Եվգենյա Մեդվեդևա

Եվգենյա Մեդվեդևան ցույց է տվել` ինչպես է առավոտն անցկացնում Տորոնտոյում

112
(Թարմացված է 11:56 20.08.2018)
Հայտնի գեղասահորդուհի Եվգենյա Մեդվեդևան լուսանկար է հրապարակել Տորոնտոյի ֆոնին։

ԵՐԵՎԱՆ, 20 օգոստոսի — Sputnik. Գեղասահորդուհի Եվգենյա Մեդվեդևա-Բաբասյանը Instagram-ի իր բաժանորդներին ցույց է տվել, թե ինչպես է անցկացնում առավոտը Տորոնտոյում։

Մեդվեդևան Տորոնտոյի փողոցներից մեկում արված լուսանկար է հրապարակել, որում նա մարզական հագուստով է։ Եվգենյան սուրճ է խմում, իսկ հետևի ֆոնին սև սագեր են երևում։

«Սուրճ, սագեր։ Բարի գալուստ Տորոնտո», — գրել է նա։

Լուսանկարը դուր է եկել գեղասահորդուհու բաժանորդներին. այդ մասին են վկայում ավելի քան 85 հազար «լայքերն» ու բազմաթիվ մեկնաբանությունները։

«Ժենկա, մեր գեղեցկուհի», «Ժենյա, չի կարելի այսքան նիհար լինել», «Հմայիչ, ինչպես միշտ», «Ժենյան, կարծես, Նիկոլայ Դրոզդովը լինի», — գրում են երկրպագուները։

Նշենք, որ 2018 թվականի մայիսին Եվգենյա Մեդվեդևան լքել էր իր մարզիչ Էթերի Տուտբերիձեին և տեղափոխվել Կանադա` կանադացի մասնագետ Բրայան Օրսերի ղեկավարության տակ աշխատելու։ Այս հանգամանքն այդքան էլ դուր չէր եկել նրա ռուս երկրպագուներին, և նրան նույնիսկ մեղադրել էին դավաճանության մեջ։ Դրանից հետո Մեդվեդևան սոցցանցերում հայտնել էր, որ ճանաչում է իր իսկական երկրպագուներին և երախտապարտ է նրանց աջակցության համար, քանի որ միշտ իր կողքին են` ի տարբերություն որոշ երկրպագուների, որոնք պատրաստ են «օդում փոխվել»։

Հիշեցնենք, որ Փհենչհանում կայացած օլիմպիադայում Մեդվեդևան երկու արծաթե մեդալ էր նվաճել` մենասահքում ոսկին զիջելով մեկ այլ ռուս գեղասահորդուհի Ալինա Զագիտովային։ Նա նաև աշխարհի առաջնության կրկնակի հաղթող է։ Այժմ գեղասահորդուհին նոր խաղաշրջանին է պատրաստվում։

112
Ըստ թեմայի
«Կրակոտ էր»․ Եվգենյա Մեդվեդևա–Բաբասյանը ցույց է տվել այն, ինչից աշխարհում միայն ինքն ունի
Մարտահրավեր բոլորին ու իրեն․ Եվգենյա Մեդվեդևա–Բաբասյանը լուրջ փոփոխությունների է գնացել
Եվգենյա Մեդվեդևա-Բաբասյանն անակնկալ է մատուցել նոր մարզչին. լուսանկար
«Նրանք աչք չէին կտրում իրարից»․ ու՞մ հետ է հանդիպում Եվգենյա Մեդվեդևա–Բաբասյանը
«Մանկությունս ավարտվել է 12 տարեկանում». Մեդվեդևա–Բաբասյանը պատմել է դավաճանության մասին
Կյանքը սպորտից դուրս. առանց ինչի չի կարող ապրել Եվգենյա Մեդվեդևա-Բաբասյանը
Մեդվեդևա–Բաբասյանն իր պարով «թեժացրել» է սառույցը. տեսանյութ
Տիգրան Հակոբյանը

Ընտրությունները համարում եմ ոչ լեգիտիմ. ՀՖՖ մրցավարական կոմիտեի նախագահը հրաժարական է տվել

43
(Թարմացված է 15:50 13.08.2020)
Նա նշել է, որ իր որոշումը չունի քաղաքական դրդապատճառներ, և իրեն բացառապես հետաքրքրում է ոլորտի զարգացումը:

ԵՐԵՎԱՆ, 13 օգոստոսի — Sputnik. ՀՖՖ գործկոմի անդամ, մրցավարական կոմիտեի նախագահ և պայմանավորված խաղերը քննարկող կոմիտեի անդամ Տիգրան Հակոբյանը հրաժարական է ներկայացրել։ Այս մասին նա գրել է Facebook–ի իր էջում` շարադրելով նաև իր այս քայլի պատճառները։

«Պայմանավորված վերջին զարգացումներով, բարոյական չեմ համարում շարունակել գործունեությունս, քանի որ ընտրություններին մասնակցել են ակումբներ ,որոնց խաղերը եղել են պայմանավորված: Հետևաբար ընտրությունները համարում եմ ոչ լեգիտիմ: Հատուկ կցանկանամ ընդգծել, որ իմ որոշումը չունի քաղաքական դրդապատճառներ: Համոզված եմ, որ որոշ շահագրգիռ շրջանակներ փորձելու են իմ անձը կապել քաղաքականության հետ»,-գրել է նա և հավելել, որ իրեն բացառապես հետաքրքրում է ոլորտի զարգացումը:

Նշենք, որ հուլիսի 3–ին Հայաստանի ֆուտբոլի ֆեդերացիայի գործկոմի նիստն աննախադեպ որոշում կայացրեց՝ դադարեցնել Հայաստանի ֆուտբոլի առաջին խմբի  մրցաշարը: Աննախադեպ էր նաև «Արագած», «Տորպեդո», «Մասիս», «Լոկոմոտիվ» և «Երևան ֆուտբոլային ակումբների, ինչպես նաև ներգրավված 58 անձանց (այդ թվում՝ 45-ին` ցմահ)՝ տարբեր ժամկետներով որակազրկան մասին կայացված որոշումը:

Հայ ֆուտբոլիստը կխաղա հայկական թիմի դեմ. հավաքականի պաշտպանը` սպասվող հանդիպման մասին

 

43
թեգերը:
Ընտրություններ, Տիգրան Հակոբյան, Հրաժարական, ֆուտբոլ, ՀՖՖ
Ըստ թեմայի
«Նոան» դարձավ Հայաստանի սուպերգավաթակիր
«Նրանք շատ կազմակերպված են». Ռոման Բերեզովսկին` «Նոայի» մասին
34 տարեկանում մահացած Լևոն Ղասաբօղլյանը կհուղարկավորվի Հայաստանում
Камо Оганесян

Հայ ֆուտբոլիստը կխաղա հայկական թիմի դեմ. հավաքականի պաշտպանը` սպասվող հանդիպման մասին

1 / 2
115
Ալմաթինցիների ապագա մրցակցին Հովհաննիսյանը բնութագրել է որպես ամուր, կարգապահ թիմ, որը պայքարում է մինչև վերջ:

ԵՐԵՎԱՆ, 12 օգոստոսի - Sputnik. Հայաստանի հավաքականի պաշտպան Կամո Հովհաննիսյանը Եվրոպայի լիգայի խաղարկությունում ուրախ կլինի հանդիպել հայկական թիմի հետ: Ֆուտբոլիստը նման հայտարարություն է արել Ալմաթիի «Կայրաթ» թիմի ասուլիսի ժամանակ։ Ֆուտբոլիստը «Կայրաթի» շարքերն համալրել է այս տարի։

«Վիճակահանություն է։ Անձամբ ինձ համար հաճելի կլինի խաղալ հայկական ակումբի դեմ», - ասել է նա։

Ֆուտբոլի Եվրոպայի լիգայի որակավորման առաջին փուլի վիճակահանության արդյունքում Երևանի «Նոան» կմրցի Ալմաթիի «Կայրաթի» հետ:

Ալմաթինցիների ապագա մրցակցին Հովհաննիսյանը բնութագրել է որպես ամուր, կարգապահ թիմ, որը պայքարում է մինչև վերջ:

«Նոան» դարձավ Հայաստանի սուպերգավաթակիր

«Շատ լավ անձնակազմ է։ Իհարկե, ես այնտեղ ծանոթներ ունեմ։ Ես շատ լավ գիտեմ «Նոայի» տնօրեն Արթուր Սահակյանին։ Մենք միասին ենք սկսել ֆուտբոլ խաղալ», - նշել է Հայաստանի ազգային հավաքականի պաշտպանը։

