Մխիթարյանը համաձայն է «Ինտեր» տեղափոխվել. ԶԼՄ
(Թարմացված է 15:49 18.12.2017)
Դեռ հայտնի չէ, թե ինչ կարգավիճակով Մխիթարյանը կտեղափոխվի «Ինտեր»` վարձակալության իրավունքո՞վ, թե՞ մշտական հիմունքներով։ԵՐԵՎԱՆ, 18 դեկտեմբերի — Sputnik. Միլանի «Ինտերի» թրեյդերները կապ են հաստատել Հենրիխ Մխիթարյանի գործակալ Մինա Ռայոլայի հետ, գրում է Fotball Itali–ն։ Ավելին` պարբերականի տվյալների համաձայն` Մխիթարյանն էլ իր հերթին «կանաչ լույս է վառել» «Ինտերի» համար։
Fotball Italia–ն հղում է արել Corriere dello Sport իտալական ազդեցիկ պարբերականի երկուշաբթի օրվա համարին` գրելով, որ «Ինտերը» «ջանում է հունվարին Մխիթարյանի վերաբերյալ պայմանագիր ստորագրել և արդեն կապ է հաստատել նրա գործակալի հետ»։
©
Sputnik / Asatur Yesayants
Այնուամենայնիվ, դեռ պարզ չէ, թե ինչ կարգավիճակով Մխիթարյանը կտեղափոխվի «Ինտեր»` վարձակալության իրավունքո՞վ, թե՞ մշտական հիմունքներով։
«Մանչեսթեր Յունայթեդի» մարզիչ Ժոզե Մոուրինյոն ավելի վաղ հայտարարել էր, որ լավ գումարի դիմաց պատրաստ է հրաժարվել Մխիթարյանից։
«Ճիշտ գումարի դիմաց ամեն ինչ հնարավոր է։ Այսպիսին է իմ մոտեցումը` որպես մենեջեր։ Ցանկացած խաղացող իր գինն ունի։ Եթե խաղացողը երջանիկ չէ ակումբում, և տրանսֆերի արժեքը բավարար համարենք, ինչպես եղավ Դեպայի և Շնեյդերլինի դեպքում, ես երբեք «ոչ» չեմ ասի», – ասել է Մոուրինյոն։
Բրիտանական The Mirror–ը գրել է, որ Մոուրինյոն պատրաստ է ազատվել Հենրիխ Մխիթարյանից` նրա փոխարեն «Արսենալի» ֆուտբոլիստ Մեսութ Օզիլի հետ պայմանագիր կնքելու համար։
Լևոն Արոնյանը բարելավել է դիրքերը ՖԻԴԵ-ի դասակարգման աղյուսակում
(Թարմացված է 16:42 01.03.2021)
ՖԻԴԵ-ի վարկանշային աղյուսակում Լևոն Արոնյանի անվան դիմաց դեռ հայկական եռագույնն է։ ԵՐԵՎԱՆ, 1 մարտի - Sputnik. Հայկական շախմատի առաջատար Լևոն Արոնյանը 1 հորիզոնականով բարելավել է դիրքերը ՖԻԴԵ-ի դասակարգման աղյուսակում, որը հրապարակվել է այսօր։
ԱՄՆ շախմատային ֆեդերացիան ողջունում է սուպերգրոսմայստեր Արոնյանի որոշումը. Մայք Հոֆաույր
Արոնյանը 2781 միավորով զբաղեցնում է 5-րդ հորիզոնականը, ու նրա անվան դիմաց դեռ հայկական եռագույնն է։ Նա զիջում է միայն աշխարհի գործող չեմպիոն նորվեգացի Մագնուս Կարլսենին (Նորվեգիա), Ֆաբիանու Կարուանային (ԱՄՆ), Դին Լիժենին (Չինաստան), Յան Նեպոմնյաշչիին (Ռուսաստան):
Հիշեցնենք, որ օրեր առաջ Լևոն Արոնյանը հայտարարել էր, որ որոշում է ընդունել տեղափոխվել ԱՄՆ, քանի որ պետությունն այլևս չի աջակցում շախմատիստներին։
