ԵՐԵՎԱՆ, 25 մարտի — Sputnik. Դոհայում շարունակվում է մարմնամարզության աշխարհի գավաթի խաղարկության եզրափակիչները: Այս մասին տեղեկացնում է ՀԱՕԿ պաշտոնական կայքը:
Հայաստանը ներկայացնող Արթուր Թովմասյանն օղակներ վարժությունում ոսկե մեդալ նվաճեց, իսկ Վահագն Դավթյանը 4-րդն էր:
Մարտի 25-ին` մրցաշարի վերջին օրը, հայ մարզիկներից ելույթ կունենա միայն Արթուր Դավթյանը: Նա կմրցի հենացատկ եւ զուգափայտեր վարժությունների եզրափակիչներում:
Դավթյանը երեկ բրոնզե մեդալ էր նվաճել նժույգ թափերում: