Անդրանիկ Կարապետյան

Ծանրամարտիկ Անդրանիկ Կարապետյանը վերսկսել է մարզումները

16
(Թարմացված է 16:14 24.11.2016)
Ծանրամարտիկ Անդրանիկ Կարապետյանը, որը ծանր վնասվածք էր ստացել 2016 թ.–ի Ռիո դե Ժանեյրոյի օլիմպիական խաղերի ժամանակ, վերսկսել է մարզումները, հաղորդում է Հայաստանի ծանրամարտի հավաքականի գլխավոր մարզիչ Փաշիկ Ալավերդյանը։

ԵՐԵՎԱՆ, 24 նոյեմբերի — Sputnik. Հայաստանի օլիմպիական հավաքականի անդամ, ծանրամարտիկ Անդրանիկ Կարապետյանը վերադարձել է մարզումներին։

Այդ մասին հինգշաբթի լրագրողներին ասաց Հայաստանի ծանրամարտի տղամարդկանց հավաքականի գլխավոր մարզիչ և Ծանրամարտի ֆեդերացիայի գլխավոր քարտուղար Փաշիկ Ալավերդյանը։

«Այսօր նա սկսել է թեթև մարզումները, հուսով եմ, որ հաջորդ տարի կմասնակցի Լոս Անջելեսում կայանալիք աշխարհի առաջնությանը, բայց արդեն 85 կգ քաշային կարգում, որպեսզի կրկին չվնասի ձեռքը», — ասել է Ալավերդյանը։

Հայաստանի օլիմպիական անդամ, ծանրամարտիկ Անդրանիկ Կարապետյանը Ռիոյում հրում վարժությունը կատարելիս վնասել էր արմնկահոդը։

16