Արա Պողոսյան. «Ուրարտուն» չի լուծարվել, ու մենք ամեն ինչ կանենք թիմը պահպանելու համար
(Թարմացված է 21:02 06.12.2016)
Մի քանի օր առաջ հայտնի դարձավ, որ «Ուրարտու» բասկետբոլային ակումբը պաշտոնապես դիմել է Ռուսաստանի բասկետբոլի ֆեդերացիա` առաջնությունից դուրս գալու դիմումով: Ակումբի ներկայացուցիչները Sputnik Արմենիա մամուլի կենտրոնում ներկայացրին այդ որոշման պատճառները։ԵՐԵՎԱՆ, 6 դեկտեմբերի — Sputnik. «Մենք երկրորդ անգամ ենք ասուլիս անցկացնում Sputnik Արմենիա մամուլի կենտրոնում: Առաջին անգամ ուրախ տրամադրությամբ և պայծառ մտքերով հայտարարեցինք «Ուրարտու» բասկետբոլային թիմի վերածննդի մասին, իսկ հիմա ցավոք պետք է փաստենք, որ թիմը այլևս չի մասնակցում Ռուսաստանի Սուպերլիգա-1-ի մրցումներին»: «Ուրարտու» բասկետբոլային ակումբի նախագահ Արա Պողոսյանն այսպես սկսեց իր խոսքը լրագրողների հետ հանդիպման ժամանակ:
©
Sputnik / Asatur Yesayants
Արա Պողոսյան
Հայկական ակումբի նախագահը Սուպերլիգայի կազմակերպիչներին մեր թիմի մասնակցության դադարեցման մասին նամակ է հղել դեկտեմբերի 2-ին։
«Ուրարտուի» վերածնունդը շատ հաճելի երևույթ էր հայկական սպորտում: Մեր թիմի առաջին իսկ խաղում լեփ լեցուն դահլիճը ապացուցեց, որ հայ երկրպագուները սիրում են բասկետբոլ ու ամեն ինչ կանեն մեր թիմի աջակցելու համար: Սակայն 9 պարտությունից հետո «Ուրարտուն» դուրս եկավ մրցաշարից: Անմիջապես հարցեր ծագեցին, թե ինչու՞:
Շատերն անմիջապես մտածեցին ֆինանսների բացակայության մասին: Բայց «Ուրարտուի» նախագահ Արա Պողոսյանը նշեց, որ ֆինանսական խնդիրը առաջնային արգելքը չէր։
«Այո, թիմն ուներ ֆինանսական խնդիրներ: Բայց դա չէր պատճառը, որ մենք դուրս եկանք Սուպերլիգա-1 մրցաշարից: Առաջնության ռեգլամենտի պատճառով ու կազմակերպչական բազմաբնույթ արգելքների պատճառով մենք այդպես էլ չկարողացանք նորմալ թիմով ներկայանալ խաղերին»,- ասաց նա:
Բասկետբոլի սիրահարները շատ լավ հիշում են, որ մեկնարկային խաղում մեր թիմի չորս բասկետբոլիստներ չկարողացան դուրս գալ խաղահրապարակ առաջնության կազմակերպիչների թույլտվություն չունենալու պատճառով: Արա Պողոսյանը հանգամանորեն ներկայացրեց նաև այս խնդիրը։
«Մեկնարկային խաղից 10 րոպե առաջ մենք իմացանք, որ չենք կարող խաղալ ամբողջ կազմով: Ու այդ խնդիրը հետապնդեց մեզ մինչև վերջին խաղերը: Որոշ բասկետբոլիստներ, այդպես էլ իրավունք չստանալով դուրս գալ խաղահրապարակ, հեռացան, իսկ երբ մեր տղաներից ոմանք էլ վնասվածք ստացան, պարզ դարձավ, որ մենք ուղղակի չենք կարող հաղթել: Մարզիչը շատ հաճախ փոփոխություններ չէր կատարում` պատրաստ խաղացող չունենալով: Անցած ինը խաղում մենք հանդես եկանք մեկ կենտրոնականով, իսկ ժամանակակից բասկետբոլով նման կազմով հաղթել հնարավոր չէր: Պարզ դարձավ, որ մյուս խաղերում էլ ենք պարտվելու ու, իհարկե, արդեն չուզեցինք խաղալ»:
Ֆինանսական խնդիրներին անդրադառնալով «Ուրարտուի» նախագահը նշեց, որ թիմն ուներ բյուջե և ֆինանսավորվել է օլիմպիական կոմիտեի ու բասկետբոլի ֆեդերացիայի կողմից: Եղել են կազմակերպություններ, որոնք խոստացել են հովանավորել, բայց հետո հետ են կանգնել իրենց որոշումներից: Ու չնայած այս ամենին, Պողոսյանը նշեց, որ մեր թիմի բասկետբոլիստների հետ ակումբը ֆինանսական ոչ մի պարտք չունի կամ էլ առաջիկա երկու օրերի ընթացքում բոլոր պարտքերը կփակվեն:
Իսկ ամենահուսալի հատվածը թիմի ապագայի հետ կապված հարցերն էին, որոնց մասին Արա Պողոսյանը խոսեց լավատեսորեն։
«Մենք ընդամենը դուրս ենք եկել Սուպերլիգայի առաջնությունից: Թիմը չի լուծարվել, ու ամեն ինչ անելու ենք «Ուրարտուն» պահելու համար: Ամանորից հետո արդեն կհասկանանք, թե ինչ ծրագրերով պետք է առաջնորդվենք թիմը պահպանելու համար»:
Վազգեն Մանուկյանը դիմել է Լևոն Արոնյանին և խնդրել վերանայել իր որոշումը
(Թարմացված է 14:50 04.03.2021)
