ԵՐԵՎԱՆ, 16 հունվարի — Sputnik. Հայաստանի գործող չեմպիոն, հայկական «Ալաշկերտ» ակումբը կխաղա հայտնի ռուսական ֆուտբոլային «Կրիլյա սովետա» ակումբի հետ Թուրքիայում անցկացվող երկրորդ հավաքի շրջանակում։ Այս մասին հայտնում է «Կրիլյա սովետա» ակումբի կայքը։
«Նախկինում հայտնի երեք հակառակորդներին` Սլովակիայի «Շպորտին», Բալկանների «Ժելեզնիչարին» և Մոլդովայի «Շերիֆին» ավելացավ ևս մեկը` հայկական «Ալաշկերտ» ակումբը, որը Հայաստանի գործող չեմպիոնն է։ Խաղը կկայանա փետրվարի 6-ին», — գրված է հաղորդագրության մեջ։
Այդ օրը «Կրիլյա սովետա» ակումբը երկու խաղ կունենա։ Օրվա երկրորդ կեսին ֆուբոլիստները կխաղան «Շերիֆի» հետ։
