ԵՐԵՎԱՆ, 1 հոկտեմբերի — Sputnik. Հայաստանի ազգային հավաքականի և լոնդոնյան «Արսենալի» կիսապաշտպան Հենրիխ Մխիթարյանը որոշել է չմասնակցել ադրբեջանական «Ղարաբաղ» թիմի հետ խաղին, որը նախատեսված է Բաքվում։ Twitter-ում այս մասին գրել է ESPN-ի թղթակից Մաթիաս Կարենը։
«Ղարաբաղ»-«Արսենալ» հանդիպումը կայանալու է հոկտեմբերի 4-ին:
«Ասում են` Մխիթարյանը չի մեկնի Բաքու` «Ղարաբաղի» դեմ խաղին։ Նա անձամբ է այդ որոշումը կայացրել` ելնելով անվտանգության նկատառումներից և հաշվի առնելով հայ-ադրբեջանական կոնֆլիկտը»,- գրում է նա։
I'm told Henrikh Mkhitaryan won't be making the trip to Azerbaijan for Thursday's game. Player's own decision based on the security situation amid the Armenia-Azerbaijan conflict. Could be an issue for the final in Baku as well if Arsenal make it that far.
— Mattias Karén (@MattiasKaren) 1 октября 2018 г.
Նշենք, որ Մխիթարյանը հրաժարվել էր Բաքու մեկնել նաև 2015 թվականին, երբ դեռ խաղում էր «Բորուսիայում»։