Հովհաննիսյանը խոստովանել է, որ իրեն հաճելի կլիներ խաղալ «Նոայի» դեմ նաև Հայաստանում:

Նշենք, որ օգոստոսի 10-ին շվեյցարական Նյոն քաղաքում կայացավ Եվրոպայի լիգայի որակավորման առաջին փուլի վիճակահանությունը: Գյումրիի «Շիրակը» ուժերը կփոձի ռումինական «Ստյաուայի» հետ, Երևանի «Նոան»՝ Ալմաթիի «Կայրաթի», իսկ Երևանի «Ալաշկերտը»՝ մակեդոնական «Ռենովայի»:

115
թեգերը:
Հայաստան, հայ, ֆուտբոլ
Ըստ թեմայի
Հայկական ֆուտբոլն ու Ջորկաեֆը. կորոնավիրուսը նահանջելուն պես նա «հարձակողական գիծ կմտնի»
Աշխարհի ամենաերիտասարդ վարչապետն ամուսնացել է ֆուտբոլիստի հետ. լուսանկար
2019/20 մրցաշրջան. հայտնի է` ով է Հայաստանի լավագույն ֆուտբոլիստը
Ռաֆայել Նադալը ոչ միայն թենիս, այլև ֆուտբոլ է լավ խաղում
Մինսկ

Բելառուսի ՆԳՆ ղեկավարը ներողություն է խնդրել ցույցերի ժամանակ պատահաբար տուժած մարդկանցից

0
(Թարմացված է 23:50 13.08.2020)
Հանրապետության ՆԳՆ-ի տվյալներով ՝ անկարգությունների ընթացքում մեկ մարդ է մահացել, նա փորձել է անհայտ պայթուցիկ սարք նետել իրավապահների ուղղությամբ:

ԵՐԵՎԱՆ, 13 օգոստոսի - Sputnik. Բելառուսի ներքին գործերի նախարար Յուրի Կարաևը խոսել է ցուցարարների հետ բախումների ժամանակ պատահաբար տուժած մարդկանց մասին։

ՌԻԱ Նովոստին հայտնում է, որ Կարաևը «Մարկով. անձնական ոչինչ» հաղորդման ժամանակ ներողություն է խնդրել այդ մարդկանցից։

Հիշեցնենք` կիրակի՝ օգոստոսի 9-ին, Բելառուսում նախագահական ընտրություններ են անցկացվել։ Պաշտոնական տվյալներով՝ ընտրություններում հաղթել է գործող նախագահ Ալեքսանդր Լուկաշենկոն: Նրա օգտին է քվեարկել ընտրողների 80,23 տոկոսը, Լուկաշենկոյի հիմնական մրցակից Սվետլանա Տիխանովսկայի օգտին` 9,90 տոկոսը: Քվեարկության ավարտից հետո զանգվածային բողոքի ակցիաներ են սկսվել: ՆԳՆ-ի տվյալներով ՝ անկարգությունների ընթացքում մեկ մարդ է մահացել, նա փորձել է անհայտ պայթուցիկ սարք նետել իրավապահների ուղղությամբ:

Տիխանովսկայան չի ընդունել ընտրության արդյունքներն ու Բելառուսից փախել է Լիտվա։

Բելառուսի ԲելԱԶ և ՄԱԶ գործարաններում բողոքի ակցիաներ են ընթանում. տեսանյութ

0
թեգերը:
Բողոքի ակցիա, Մինսկ, Բելառուս
Ըստ թեմայի
Բելառուսում տղամարդը շան հետ զբոսնելիս փամփուշտ է «որսացել» ու վիրավորվել. տեսանյութ
«Ձեր «սև» ուժը Ձեր թուլությունն է». Սպիվակովը հրաժարվել է Լուկաշենկոյի հանձնած շքանշանից
Բախումներ հատուկջոկատայինների և ցուցարարների միջև. ինչ է կատարվում Մինսկում. տեսանյութ
Վլադիմիր Պուտինը և Էմանուել Մակրոնը քննարկել են Բելառուսում տիրող իրավիճակը