Հենրիխ Մխիթարյան

Հենրիխ Մխիթարյանը չի մասնակցի «Սաութհեմփթոնի» հետ խաղին

244
(Թարմացված է 12:09 06.04.2018)
Արսեն Վենգերը չգիտի, թե հայ ֆուտբոլիստի վիճակը որքան վատ է, բայց նրան դաշտ դուրս չի բերի։

ԵՐԵՎԱՆ, 6 ապրիլի — Sputnik. Հայաստանի ազգային հավաքականի ավագ, Լոնդոնի «Արսենալի» կիսապաշտպան Հենրիխ Մխիթարյանը բաց կթողնի հաջորդ հանդիպումը։ New York Times-ը գրում է, որ «Արսենալի» մարզչի խոսքով` պատճառը ֆուտբոլիստի ծնկի վնասվածքն է։

«Նա ծնկի խնդիրներ ունի: Առայժմ հստակ չէ, թե ինչքան ծանր է վնասվածքը: Գնահատական կտրվի վաղը: Բայց կիրակի նա չի խաղա»,- ասել է Արսեն Վենգերը։

Ապրիլի 8-ին կայանալիք Անգլիայի առաջնության խաղում «Արսենալը» կընդունի «Սաութհեմփթոնին»:

Հիշեցնենք, որ երեկ ԲԿՄԱ-ի հետ խաղում Մխիթարյանը փոխարինվեց վնասվածքի պատճառով: Նրա ծնկին հարվածեց ռուսական թիմի պաշտպան Գեորգի Շչենիկովը: «Արսենալը» հաղթել է 4:1 հաշվով:

244
Ըստ թեմայի
Հենրիխ Մխիթարյան, Ռուբեն Վարդանյան, Նարեկ Հախնազարյան. որտե՞ղ է հանդիպել «հայկական եռյակը»
Հենրիխ Մխիթարյանն ամեն ինչ կանի հավաքականի ու «Արսենալի» առաջընթացի համար. բացառիկ
Երեխաների կուռք Հենրիխ Մխիթարյանը. «Մրցանակներս թիմային նվաճում են»
Հենրիխ Մխիթարյանը կրկին Հայաստանի տարվա լավագույն ֆուտբոլիստն է