ԵՐԵՎԱՆ, 1 օգոստոսի — Sputnik.  «Արցախ» ֆուտբոլային ակումբն այսօր «Միկա» մարզադաշտում ներկայացրեց թիմի ֆուտբոլիստներին, մարզչական շտաբին և ղեկավարներին, տեղեկացնում է armsport.am-ը: Ակումբի նախագահը Սևան Ասլանյանն է, որն արմատներով Ասկերանից է: Գլխավոր մարզիչը Տիգրան Եսայանն է, նրան օգնում են Տիգրան Գսպեյանը, Ալբերտ Աճեմյանը և Տիգրան Ոսկանյանը:

© Sputnik / Александр Вильф

Հայաստանցի բասկետբոլիստ պատանիները՝ Եվրոպայի չեմպիոն

Հնչեց նաև երևանյան ակումբի հիմնը, ինչպես նաև ներկայացվեցին «Արցախ ՖԱ»-ի հովանավոր-գործընկերները՝ «Ռենո», «Steritech», «Galstyan & Galstyan», «Ապարան ջուր» և «Efubet» ընկերությունները:

Կազմակերպված միջոցառմանը նորաստեղծ ակումբի ֆուտբոլիստները ներկայացրին թիմի տնային, արտագնա և մարզումային շապիկները, որոնք արտադրվել են «Nike» ընկերության կողմից:

«Արցախի» գլխավոր մարզիչ Տիգրան Եսայանն ասաց, որ թիմի առջև Առաջին խմբի առաջնությունում հաղթելն ու Բարձրագույն խմբում հանդես գալու խնդիրն է դրված։

«Արցախի» գլխավոր մարզիչը վստահություն հայտնեց, որ թիմը երկարաժամկետ ծրագրեր ունի, ըստ նրա՝  «Արցախը»  բրենդ է, մյուս թիմերից տարբերվելու է անհատ ֆուտբոլիստներով և գրագետ խաղով։

Միջոցառման ավարտից հետո «Արցախն» իր վերջին ստուգողական հանդիպումն անցկացրեց նոր մրցաշրջանի նախապատրաստական փուլի շրջանակում՝ մրցելով «Էրեբունու» հետ: Տիգրան Եսայանի ֆուտբոլիստները հաղթեցին 2:0 հաշվով: Գոլերի հեղինակներ դարձան Կարեն Հարությունյանն ու Վազգեն Երանոսյանը:

Օգոստոսի 7-ին մեկնարկելիք Առաջին խմբի առաջնությունում «Արցախը» հյուրընկալվելու է «Ալաշկերտ 2»-ին:

ԵՐԵՎԱՆ, 3 մարտի – Sputnik. Ամենաօգտակար ապուրը ոսպով ապուրն է։ Այս մասին «Զվեզդա» հեռուստաալիքի եթերում ասել է դիետոլոգ Օլգա Դեկերը։

Նրա խոսքով՝ ոսպով ապուրը հարուստ է սպիտակուցներով։

© CC BY 2.0 / Marco Verch Professional Photographer / Brewed hibiscus tea in a glass teapot and a Cup with dry hibiscus flowers

Կարկադեի օգուտն ու վնասը․ ինչպե՞ս է մարդու օրգանիզմի վրա ազդում կարմիր թեյը

«Չնայած բուսական ծագմանը` այն պարունակում է 12 ամինաթթու, բայց մենք կարող ենք այս ապուրին ավելացնել նաև կենդանական սպիտակուցներ, ինչպիսին է, օրինակ, միսը», - բացատրել է նա ու հավելել՝ ճաշատեսակը հարուստ է նաև մանրաթելերով և ընդհանուր առմամբ օգտակար է առողջության և իմունիտետի համար:

Սննդաբանի խոսքով՝ ամենաօգտակար երկրորդ ուտեստը մսային արգանակով և բանջարեղենով ապուրն է, որի մեջ կարելի է օգտագործել ինչպես թարմ, այնպես էլ սառեցված բանջարեղեն:

Նա խորհուրդ է տվել նաև ավելացնել կանաչ լոբի, դդմիկ, նեխուր, այսինքն՝ ածխաջրերի նվազագույն պարզ խումբ: Իսկ միսն ապուրին նաև սպիտակուցներ և ճարպեր կտա։