Միշա Ալոյան

Շատերը կարող են մեզ նախանձել. բռնցքամարտիկ Միխայիլ Ալոյանը` Տետեի հետ առաջիկա մարտի մասին

74
(Թարմացված է 12:50 02.11.2019)
Բռնցքամարտիկ Միխայիլ Ալոյանը պատմել է մարտին իր նախապատրաստվելու մասին և ընդգծել է, որ WBSS–ին (պրոֆեսիոնալ բռնցքամարտի մրցաշար, որը հիմնադրվել է 2017 թվականի մարտին) լավ ներկայանալու համար նրա ուսերին մեծ պատասխանատվություն է դրված։

ԵՐԵՎԱՆ, 6 օգոստոսի — Sputnik. Թեթևագույն քաշային կարգում WBA International գոտի ունեցող ռուսաստանցի Միխայիլ Ալոյանը ասել է, որ գիտակցում է WBSS երկրորդ մրցաշրջանին մասնակցելու ողջ պատասխանատվությունը։

Երկուշաբթի հայտնել էին, որ Ալոյանի և WBO չեմպիոն Զոլանի Տետեի միջև WBSS քառորդ եզրափակչի մենամարտը նախատեսված է հոկտեմբերի 13-ին, այն անցկացվելու է Եկատերինբուրգում։

«Մենամարտեր անցկացնելը միշտ հուզիչ է։ WBSS–ը բացառիկ միջոցառում է, Ռուսաստանում անցկացվում է եզրափակիչը։ Շատ երկրներ կարող են նախանձել մեզ։ Այժմ երկրորդ խաղաշրջանն է սկսվելու, որին մասնակցելու եմ։ Ուսերիս մեծ պատասխանատվություն է դրված», – ասել է Ալոյանը մամուլի ասուլիսի ժամանակ։

Նրա խոսքով` նախապատրաստական աշխատանքներն արդեն սկսվել են, Կաբարդինո Բալակարիայում առաջին փուլը վերջերս ավարտվել է, այնուհետև Կիսլովոդսկում Ռուսաստանի հավաքականի հետ հավաք կկայանա։ Ընդ որում, վերջին հավաքի վայրը դեռ քննարկվում է։

«Տետեն շատ ուժեղ մրցակից է, որը մեծ փորձ ունի։ Սուպերսերիայում այլ կերպ չի լինում։ Հուսով եմ, որ տեսարժան մարտ կունենանք, խաչենք մատներս, որպեսզի ես հաղթեմ։ Դե, իհարկե նաև մարզվելու ենք», – շարունակել է նա։

30-ամյա Տետեի ակտիվում 27 հաղթանակ (21-ը` նոկաուտով) և 3 պարտություն կա, իսկ 29-ամյա Ալոյանը պրոֆեսիոնալ ռինգում 4 հաղթանակ է տարել։

Միխայիլ Ալոյանը Լոնդոնի 2012 թվականի Օլիմպիադայի բրոնզե մեդալակիր է, աշխարհի կրկնակի չեմպիոն, Եվրոպայի չեմպիոն մինչև 52 կգ քաշային կարգում։ Ռիո դե Ժանեյրոյի խաղերում արծաթե մեդալ է նվաճել, սակայն ավելի ուշ զրկվել էր մրցանակից դոպինգ թեստի պատճառով։ Նրա արյան մեջ տուամինոգեպտան կոչվող արգելված նյութ էր հայտնաբերվել։

74
թեգերը:
Ռուսաստան
Ըստ թեմայի
Բռնցքամարտիկ Մարտիրոսյանն ուզում է տապալել կնոջ «սիրելիին»
Team Nightmare. բռնցքամարտիկ Վանես Մարտիրոսյանը խոստանում է ցնցել աշխարհը
Բռնցքամարտիկ Գուլամիրյանի տապալիչ հարվածը Ֆրանսիային հաղթանակ ապահովեց
Բռնցքամարտիկ Միշա Ալոյանը կրկին հաղթել է
Բռնցքամարտիկ Արսեն Գուլամիրյանը առաջինն է WBA վարկանիշային ցուցակում
Նենսի Ավեսյան

Հայաստանի կանանց հավաքականի ֆուտբոլիստ Նենսի Ավեսյանը երեխայի է սպասում. լուսանկար

125
(Թարմացված է 16:37 12.07.2020)
Ֆուտբոլիստը և իր ընկերը սպասում են իրենց առաջնեկին, որը լույս աշխարհ կգա մոտ 4 ամսից։

ԵՐԵՎԱՆ, 12 հուլիսի - Sputnik. Հայաստանի ֆուտբոլի կանանց հավաքականի անդամ Նենսի Ավեսյանը հղի է։ Լուրը ֆուտբոլիստը հայտնել է Instargram-ի իր էջում և ընկերոջ հետ լուսանկար հրապարակել։

«Մենք երեխա ենք ունենալու։ Մեզ այնքան օրհնված ենք զգում։ Անհամբեր սպասում ենք նոյեմբերին»,- գրել է Նենսին։

Посмотреть эту публикацию в Instagram

Публикация от Nancy Avesyan (@nancyavesyan)

Ավելի վաղ հաղորդել էինք, որ ամերիկահայ ֆուտբոլիստ Նենսի Ավեսյանն առաջին անգամ խաղացել է Հայաստանի կանանց ֆուտբոլի հավաքականի կազմում:

Հայաստանի ֆուտբոլի ազգային հավաքականը երկու ընկերական հանդիպում է անցկացրել Լիտվայի հավաքականի հետ և գրանցել 0:1 և 1:1 հաշիվները: Այնուամենայնիվ, պարտությունն ու ոչ ոքին չեն վրդովեցրել  երկրպագուներին։ Նրանք 2019 թվականից ուզում էին հայ գեղեցկուհի Նենսիին տեսնել Հայաստանի ֆուտբոլի կանանց հավաքականում, և դա արդեն իրականություն է:

Մարտի 8-ին Նենսին լուսանկար էր հրապարակել Հայաստանի ֆուտբոլի կանանց հավաքականի հետ և շնորհավորել կանանց միջազգային տոնի առիթով։

125
թեգերը:
Լուսանկար, հղի, երեխա, ֆուտբոլ, Հայաստան, Նենսի Ավեսյան
Ըստ թեմայի
Նենսի Ավեսյանը Հայաստանի ֆուտբոլի կանանց հավաքականում է. լուսանկարներ
Ինչու է պարետատունը մերժել Հայաստանի ֆուտբոլի ֆեդերացիային
Հայաստանի կանանց թիմը պարտվեց ռուսական հավաքականին. Աշխարհի առաջնության 2-րդ տուր
Ֆուտբոլային թրիլլեր գավաթի եզրափակիչում. Հայաստանի գավաթակրի անունը հայտնի է
Շախմատի տախտակ

Կյանքը վերականգնվում է. Ջերմուկում մեկնարկել է Ստեփան Ավագյանի անվան շախմատի հուշամրցաշարը

16
Հայաստանում անցկացվող շախմատային մրցաշարն աննկատ չի մնացել արտասահմանյան շախմատիստների կողմից։

ԵՐԵՎԱՆ, 12 հուլիսի - Sputnik. Չնայած համավարակին՝ Ջերմուկ քաղաքում շախմատային առօրյան սկսվել է. մեկնարկել է Ստեփան Ավագյանի հուշամրցաշարը։ Անշուշտ, մրցաշարն անցկացվում է հակահամաճարակային անվտանգության բոլոր կանոնները պահպանելով։ Մրցաշարի բոլոր մասնակիցները պաշտպանիչ դիմակներով են։ 

Մրցաշարն անցկացվում է շրջանային մրցակարգով՝ 10 մասնակիցներով և 9 խաղափուլով:  Արդեն անցկացված 5 խաղափուլերի արդյունքներով՝ առաջատարը 22-ամյա գրոսմայստեր Մանուել Պետրոսյանն է։ Նա հնարավոր 5 միավորից վաստակել է 4 -ը։ Կես միավորով նրան հաջորդում է 24-ամյա Արման Միքայելյանը։ Առաջատարին հետապնդող շախմատիստների խմբում են 2018 թվականի Հայաստանի չեմպիոն, գրոսմայստեր Հայկ Մարտիրոսյանը, Շանթ Սարգսյանն ու Դավիթ Շահինյանը՝ 3-ական միավորով։

Ջերմուկում անցկացվող մրցաշարն աննկատ չի մնացել արտասահմանյան շախմատիստների կողմից։ Նիդեռլանդների ներկայացուցիչ Պեն Չժաոցինը Twitter-ի իր էջում ջերմուկյան մրցաշարից լուսանկար է հրապարակել և գրառում կատարել.

«Հաճելի չէ, բայց աշխատում ենք հատուկ պայմաններում»,- գրել է շախմատիստուհին՝ նկատի ունենալով մրցաշարի մասնակիցների դիմակները։

Հիշեցնենք՝  Հայաստանում կորոնավիրուսով վարակվածների թիվը վերջին մեկ օրում ավելացել է 577–ով և դարձել 31 969։ Այս պահին փաստացի բուժում է ստանում 11 589 մարդ, կատարվել է 134 989 թեստավորում, առողջացել են վարակվածներից 19 633–ը։ Գրանցվել է մահվան 565 (+6) դեպք։ Այլ պատճառներով մահվան դեպքերի ընդհանուր թիվը` 182 (+2)։

Երբ Պետրոսյանը շախմատ էր խաղում, նույնիսկ հանցագործները ռադիոընդունիչից չէին պոկվում

16
թեգերը:
Ստեփան Ավագյան, կորոնավիրուս, մրցաշար, Ջերմուկ, Հայաստան, շախմատ
Ըստ թեմայի
Կոնյակն էլ շախմատիստների՞ դոպինգն է. ՌԴ–ի սպորտային լրագրողները Երևանում են. լուսանկարներ
Հայ շախմատիստի մասին հարցն օգնեց լրագրողին գումար շահել ռուսական «Ինչ, որտեղ, երբ»- ում
Լևոն Արոյանը պարտվեց ամերիկացի շախմատիստ Հիկարու Նակամուրայից
Հայաստանում կայծակնային շախմատի մրցաշար կանցկացվի՝ նվիրված մայիսյան հաղթանակներին
Զինծառայողներ, արխիվային լուսանկար

Ադրբեջանական ԶՈՒ կրակոցները տարբեր ինտենսիվությամբ շարունակվում են. Շուշան Ստեփանյան

179
(Թարմացված է 01:59 13.07.2020)
ՀՀ Պն մամուլի խոսնակը հայտնում է, որ հայկական զինված ուժերն ադրբեջանական բնակավայրերի ուղղությամբ կրակ չեն վարում։

ԵՐԵՎԱՆ, 13 հուլիսի - Sputnik. ՀՀ Պն մամուլի խոսնակ Շուշան Ստեփանյանը հայտնում է, որ ադրբեջանական զինված ուժերի կողմից կրակոցները պարբերաբար տարբեր ինտենսիվությամբ շարունակվում են։ Ստեփանյանը Facebook սոցիալական ցանցի իր էջում գրառում է արել` հայտնելով, որ հակառակորդի բոլոր փորձերը թիրախավորվում և չեզոքացվում են։

«Հայկական զինված ուժերը կորուստներ և վիրավորներ չունեն»,– գրել է նա։

Մեկ այլ գրառմամբ էլ Ստեփանյանը տեղեկացրել է, որ հայկական զինված ուժերն ադրբեջանական բնակավայրերի ուղղությամբ կրակ չեն վարում։ Նրա խոսքով` թիրախավորվում են միայն ադրբեջանական զինված ուժերի ինժեներական ենթակառուցվածքներն ու տեխնիկական միջոցները։

Հիշեցնենք, որ այսօր՝ ժամը 12:30-ի սահմաններում, Ադրբեջանի զինված ուժերի զինծառայողները, УАЗ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի

նախազգուշացումից հետո Ադրբեջանի զինծառայողները, թողնելով УАЗ մակնիշի ավտոմեքենան, վերադարձել են իրենց դիրք: Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ կրելով հետ շպրտվել:

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը:

179
թեգերը:
Շուշան Ստեփանյան, կրակոց, Սահման, հայ-ադրբեջանական