Շախմատ

Sputnik Արմենիան ու «Գոլոսը» չեմպիոն դարձան

236
(Թարմացված է 16:03 29.07.2017)
ԶԼՄ-ների ներկայացուցիչների միջև շախմատի թիմային առաջին մրցաշարում հաղթեց «Կաիսա» թիմը, որի երեք մասնակիցներից երկուսը ներկայացնում էին Sputnik Արմենիա միջազգային լրատվական գործակալությունը:

ԵՐԵՎԱՆ, 29 հուլիսի — Sputnik. Լրագրողների միջև շախմատի թիմային առաջին մրցաշարն անցկացվեց հուլիսի 29-ին Երևանի «Նարվա» շախմատի դպրոցում:

«Կաիսա» (շախմատի աստվածուհին և հովանավորը) թիմի կազմը համալրել էին Sputnik Արմենիայի ներկայացուցիչներ Դավիթ Գալստյանն ու Արա Նալբանդյանը, ինչպես նաև «Գոլոս Արմենիի» ռուսալեզու թերթի լրագրող Ռուբեն Մարգարյանը:

Команда Каисса. Корреспондент Sputnik Армения Давид Галстян и редактор Ара Налбандян, а также корреспондент Голос Армении Рубен Маргарян
© Sputnik / David Galstyan
ԶԼՄ-ների ներկայացուցիչների միջև շախմատի թիմային առաջին մրցաշարում հաղթгց «Կաիսա» թիմը (ձախից աջ). «Գոլոս Արմենիի» թերթի լրագրող Ռուբեն Մարգարյանը, Sputnik Արմենիայի լրագրող Դավիթ Գալստյանը և Sputnik Արմենիայի խմբագիր Արա Նալբանդյանը:

Վեց հաղթանակ տանելով և հնարավոր 12 միավորից հավաքելով 12 թիմային միավոր (երկուական միավոր թիմի յուրաքանչյուր հաղթանակի համար)` «Կաիսան» բացարձակ թիմային չեմպիոն դարձավ:

Մրցաշարի արդյունքում «Կաիսա» թիմը պարգևատրվեց մեդալներով և գավաթով:

Երկրորդ տեղը զբաղեցրեց «Գամբիտ» թիմը, իսկ երրորդը` «Չորրորդ իշխանություն» թերթի ներկայացուցիչները:

Մրցաշարի կազմակերպիչներն են` օտարերկրյա լրագրողների ասոցիացիան` Տիգրան Հովհաննիսյանի գլխավորությամբ և «Նարվա» շախմատի դպրոցի ղեկավար Նարեկ Վարազդատյանը:

Русская версия

236