Մանուկյանը խոստացել է, որ այս իշխանությունը շուտով հեռանալու է, և միասնական ջանքերով ոլորտ առ ոլորտ վերացնելու ենք քաոսը, Հայաստանում շախմատը կրկին լինելու է պետական ամենաբարձր հոգածության ներքո, քանի որ այն մեր այցեքարտերից մեկն է աշխարհում:ԵՐԵՎԱՆ, 4 մարտի – Sputnik. Հայրենիքի փրկության շարժման վարչապետի միասնական թեկնածու Վազգեն Մանուկյանը նամակով դիմել է հայկական շախմատի առաջատար Լևոն Արոնյանին և խնդրել նրան հնարավորություն գտնել վերանայելու իր` ԱՄՆ մեկնելու որոշումը։
Նշենք, որ շախմատի գրոսմայստեր Լևոն Արոնյանը հայտարարել էր Հայաստանը լքելու ու ԱՄՆ շախմատիստների թիմակիցը դառնալու մասին։
«Ես հայտնվել էի ընտրության առջև՝ թողնել կյանքիս գործը կամ տեղափոխվել այնտեղ, որտեղ ինձ գնահատում են: Մեկ տարուց ավելի ներկայիս կառավարության խոստումների իրագործմանը սպասելուց հետո հասկացա` ստիպված եմ կայացնել բեկումնային որոշում և հեռանալ հարազատ երկրից»,–գրել է Արոնյանը։
Նա նաև շեշտել էր, որ տարիներ շարունակ տարբեր երկրներից հանդես գալու բազմաթիվ գրավիչ առաջարկներ է ստացել, այդ թվում՝ ամերիկացի մեծ բարերար և շախմատի սիրահար Ռեքս Սինկեֆելդից։
«Ցավով կարդացի Ձեր վերջին հայտարարությունը՝ Հայաստանից հեռանալու և մարզական կարիերան ԱՄՆ-ում շարունակելու որոշման հետ կապված»,–գրել է Մանուկյանը:
Նա ընդգծել է, որ Հայաստանը միշտ հպարտացել է Արոնյանով, որ նա եղել է բոլորի պարծանքն ու ոգեշնչման աղբյուրը հազարավոր պատանիների ու երիտասարդների համար: Արոնյանի շնորհիվ հայկական շախմատը նորանոր բարձունքներ է նվաճել ու մեր երկրին պարգևել բազում հաղթանակներ:
«Դուք իրավացի եք, այս իշխանությանն իսկապես հաջողվեց պառակտել նաև շախմատային համերաշխ ընտանիքը և ոլորտը վերածել քաոսի, ինչպես քաոսի վերածեց բոլոր ոլորտներն ու ողջ երկիրը:
Բայց հավատացեք, մեր ժողովուրդն այլևս թույլ չի տալու, որ մեր երկրի, մեր տաղանդավոր զավակների կերտած հաղթանակները ոչնչացվեն»,–գրել է Մանուկյանը:
«Դա սպորտսմենի իրավունքն է». ԿԳՄՍ նախարարը` Արոնյանի որոշման մասին
Նա խոստացել է, որ այս իշխանությունը շուտով հեռանալու է, և մենք միասնական ջանքերով ոլորտ առ ոլորտ վերացնելու ենք քաոսը, վերականգնելու ենք արժանապատվությունն ու հաղթանակները, Հայաստանում շախմատը կրկին լինելու է պետական ամենաբարձր հոգածության ներքո, քանի որ այն մեր այցեքարտերից մեկն է աշխարհում:
Վազգեն Մանուկյանը պատրաստակամություն է հայտնել նաև հանդիպել Լևոն Արոնյանի և շախմատային աշխարհի մյուս հեղինակավոր ներկայացուցիչների հետ՝ քննարկելու ոչ միայն շախմատային ոլորտի, այլ մեր երկրի ապագայի զարգացման գործում նրանց անգնահատելի մասնակցությունը:
«Հայրիկին է քաշել». Արաս Օզբիլիսի փոքրիկ տղան գոլ է խփում. զվարճալի տեսանյութ
(Թարմացված է 23:41 03.03.2021)
Հայ ֆուտբոլիստի երկրպագուները գովել են Օզբիլիսի տղայի ֆուտբոլային ունակությունները` ասելով, որ այսպես նա հորն էլ կանցնի։ԵՐԵՎԱՆ, 3 մարտի - Sputnik. «Փյունիկ» ֆուտբոլային ակումբի կիսապաշտպան Արաս Օզբիլիսն Instagram-ի իր հետևորդներին մի զվարճալի տեսանյութ է ներկայացրել, որտեղ նրա 2-ամյա որդին գոլ է խփում։
«Նա ուրախ է, որ գոլ է խփում»,–տեսանյութին կից գրել է Օզբիլիսը։
View this post on Instagram
Տեսանյութում երևում է, թե ինչպես է ոգևորված երեխան իրար հետևից գրավում դարպասը և անգամ դրա` գետնին տապալվելուց հետո փոքրիկը շարունակում է գնդակով հարվածել դարպասին։
Օզբիլիսի մարզաշապիկն աճուրդում վաճառվել է 1025 դոլարով. գումարը կուղղվի Արցախին
Օզբիլիսի հետևորդները մեկնաբանել են տեսանյութը` գրելով, որ «Հայրիկին է քաշել» տղան։ Հայ մեկ ուրիշ ֆուտբոլիստ էլ` կիսապաշտպան Արտյոմ Սիմոնյանը, կատակել է, թե երեխան հորից լավ է գոլ խփում։
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։