ԵՐԵՎԱՆ, 9 հունիսի — Sputnik, Խաչիկ Չախոյան. Հունիսի 10-ին Պոդգորիցայում կայանալիք Հայաստան-Չեռնոգորիա հանդիպումը մեծ հետաքրքրություն ու նշանակություն ունի, քանի որ երկու հավաքականներն էլ հույսեր են փայփայում Ֆուտբոլի աշխարհի 2018 թվականի առաջնության ընտրական խմբում երկրորդ տեղը զբաղեցնելու և աշխարհի առաջնության ուղեգիր նվաճելու համար: Մրցաշարային աղյուսակում Չեռնոգորիայի հավաքականը յոթ միավորով երկրորդ տեղում է, մեր հավաքականը վեց միավորով հինգերորդն է:

Պարզ է, որ միավորների չնչին տարբերության պայմաններում երկու թիմին էլ հաղթանակ է հարկավոր իրենց նպատակն իրականություն դարձնելու համար: Բայց երկկողմանի դա անելը հեշտ չի լինի: Հայաստանի հավաքականի համար առավել ևս, քանի որ մեր թիմի մեկնարկային կազմի խաղացողներից մի քանիսը չեն կարող մասնակցել հաշվետու խաղին:

FFA

Հայաստանը հաղթեց բացահայտ առավելությամբ

Թիմերի պատասխան խաղին մեր հավաքականի առաջատարներից մեկը՝ Գևորգ Ղազարյանը, վնասվածքի պատճառով չի մասնակցի: Գևորգը թիմի հետ մեկնելու է Չեռնոգորիա ու մեկնումից առաջ զրուցել է Sputnik Արմենիայի հետ:

Նախևառաջ շատ կարևոր էր իմանալ, թե ապաքինման որ փուլում է գտնվում Ղազարյանը: Ինչպես նշեց ֆուտբոլիստը, երկու վիրահատությունից հետո ամեն ինչ ընթանում է ըստ բժիշկների կանխատեսումների, և Գևորգը հույս ունի սեպտեմբերին սկսել մարզումները:

Հիշեցնենք, որ Հայաստան- Չեռնոգորիա առաջին խաղում մեր ընտրանին սխրանք գործեց ու գերկամային հաղթանակ տարավ մրցակցի նկատմամբ: Առաջին խաղակեսում մեր թիմը պարտվեց 0:2 հաշվով, բայց երկրորդ խաղակեսում հայ ֆուտբոլիստները բեկեցին խաղի ընթացքը, իսկ հանդիպման 93-րդ րոպեին Գևորգ Ղազարյանի խփած գնդակը մեր թիմին հաղթանակ բերեց 3:2 հաշվով:

Հայաստանի հավաքականի կիսապաշտպան Գևորգ Ղազարյանը, հիշելով երևանյան հանդիպումը, նշեց, որ ինքը հիմնականում հեռահար հարվածների չի դիմում: Բայց այդ խաղում հաճախակի էր փորձում տուգանայինի մատույցներից անհանգստացնել մրցակցի դարպասապահին: Իսկ կոնկրետ գոլի հետ կապված Ղազարյանն ուղղակի նշեց, որ չէր էլ մտածում, որ խաղի վերջին վայրկյաններն էին ընթանում:

«Իմ ամբողջ կարիերայի ընթացքում ես նման հեռավորությունից ու կանգնած դիրքից երբեք հարված չէի կատարել: Բայց հարվածեցի ու ստացվեց արդյունավետ»,- ավելացրեց հաղթական գոլի հեղինակը:

Անդրադառնալով առաջիկա խաղին` Գևորգ նշեց, որ չնայած կորուստներին` մեր հավաքականն ի զորու է հասնել դրական արդյունքի: Իհարկե, ցանկալի է հաղթանակի հասնել, բայց ոչ-ոքին էլ բացասական արդյունք չի համարվում: Հավաքականի համար շատ կարևոր էր Սենտ Քիթս և Նևիսի հավաքականի հետ խաղը, որում հանդես եկան այն ֆուտբոլիստները, որոնք խաղադաշտ են դուրս գալու Պոդգորիցայում: Հայ կիսապաշտպանի կարծիքով կարևոր էր, որ այդ խաղում մրցակիցն ուժեղ չէր, և տղաները խուսափեցին վնասվածքներից: Բացի այդ, խաղային պրակտիկան նույնպես կարևոր էր այս խաղի հետ կապված:

Գևորգ Ղազարյանն ու Հենրիխ Մխիթարյանը երկար տարիներ հանդես են եկել «Փյունիկում», հիմա էլ խաղընկերներ են ազգային հավաքականում: Գևորգը նշեց, որ Հենրիխի հետ շատ հեշտ է համագործակցելը խաղադաշտում: Նա ինքն է հեշտացնում խաղընկերոջ գործը, եթե զգում է, որ լարվածություն կա:

© Sputnik / Խաչիկ Չախոյան, Կարեն Եփրեմյան

Հենրիխ Մխիթարյան. Այն, ինչ չհասցրեց հայրը, իրականացրեց որդին

«Նորություն չէ, որ Մխիթարյանը բարձրակարգ ֆուտբոլիստ է, ու խաղադաշտում միայն նրա ներկայությունն արդեն մեծ առավելություն է հավաքականի մյուս ֆուտբոլիստների համար»,- ավելացրեց Ղազարյանը:

Երևանում կրած պարտությունից հետո Չեռնոգորիայի հավաքականը, անկասկած, փորձելու է ոչ միայն հաղթանակի հասնել, այլ ռևանշի հասնել իրենց համար «ցավոտ» պարտության համար: Ղազարյանն էլ համոզված է, որ մրցակիցը գործելու է կրկնապատկված եռանդով ու դժվար թե մոռացած լինի Հայաստանում կրած պարտությունը:

ԵՐԵՎԱՆ, 5 մարտի - Sputnik. ՀՀ զինված ուժերի գլխավոր շտաբի պետ Օնիկ Գասպարյանի խնդիրը պետք է լիներ, որ թույլ չտար որևէ մեկին քիթը խոթել բանակի ներքին խնդիրներին։ Եռաբլուրում լրագրողների հետ զրույցում նման կարծիք հայտնեց ԱԺ «Իմ քայլը» խմբակցության պատգամավոր Անդրանիկ Քոչարյանը` ի պատասխան հարցին, թե ի՞նչ գնահատական է տալիս ԳՇ–ի` վարչապետի հրաժարականի պահանջով հայտարարությանը։

«Մեր խնդիրները թողած` բանակի փեշերից են կախվել բոլորը։ Որևէ մեկի մտքով չի անցել բանակը դարձնել պետական գործիք, անգամ Հոկտեմբերի 27-ից հետո որևէ քայլ չի արվել գործող իշխանության դեմ։ Բանակը պետք է միայն արտաքին թշնամի ունենար, այլ ոչ թե ներքին»,–ասաց Քոչարյանը։

Հարցին, թե բոլորին հետաքրքրում է` Օնիկ Գասպարյանն այժմ ԳՇ պե՞տ է, թե՞ ազատվել է աշխատանքից, Քոչարյանը պատասխանեց, որ նախագահ Արմեն Սարգսյանը չի ուղարկել վարչապետի միջնորդությունը ՍԴ–ում վիճարկելու, ինչը նշանակում է, որ Գասպարյանը 3 օր հետո համարվում է աշխատանքից ազատված։ Քոչարյանը ենթադրում է, որ այս ընթացքում վարչապետը կա՛մ նախագահին կներկայացնի նոր թեկնածու, կա՛մ ՊՆ–ի հետ կոնսուլտացիաներ կլինեն և գուցե այդ պարտականությունը դրվի տեղակալներից մեկի վրա։

© Photo : official site of the MoD of RA

ԳՇ–ն միանգամից 3 պետ կունենա՞, կամ ՍԴ–ից բացի ուրիշ ինչ ուղի ունի Օնիկ Գասպարյանը

Մեկ այլ հարցի, թե ի՞նչ ճակատագիր է սպասում այն զինվորականներին, որոնք միացել են ԳՇ–ի հայտարարությանը` Քոչարյանը պատասխանեց, որ զինվորականների 90 տոկոսն այժմ իրականացնում է իր առջև դրված գործը, բացառությամբ ԳՇ պետի առաջին տեղակալ Տիրան խաչատրյանի, որն ազատվեց աշխատանքից։

Անդրադառնալով Տիրան Խաչատրյանի այն քայլին, որ նա Վարչական դատարան է դիմել` վիճարկելով աշխատանքից ազատման փաստը` Քոչարյանը նշեց, որ Խաչատրյանը վարչական դատարան դիմելուց առաջ թող մտածեր` իր այդ քայլով ինչպիսի՞ վտանգ հասցրեց ՀՀ ներքին անվտանգությանը։

Իրադրությունը սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

© Photo : official site of the MoD of RA

Փաշինյան vs Գլխավոր շտաբ, կամ ինչ է պակասում ընդդիմությանը հաջողության հասնելու համար

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։

Մարտի 2-ին հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով: