Լևոն Արոնյան

Արոնյանը գրավեց 3-5-րդ տեղերը, ամերիկացի Կարուանան դարձավ միանձնյա հաղթող

54
Հայկական շախմատի առաջատար, աշխարհի գործող գավաթակիր Լևոն Արոնյանը Գերմանիայի Բադեն-Բադենի մրցաշարում կիսեց 3-5-րդ տեղերը:

ԵՐԵՎԱՆ, 9 ապրիլի — Sputnik. Գերմանիայի Բադեն-Բադեն քաղաքում անցկացվող Grenke Сhess Сlassic մրցաշարում հայկական շախմատի առաջատար Լևոն Արոնյանը ֆրանսիացի Մաքսիմ Վաշյե-Լագրավի և Նիկիտա Վիտյուգովի հետ բաժանեց 3-5-րդ տեղերը՝ 5-ական միավորով։

Հայ գրոսմայստերը մրցաշարն անցկացրեց առանց պարտության։ Նա 9 հնարավորից հավաքեց 5 միավոր` հաղթելով Ադրբեջանը ներկայացնող Արկադի Նայդիչին, իսկ մյուս պարտիաներն ավարտելով ոչ ոքի։

Grenke Сhess Сlassic մրցաշարի հաղթողի կոչումը նվաճեց աշխարհի չեմպիոնի հավակնորդ,ամերիկացի Ֆաբիանո Կարուանան, որը վերջին տուրում սևերով առավելության հասավ ռուսաստանցի Նիկիտա Վիտյուգովի նկատմամբ և 6, 5 միավարով միանձնյա գրավեց առաջին տեղը։

Աշխարհի չեմպիոն, նորվեգացի Մագնուս Կարլսենը սևերով ոչ ոքի խաղաց աշխարհի նախկին չեմպիոն, հնդիկ Վիշվանաթան Անանդի հետ և 5, 5 միավորով գրավեց երկրորդ տեղը։

Լեւոն Արոնյանը Grenke Сhess Сlassic-ի անցած տարվա հաղթողն է։ Նախորդ տարի նա 7 հնարավորից վաստակել էր 5, 5 միավոր և միանձնյա գրավել առաջին տեղը։ Երկրորդ տեղը կիսել էին Մագնուս Կարլսենը և Ֆաբիանո Կարուանան, որոնք վաստակել էին 4-ական միավոր:

54
Ըստ թեմայի
Լևոն Արոնյանը 7-րդ անգամ ոչ -ոքի խաղաց
Լևոն Արոնյանը ոչ-ոքի խաղաց ֆրանսիացի Մաքսիմ Վաշյե-Լագրավի հետ
Լևոն Արոնյանը հաղթեց Ադրբեջանը ներկայացնող Արկադի Նայդիչին
Ուշացած ռևանշ. Արոնյանը մասնակցելու է Grenke Chess Classic մրցաշարին