Հովհաննես Գաբուզյանը դարձավ Հայաստանի չեմպիոն
(Թարմացված է 14:35 01.03.2021)
Տիգրան Պետրոսյանի անվան շախմատի տանն ավարտվել է Հայաստանի շախմատի տղամարդկանց 2021 թվականի առաջնությունը։ԵՐԵՎԱՆ, 1 մարտի - Sputnik. Գրոսմայստեր Հովհաննես Գաբուզյանը դարձել է Հայաստանի չեմպիոն և տղամարդկանց ազգային հավաքականի անդամ։ Տեղեկությունը հայտնում է Հայաստանի շախմատի ֆեդերացիայի պաշտոնական կայքը:
«Տիգրան Պետրոսյանի անվան շախմատի տանը ավարտվեց Հայաստանի շախմատի տղամարդկանց 2021 թվականի առաջնությունը։ 8,5 միավորով Հայաստանի 2021 թվականի չեմպիոն հռչակվեց գրոսմայստեր Հովհաննես Գաբուզյանը»,–նշված է հաղորդագրության մեջ։
Ֆեդերացիան նշում է, որ Գաբուզյանը մրցաշարի հենց սկզբից ստանձնել էր առաջատարի դերը և վստահորեն պահպանել է այն մինչև մրցաշարի ավարտը։ Նա իր անհատական վարկանիշը բարելավել է 34 կետով։
7 միավորով 2-3-րդ հորիզոնականները բաժանել են Արման Փաշիկյանը և Սամվել Տեր-Սահակյանը։ Լրացուցիչ ավելի բարձր ցուցանիշների շնորհիվ Արման Փաշիկյանն արժանացել է արծաթե մեդալի, իսկ Սամվել Տեր-Սահակյանին բաժին է հասել բրոնզե պարգևը:
Երբ Պետրոսյանը շախմատ էր խաղում, նույնիսկ հանցագործները ռադիոընդունիչից չէին պոկվում
Սադրանքների չենք գնալու, շենքեր չենք գրավելու. Իշխան Սաղաթելյան
ԵՐԵՎԱՆ, 3 մարտի - Sputnik. ՀՅԴ Հայաստանի ԳՄ ներկայացուցիչ Իշխան Սաղաթելյանը վստահեցնում է` Բաղրամյան պողոտայում այսօր նախատեսված հանրահավաքի ժամանակ որևէ սադրանք չի լինելու` ընդդիմությունը սադրանքների չի գնալու։ Սաղաթելյանը հանրահավաքի մեկնարկից առաջ լրոգրողների հետ զրույցում նման կարծիք հայտնեց` անդրադառնալով ոստիկանության հաղորդագրությանը։
Ոստիկանությունը հայտարարություն էր տարածել` ասելով, որ տվյալներ են ստացվել, որ մարտի 3-ի ժամը 16։00-ին նախատեսված հանրահավաքի ժամանակ հնարավոր են սադրանքներ։
Նշենք, որ դրանից հետո մամուլում, սոցցանցերում լուսանկարներ հայտնվեցին, որ ԱԺ դարպասները զոդում են, իսկ դարպասների ողջ երկանյքով ոստիկական հսկողությունն ավելացել է։
«Ես ստացել եմ բազմաթիվ նամակներ, թե` մենք չենք գալիս ձեր ճառերը լսելու, դուք գործողություն չեք անում։ Այդ մարդիկ ուզում ենք, որ մենք հորթով այս կամ այն շենքերը գրավենք։ Սակայն շենքն իշխանությունը չի` երկիրը չպետք է տանենք ցնցումների»,–ասաց Սաղաթելյանը։
Նրա խոսքով` Փաշինյանը օրեցօր կորցնում է իր իշխանությունը։
Նշենք, որ քիչ հետո ԱԺ պետք է ժամանի վարչապետ Նիկոլ Փաշինյանը` կառավարության անդամների հետ պատգամավորների հարցուպատասխանին մասնակցելու։