ԵՐԵՎԱՆ, 8 հուլիսի — Sputnik. ՌԴ նախագահ Վլադիմիր Պուտինը դիտել է աշխարհի առաջնության եզրափակչում Ռուսաստան-Խորվաթիա խաղն ու երկրպագել է ազգային հավաքականին։ Այս մասին հայտնել է նախագահի մամուլի քարտուղար Դմիտրի Պեսկովը։
Հուլիսի 7-ին Ռուսաստանի հավաքականը Սոչիում զիջեց Խորվաթիայի թիմին։ Ռուս ֆուտբոլիստների համար քառորդ եզրափակիչ դուրս գալը աշխարհի առաջնություններում լավագույն արդյունքն է։
ՌԻԱ Նովոստին հայտնում է, որ Պուտինը հպարտանում է Ռուսաստանի ֆուտբոլի հավաքականով։ Պեսկովի խոսքով՝ շաբաթ օրը ՌԴ նախագահը երկու անգամ խոսել է Ստանիսլավ Չերչեսովի հետ։ «Պուտինը զանգահարեց Չերչեսովին շաբաթ օրը խաղից առաջ ու հաջողություն մաղթեց», — ասել է մամուլի քարտուղարը։ «Խաղից հետո Պուտինը կրկին զանգահարեց նրան ու նշեց, որ ֆուտբոլիստներն արժանապատվորեն ելույթ ունեցան ու գեղեցիկ, կամային խաղ ցուցադրեցին Խորվաթիայի հավաքականի հետ պատմական խաղում», — հավելել է Պեսկովը։
Պուտինի մամուլի քարտուղարը հայտնել է նաև, որ ՌԴ նախագահը հրավիրել է հավաքականի գլխավոր մարզիչին ու ֆուտբոլիստներին Ռուսաստանում Ֆուտբոլի աշխարհի առաջնության ամփոփիչ միջոցառմանը։