Թենիս

«Թենիսի Հայկական սփյուռքի գավաթի» 12-րդ առաջնությունը մեկնարկեց

16
(Թարմացված է 16:15 01.05.2017)
Հաղթական գավաթի համար պայքարելու են և պրոֆեսիոնալ մարզիկները, և սիրողական թենիսով զբաղվողները։

ԵՐԵՎԱՆ, 1 մայիսի — Sputnik. Երևանում մեկնարկել է «Թենիսի Հայկական սփյուռքի գավաթի» մրցաշարը։ Այս մասին հայտնում է Երևանի քաղաքապետարանի մամուլի ծառայությունը։

Քաղաքապետ Տարոն Մարգարյանի աջակցությամբ արդեն երկրորդ անգամ Երևանում անցկացվող մրցաշարին մասնակցում են Ռուսաստանի, Հայաստանի և մի շարք այլ երկրների պրոֆեսիոնալ մարզիկներ, ինչպես նաև սիրողական թենիսով զբաղվողներ:

«40 մարզիկ՝ 20 զույգերով, մեծահասակների խմբում պայքարելու են հաղթական գավաթի համար»,– նշված է հաղորդագրության մեջ:

12-րդ առաջնության հանդիսավոր բացմանը ներկա են գտնվել Երևանի քաղաքապետ Տարոն Մարգարյանը, ՀՀ սպորտի և երիտասարդության հարցերի նախարար Հրաչյա Ռոստոմյանը և Մոսկվայում Երևանի քաղաքապետարանի ներկայացուցչության ղեկավար Մակար Նահապետյանը, որի նախաձեռնությամբ էլ անցկացվում է գավաթի մրցաշարը:

16