ԵՐԵՎԱՆ, 22 մայիսի – Sputnik, Խաչիկ Չախոյան. Հայաստանի ֆուտբոլի ազգային հավաքական հրավիրված ֆուտբոլիստների նախնական ցուցակից բացակայելու են վեց ֆուտբոլիստ։ Հավաքականի գլխավոր մարզիչ Վարդան Մինասյանի հրապարակած ցուցակը զգալի կորուստներ կրեց տարբեր պատճառներով։

© Sputnik / Владимир Песня

Ի՞նչն է խանգարում Դավիթ Յուրչենկոյին հանդես գալ Հայաստանի հավաքականի կազմում

Հավաքականի գլխավոր մարզիչը, անկասկած, ուզում էր իր թիմում տեսնել այն բոլոր ֆուտբոլիստներին, որոնք կարող ենք ուժեղացնել թիմի խաղը, ընդ որում` խաղային բոլոր օղակներում: Դավիթ Յուրչենկոն ու Խորեն Բայրամյանը կարող են դառնալ մեր թիմի առանցքային խաղացողներ, բայց նրանց նորամուտն առայժմ հետաձգվում է:

Կասկածից վեր է, որ դարպասապահի դիրքում Յուրչենկոն մեր հավաքականին պետք է: Նա իր վարպետությամբ հաստատ վստահություն կներշնչի մեր թիմին: Ոչ պակաս կարևոր է Խորեն Բայրամյանի ներկայությունը մեր թիմում: Ձախ եզրային պաշտպանի խնդիրը հավաքականում մեկ տարի չէ, որ կա, իսկ Բայրամյանը ոչ միայն կարող է պաշտպանվել, այլ նաև միանալ գրոհներին: Ցավոք, երկու ֆուտբոլիստներն էլ փաստաթղթային խնդիրների պատճառով չեն միանալու հավաքականին:

Յուրա Մովսիսյանի վերադարձն էլ հավաքական հետաձգվեց հայ հարձակվողի վնասվածքի պատճառով: Չի կարելի ասել, որ Յուրան անմիջապես հետ կբերի մեր հաղթանակները նախևառաջ այն պատճառով, որ մարզավիճակն այն չէ: Բայց այն, որ նրա ներկայությունը խաղադաշտում հոգեբանորեն կօգնի խաղընկերներին, նույնպես չպետք է մոռանալ: Վնասվածքի պատճառով բացակայելու են նաև Արաս Օզբիլիսը, Սարգիս Ադամյանն ու Արթուր Սարկիսովը:

Մալթայի հավաքականի խաղին էլ չեն մասնակցելու Էդգար Մալաքյանը, Մարկոս Պիզզելին ու Կամո Հովհաննիսյանը, որոնք Ավստրիա են մեկնելու հունիսի 1-ին, իսկ խաղը նախատեսված է մայիսի 29-ին:

© Sputnik / Максим Богодвид

Հայ սամբիստները Եվրոպայի առաջնությունում մրցանակային տեղեր նվաճեցին

Մեր հավաքականի կազմում առաջիկա խաղերին մասնակցելու հնարավորություն են ստացել «հին» գվարդիայի ֆուտբոլիստներ Հրայր Մկոյանն ու Կառլեն Մկրտչյանը: Երկու ֆուտբոլիստներն էլ ահռելի փորձ ունեն և միանշանակ կարող են մեծ օգուտ բերել թիմին:

Կան նաև նոր անուններ ինչպես Հայաստանի ներքին առաջնությունից, այնպես էլ արտասահմանից:

«Բանանցի» պաշտպան Նարեկ Պետրոսյանն առաջին անգամն է հրավիրվում ազգային հավաքական, նույնը պետք է ասել «Գանձասար-Կապանի» հարձակվող Գեղամ Հարությունյանի մասին: Ընտրանու կազմում կտեսնենք նաև Ժորդի Ժոաո Մոնրո Արարատին, Իվան Յագանին, Էդգար Բաբայանին և Անդրե Չալշըրին: Վերջին չորսի մասին առայժմ դժվար է ինչ-որ բան ասել: Ստուգողական խաղերը անցկացվում են հենց նրա համար, որ մարզիչները հնարավորություն ունենան նորեկ ֆուտբոլիստներին գործի մեջ տեսնելու:

Այսպիսով գործի մեջ կտեսնենք ոչ միայն նորեկներին, այլև հավաքականի բոլոր ֆուտբոլիստներին:

Նշենք, որ Հայաստանի ազգային հավաքականի գլխավոր մարզիչ Վարդան Մինասյանը մայիսի 21-ին հրապարակել է Հայաստանի ազգային հավաքականի կազմը, որը նախապատրաստվելու է Մալթայի և Մոլդովայի հետ ընկերական հանդիպումներին:

ՀՀ սահմանադրությամբ ամրագրված է ԶՈւ ԳՇ պետին և այլ զորքերի բարձրագույն հրամանատարական կազմին նշանակելու դեպքերն ու կարգը և չի նախատեսում նրանց ազատելու ընթացակարգ։ Sputnik Արմենիայի հետ զրույցում նման կարծիք հայտնեց սահմանադրագետ Գոհար Մելոյանը։

© Photo : official site of the MoD of RA

Օնիկ Գասպարյանը շարունակում է մնալ ԶՈւ բարձրագույն զինվորական հրամանատարը. Գլխավոր շտաբ

«139-րդ հոդվածում բացառապես խոսվում է միայն ԳՇ պետի նշանակելու մասին, այսինքն` վերջինիս ազատելու հնարավորություն սահմանադրությունը ո՛չ նախագահին, ո՛չ վարչապետին չի տալիս»,- ասաց նա։

Նրա խոսքով` նույն հոդվածում նշվում է, որ ԶՈւ ամենաբարձր պաշտոնատար անձը ԳՇ պետն է, և որ սահմանադիրը նրան տվել է հատուկ կարգավիճակ` առանձնացնելով ԶՈւ և բարձրագույն հրամանատարական կազմից` հաշվի առնելով ԶՈւ նշանակությունը ՀՀ անվտանգության և անձեռնմխելիության տեսանկյունից։ Սա ևս, ըստ սահմանադրագետի, բխում է սահմանադրության ընդհանուր դրույթներից։ Այս դեպքում հարց է ծագում` ինչպե՞ս և ո՞ր դեպքում ԳՇ պետը կարող է ազատվել կամ հեռացվել զբաղեցրած պաշտոնից։

«ԳՇ պետն ազատվում է իր պաշտոնից ընդհանուր հիմունքներով, այսինքն` իր դիմումի համաձայն, քաղաքացիության կորստի, մահվան, օրինական ուժի մեջ մտած մեղադրական դատավճռի առկայության և նմանատիպ դեպքերում»,- պարզաբանեց Մելոյանը։

Սահմանադրագետի դիտարկմամբ` այն, որ մի շարք անձինք նշում են, թե «Զինվորական ծառայության և զինվորական կարգավիճակի մասին» օրենքի 40-րդ հոդվածը բարձրագույն հրամանատարական, զինվորական պաշտոն զբաղեցնող անձանց պաշտոնից ազատելու հայեցողական հնարավորություն է ընձեռում, չարաշահման տեղիք է տալիս։

© Photo : official site of the MoD of RA

Օնիկ Գասպարյանը տուն է գնացել, իսկ Փաշինյանը նամակ է ուղարկել թիմակիցներին. «Ժողովուրդ»

«Այս օրենքը ևս իր հերթին չի կարող տարածվել ԳՇ պետի վրա, որովհետև, նախ` Սահմանադրությունը նման հնարավորություն չի նախատեսում, բացի այդ, սահմանադրությունը մեր օրենսդրական դաշտի բարձրագույն օրենքն է և վերադաս է այլ օրենքների նկատմամբ»,- նշեց Մելոյանը։

Հիշեցնենք` ՀՀ նախագահի մամուլի ծառայությունը եչել տեղեկություն էր տարածել, որ Արմեն Սարգսյանը որոշել է չստորագրել ՀՀ վարչապետ Նիկոլ Փաշինյանի` ԶՈւ ԳՇ պետ Օնիկ Գասպարյանին պաշտոնից ազատելու հրամանագրի նախագիծը։

Միաժամանակ նշվում էր, որ Սարգսյանը կդիմի Սահմանադրական դատարան, բայց ոչ թե վարչապետի առաջարկության սահմանադրականությունը ստուգելու, այլ 2018թ-ի հունիսի 11-ին ընդունված «Զինվորական ծառայության և զինծառայողի կարգավիճակի մասին» ՀՀ օրենքում կատարված փոփոխությունների սահմանադրականությունը վիճարկելու պահանջով։