ԵՐԵՎԱՆ, 23 հունվարի — Sputnik. Հայ գեղասահորդներ Սլավիկ Հայրապետյանն ու Անաստասիա Գալուստյանը մասնակցում են Եվրոպայի գեղասահքի առաջնությանը, որն այսօր մեկնարկում է Մինսկում։
Հաշվի առնելով, որ հայ գեղասահորդները ելույթ չեն ունեցել Փհենչհանի օլիմպիական խաղերում, նրանք հիմա նախապատրաստվում են 2022թ–ի Տոկիոյի օլիմպիադային։
Ժամանակակից գեղասահքում լավ արդյունքի հասնելու համար անհրաժեշտ են քառապատիկ ցատկեր։ Հայրապետյանը և Գալուստյանի ծրագրերում կա այդ տարրը։
Անաստասիան ելույթ կունենա առաջին օրը` հունվարի 23–ին, կարճ ծրագրում։ Սլավիկը կսահի հունվարի 24–ին։
Վերջին ժամանակաշրջանում Անաստասիան վնասվածքի պատճառով չի մասնակցել խոշոր մրցաշարերի, իսկ Սլավիկն այս տարի արդեն մասնակցել է Լեհաստանում կայացած միջազգային մրցաշարին` զբաղեցնելով 6–րդ տեղը։
Մրցաշարը պաշտոնապես կմեկնարկի հունվարի 23–ին, մրցումները կսկսվեն կանանց մենասահքի կարճ ծրագրով։
Բելառուսում անցկացվող առաջնությանը կմասնակցեն համաշխարհային գեղասահքի առաջատար մարզիկները` ռուսաստանցի Ալինա Զագիտովան, իսպանացի Խավյեր Ֆերնանդեսը, ֆրանսիացիներ Գաբրիել Պապադակիսն ու Գիոմ Սիզերոնը։