջնությունը կկայանա մարտի 4-15-ը Ղազախստանի մայրաքաղաք Աստանայում:

261