ԵՐԵՎԱՆ, 18 հունվարի — Sputnik. Մոսկվայի «Սպարտակի» նախկին հարձակվող Յուրա Մովսիսյանը վստահ է, որ Ռուսաստանում կայանալիք Աշխարհի առաջնությունը ամենալավն է լինելու։ Այս մասին գրում է «Չեմպիոնատը»։
«Կարծում եմ, որ Ռուսաստանը կլինի մրցաշարի պատմության լավագույն կազմակերպիչներից մեկը: Նրանք ընկերասեր են, ցանկանում են լավագույնը դառնալ և գումարներ են ծախսում ամեն ինչի վրա: Հավանաբար, առաջիկա Մունդիալը ամենաապահովներից մեկը կլինի», — ասել է Մովսիսյանը:
Ֆուտբոլիստը նշել է, որ Աշխարհի առաջնությունում խաղալու են նրա ընկերներից շատերը:
«Հույս ունեմ, որ Հայաստանի հավաքականը կմասնակցի մրցաշարին»,- ասել է Մովսիսյանը:
Ամերիկյան «Ռեալ Սոլթ Լեյք» ակումբը Յուրա Մովսիսյանի տրանսֆերը ձեռք է բերել 2016 թվականի հոկտեմբերին։