ԵՐԵՎԱՆ, 22 նոյեմբերի — Sputnik. 2012 թվականի Լոնդոնի օլիմպիադայի ժամանակ արգելված դեղամիջոցներ օգտագործելու պատճառով Միջազգային օլիմպիական կոմիտեի կողմից որակազրկված մարզիկների թվում է նաև հայ ծանրորդ Հռիփսիմե Խուրշուդյանը։
Նրա արյան մեջ հայտնաբերվել են արգելված ստանոզոլոլ և տուրինաբոլ դեղամիջոցները։ Հայաստանի ազգային օլիմպիական կոմիտեն պետք է վերադարձնի Լոնդոնի օլիմպիական խաղերում Խուրշուդյանի նվաճած բրոնզե մեդալը։
Ծանր աթլետիկայի միջազգային ֆեդերացիան կարող է արգելել մարզիկին մասնակցել միջազգային մրցումներին։
ՄՕԿ-ը որակազրկել է նաև վրացի ծանրորդ Ռաուլ Ցիրեկիձեին, Լոնդոնի 2012 թվականի օլիմպիական խաղերի արծաթե մեդալակիր, ծանրորդ Ալեքսանդր Իվանովին, արծաթե մեդալակիր Նատալյա Զաբոլոտնայային, ինչպես նաև թեթևաթլետ Յուլյա Զարիպովային (Ռուսաստան)։
