Ռոնալդուի գոլը «Ռեալին» դարձրեց աշխարհի ակումբային առաջնության հաղթող
(Թարմացված է 00:20 17.12.2017)
Աշխարհի ակումբային 2017թ. առաջնության եզրափակչում Մադրիդի «Ռեալը» ուժերը չափեց «Գրեմիոյի» հետ:ԵՐԵՎԱՆ, 17 դեկտեմբերի — Sputnik. Մադրիդի «Ռեալի» և «Գրեմիոյի» ամբողջ խաղի ընթացքում «սերուցքայիններն» ունեին առավելություն: Առաջին խաղակեսի մի շարք գրոհներն այդպես էլ չտվեցին իրենց ցանկալի արդյունքը, գրում է armsport.am-ը։
Երկրորդ խաղակեսն «արքայական» ակումբի ֆուտբոլիստներն ավելի արդյունավետ սկսեցին: 53-րդ րոպեին տուգանային հարված նշանակվեց բրազիլական ակումբի դարպասին: Տուգանային հարվածը իրացրեց Քրիշտիանու Ռոնալդուն, ով, գնդակն անցկացնելով պատ կանգնած ֆուտբոլիստների միջով, բացեց խաղի հաշիվը:
Քրիշտիանուի այս գոլը հաղթանակ պարգևեց «Ռեալին» և մադրիդյան ակումբը նվաճեց աշխարհի ակումբային առաջնության չեմպիոնի կոչումը:
Պորտուգալացին իր 7-րդ գոլը խփեց այս մրցաշարում, որը լավագույն ցուցանիշն էր մրցաշարի ամբողջ պատմության մեջ:
«Ռեալը» դարձավ միակ ակումբը, որն այս մրցանակին արժանանում է երկրորդ տարին անընդմեջ: Ընդհանուր առմամբ, սա մադրիդցիների համար աշխարհի ակումբային առաջնության երրորդ գավաթն էր: Այս ցուցանիշով մադրիդյան ակումբը հավասարվեց կատալոնական «Բարսելոնային»:
Լևոն Արոնյանը բարելավել է դիրքերը ՖԻԴԵ-ի դասակարգման աղյուսակում
(Թարմացված է 16:42 01.03.2021)
ՖԻԴԵ-ի վարկանշային աղյուսակում Լևոն Արոնյանի անվան դիմաց դեռ հայկական եռագույնն է։ ԵՐԵՎԱՆ, 1 մարտի - Sputnik. Հայկական շախմատի առաջատար Լևոն Արոնյանը 1 հորիզոնականով բարելավել է դիրքերը ՖԻԴԵ-ի դասակարգման աղյուսակում, որը հրապարակվել է այսօր։
ԱՄՆ շախմատային ֆեդերացիան ողջունում է սուպերգրոսմայստեր Արոնյանի որոշումը. Մայք Հոֆաույր
Արոնյանը 2781 միավորով զբաղեցնում է 5-րդ հորիզոնականը, ու նրա անվան դիմաց դեռ հայկական եռագույնն է։ Նա զիջում է միայն աշխարհի գործող չեմպիոն նորվեգացի Մագնուս Կարլսենին (Նորվեգիա), Ֆաբիանու Կարուանային (ԱՄՆ), Դին Լիժենին (Չինաստան), Յան Նեպոմնյաշչիին (Ռուսաստան):
Հիշեցնենք, որ օրեր առաջ Լևոն Արոնյանը հայտարարել էր, որ որոշում է ընդունել տեղափոխվել ԱՄՆ, քանի որ պետությունն այլևս չի աջակցում շախմատիստներին։
Հովհաննես Գաբուզյանը դարձավ Հայաստանի չեմպիոն
(Թարմացված է 14:35 01.03.2021)
Տիգրան Պետրոսյանի անվան շախմատի տանն ավարտվել է Հայաստանի շախմատի տղամարդկանց 2021 թվականի առաջնությունը։ԵՐԵՎԱՆ, 1 մարտի - Sputnik. Գրոսմայստեր Հովհաննես Գաբուզյանը դարձել է Հայաստանի չեմպիոն և տղամարդկանց ազգային հավաքականի անդամ։ Տեղեկությունը հայտնում է Հայաստանի շախմատի ֆեդերացիայի պաշտոնական կայքը:
«Տիգրան Պետրոսյանի անվան շախմատի տանը ավարտվեց Հայաստանի շախմատի տղամարդկանց 2021 թվականի առաջնությունը։ 8,5 միավորով Հայաստանի 2021 թվականի չեմպիոն հռչակվեց գրոսմայստեր Հովհաննես Գաբուզյանը»,–նշված է հաղորդագրության մեջ։
Ֆեդերացիան նշում է, որ Գաբուզյանը մրցաշարի հենց սկզբից ստանձնել էր առաջատարի դերը և վստահորեն պահպանել է այն մինչև մրցաշարի ավարտը։ Նա իր անհատական վարկանիշը բարելավել է 34 կետով։
7 միավորով 2-3-րդ հորիզոնականները բաժանել են Արման Փաշիկյանը և Սամվել Տեր-Սահակյանը։ Լրացուցիչ ավելի բարձր ցուցանիշների շնորհիվ Արման Փաշիկյանն արժանացել է արծաթե մեդալի, իսկ Սամվել Տեր-Սահակյանին բաժին է հասել բրոնզե պարգևը:
Երբ Պետրոսյանը շախմատ էր խաղում, նույնիսկ հանցագործները ռադիոընդունիչից չէին պոկվում
Զինծառայողների աճյուններ կփնտրեն Հադրութի շրջանում և Քաշաթաղի շրջանի հարավային թևում։
Արցախի ՆԳՆ ԱԻ պետական ծառայության փրկարար ջոկատները զոհված զինծառայողների աճյունների, ինչպես նաև անհետ կորած զինծառայողների որոնման աշխատանքներն այսօր իրականացնում են Արցախի վերահսկողությունից դուրս գտնվող Հադրութի շրջանում և Քաշաթաղի շրջանի հարավային թևում:
Հաղորդագրության համաձայն` որոնման աշխատանքներին մասնակցում է 3 ջոկատ։
Զինադադարից հետո որոնումների արդյունքում առ այսօր հայտնաբերվել է 1486 աճյուն: