ԵՐԵՎԱՆ, 17 նոյեմբերի — Sputnik, Խաչիկ Չախոյան. Նոյեմբերի 11-ին ԱԱ-2018 թվականի առաջնության ընտրական խաղում Հայաստանի հավաքականը տոնեց իր առաջին հաղթանակը խմբում: Մեր թիմը, պարտվելով 0:2 հաշվով, առավելության հասավ Չեռնոգորիայի ընտրանու նկատմամբ 3:2 հաշվով:

© Sputnik / Asatur Yesayants

Արթուր Պետրոսյանը գտավ հավաքականի ժպիտն ու հաղթանակը

Sputnik Սերբիայի թղթակից Միլոշ Չուրչինը հեռախոսով պատմեց, թե ինչ տրամադրություններ կային Չեռնոգորիայի լրատվամիջոցներում խաղի ավարտից հետո:

Այն լրատվամիջոցները, որոնք գրել են Հայաստան-Չեռնոգորիա խաղի մասին, հիմնականում տեղի ունեցածը համարում են շոկ: Առաջին խաղակեսում գրանցված արդյունքը Չեռնոգորիայի լրատվամիջոցները համարում են սպասելի. խիզախ արծիվները (այդպես են անվանում իրենց թիմին Չեռնոգորիայում) կարողացան հասնել իրենց նպատակին` օգտագործելով մրցակցի վրիպումներն ու իրենց առանձին խաղացողների բարձր կարգը: Բայց այն, ինչ տեղի ունեցավ երկրորդ կեսում, անսպասելի էր բոլորի համար:

Չեռնոգորիայի լրատվամիջոցներին տված հարցազրույցում հավաքականի գլխավոր մարզիչ Լյուբիշա Տումբակովիչը նշել է. «Ես զարմացած եմ, ես ապշած եմ, թե ինչպես մենք ձեռքից բաց թողեցինք հաղթանակը: Առաջին խաղակեսը շատ լավ դասավորվեց մեզ համար, բայց արժանին եմ մատուցում Հայաստանի հավաքականին, որը կամային շատ բարձր որակներ դրսևորեց: Ամեն դեպքում, հանդիպման արդյունքը հաշվի առնելով` խաղի ընթացքն ինձ համար շոկ էր»:

Պարտությունն, իսկապես, շատ ծանր էր հյուրերի համար: Հասկանալի է, որ թիմի համար, որը հաղթում էր 2:0 հաշվով, երբեք չի կարող լավ արդյունք համարվել 2:3 հաշվով պարտությունը: Լրատվամիջոցներում, իրոք, շոկ էին ապրում, ու եղան տարբեր վերնագրեր, որոնցից ամենասուրը «ինքնասպանություն» որակումն էր:

Խաղից առաջ Չեռնոգորիայի հավաքականն ընտրական խմբի առաջատարներից էր ու երեք խաղից հետո վաստակել էր յոթ միավոր: Մրցակցի ճամբարում ու երկրպագուների շրջանում վստահ հնչում էին գնահատականներ, ըստ որոնց` Չեռնոգորիան Հայաստան էր ժամանել միայն հաղթելու համար: Եվ առաջին խաղակեսից հետո ոչ ոք, համենայն դեպս Չեռնոգորիայում, արդեն չէր կասկածում իրենց թիմի հաղթանակին: Բայց բոլորս արդեն գիտենք, թե ինչ տեղի ունեցավ «Հանրապետական» մարզադաշտում:

© Sputnik / Asatur Yesayants

Հայաստան-Չեռնոգորիա. հայերը հաղթեցին 3:2 հաշվով

25

Հայաստանի հավաքականը պատմության մեջ առաջին անգամ, խաղի ընթացքում երկու գնդակ ընդունելով սեփական դարպասը, կարողացավ բեկել խաղի ընթացքն ու հաղթանակի հասնել: Իրոք, շատ դրամատիկ խաղ ստացվեց:

Հայաստանի թիմի հաջորդ հանդիպումը կայանալու է 2017 թվականի մարտի 26-ին: Այդ օրը սեփական հարկի տակ Հայաստանի հավաքականը հյուրընկալելու է Ղազախստանի թիմին: Մրցակցին թերագնահատելու մասին նույնիսկ մտածել չի կարելի: Հայաստանի թիմը հերթական դժվար հանդիպումն է անցկացնելու, և հուսանք, որ նորից հպարտանալու առիթ կունենանք մեր հավաքականի խաղով ու արդյունքով:

ԵՐԵՎԱՆ, 3 մարտի – Sputnik. Հանրապետության տարածքում մարտի 3-4-ը, 6-ին, 7-ի գիշերը սպասվում է առանց տեղումների եղանակ։

Մարտի 5-ին հարավային շրջաններում, 7-ին կեսօրից հետո շրջանների զգալի մասում սպասվում են տեղումներ, լեռնային և նախալեռնային շրջաններում ձյան տեսքով։

Փաշինյանը հակասում է ինքն իրեն. վարչապետի 2020 և 2021թթ–ի հայտարարությունները. տեսանյութ

Տեղեկությունը հայտնում են ՀՀ ԱԻՆ «Հիդրոմետ» ծառայությունից` հավելելով, որ քամին հարավ-արևմտյան է՝ 5-10 մ/վ արագությամբ:

official site of the MES of RA

Եղանակի կանխատեսում

Օդի ջերմաստիճանը մարտի 2-6-ի ցերեկն աստիճանաբար կբարձրանա 5-6 աստիճանով։

Երևան քաղաքում՝ մարտի 2-ի ցերեկը սպասվում է թույլ ձյուն, 7-ի երեկոյան ժամերին սպասվում անձրև։ Մարտի 3-6-ը, 7-ի գիշերը սպասվում է առանց տեղումների եղանակ։

Գերիների հարցը կքննարկվի ԱԺ դռնփակ նիստում, Ադրբեջանին ուղղված հայտարարություն կընդունվի

Մայրաքաղաքում մարտի 3–ի գիշերը կլինի -1...-3 աստիճան ցուրտ, իսկ ցերեկային ժամերին կգրանցվի 9-11 աստիճան տաքություն։