ԵՐԵՎԱՆ, 13 մարտի — Sputnik. Ռիոյի օլիմպիադայի փոխչեմպիոն, հունա-հռոմեական ոճի ըմբիշ Միհրան Հարությունյանն աստղային ուժ է ցուցադրել Instagram սոցիալական կայքում։
«Մութ կողմ անցիր», — այսպիսի կոչ է արել Հարությունյանն ու տեսանյութ հրապարակել։
Հիշեցնենք, որ «ուժ» հասկացությունն օգտագործում են «Աստղային պատերազմներ» ֆիլմի գրեթե բոլոր հերոսները։ Իսկ «ուժի մութ կողմն անցնելու» կոչը հնչում է բացասական հերոսների` սիթհերի շուրթերից։ Ամենայն հավանականությամբ, Միհրանը Ջորջ Լուկասի հերոսապատման երկրպագուն է։
Բաժանորդները հավանել են հայ մարզիկի տեսանյութը։ Տասը ժամվա ընթացքում այն դիտել են ավելի քան 13 հազար անգամ։
«Ինչպես ասում էր Յուրի Գագարինը, թռանք», — գրել է օգտատեր gtiko-ն։
Առաջին անգամ չէ, որ Հարությունյանը ցուցադրում է իր դյուցազնական ուժը։ Դեկտեմբերին նա Instagram Armenian Power անվանումով տեսանյութ էր հրապարակել, որում նա հայկական երաժշտության ներքո մեծ մոտորանավակն ափ էր հանում։
Հունա-հռոմեական ոճի հայ ըմբիշ, Ռիոյի օլիմպիադայի արծաթե մեդալակիր Միհրան Հարությունյանը հիրավի ժողովրդական չեմպիոն դարձավ, երբ Ռիոյի օլիմպիադայում անարդար մրցավարության պատճառով զրկվեց ոսկե մեդալից։ Նշենք, որ այդ ժամանակ Միհրանը ելույթ էր ունենում ուսի վնասվածքով։
