Ֆեդերացիայի նախագահ. տարեկան երկու փառատոնով հաշմանդամային սպորտը չի զարգանա
ԵՐԵՎԱՆ, 1 սեպտեմբերի — Sputnik. Ռիո դե Ժանեյրոյի պարալիմպիկ խաղերին Հայաստանի մարզիկներից սպասումներն առանձնապես մեծ չեն, այս մասին Sputnik Արմենիա մամուլի կենտրոնում կայացած ասուլիսում ասաց Հաշմանդամային սպորտի հայկական ազգային ֆեդերացիայի նախագահ Սամվել Ռոստոմյանը:
Ռոստոմյանը, ով պարալիմպիկ առաջին հայկական թիմի հիմնադիրն ու մարզիչն է, նշեց, որ Հայաստանից մեկնող երկու մարզիկները՝ լողորդն ու ծանրամարտիկը օլիմպիադա են մեկնում ոչ թե հայրենիքում ու միջազգային ասպարեզում ունեցած հաղթանակների արդյունքում, այլ որովհետև մեր երկրում նրանք այդ մարզաձևերով զբաղվող հաշմանդամություն ունեցող միակ մարզիկներն են:
«Ժամանակին 10 լողորդ ունեինք, որոնք Հայաստանում մարզվում էին, ու բոլոր առաջնություններին մենք մասնակցում էինք, բայց հետո ինչ-ինչ պատճառով որոշվեց, որ այլևս չենք կարող»,- ասաց Ռոստոմյանը՝ հավելելով, որ մրցակցության բացակայության հետևանքով հայ պարալիմպիկ մարզիկների մասնակցությունն ավելի շատ տուրիստական ուղևորություն է լինելու:
«Տարեկան երկու փառատոն անելով՝ հաշմանդամային սպորտ հնարավոր չէ զարգացնել»,-ասաց ֆեդերացիայի նախագահն ու մտավախություն հայտնեց, որ նման վերաբերմունքի պարագայում տարիներ անց այս մարզիկներին փոխարինողներ կարող են նույնիսկ չլինել:
Բացը լրացնելու համար Հաշմանդամային սպորտի հայկական ազգային ֆեդերացիան սեփական միջոցներով այս տարի Հայաստանում պատրաստվում է կազմակերպել բոչիայի առաջնություն: Ֆեդերացիայի նախագահի խոսքով` այս մարզաձևը նախատեսված է հենաշարժական խնդիրներով, ծանր հաշմանդամություն ունեցող անձանց համար:
«Կարծում եմ` այս առաջնությունն առաջին հերթին վերաբերմունքը կփոխի: Կարծում եմ` շուրջ 2 տասնյակ մարդ կմասնակցի: Արդեն մի քանի դիմումներ ենք ստացել, մանկատներից են մեզ դիմել: Կարծում եմ` շատ լավ կստացվի»,- ասաց նա՝ հույս հայտնելով, որ շուրջ 1 ամիս անց նախանշված առաջնությունը ոչ թե փառատոն, այլ Հայաստանի առաջնություն կլինի:
Լևոն Արոնյանը բարելավել է դիրքերը ՖԻԴԵ-ի դասակարգման աղյուսակում
(Թարմացված է 16:42 01.03.2021)
ՖԻԴԵ-ի վարկանշային աղյուսակում Լևոն Արոնյանի անվան դիմաց դեռ հայկական եռագույնն է։ ԵՐԵՎԱՆ, 1 մարտի - Sputnik. Հայկական շախմատի առաջատար Լևոն Արոնյանը 1 հորիզոնականով բարելավել է դիրքերը ՖԻԴԵ-ի դասակարգման աղյուսակում, որը հրապարակվել է այսօր։
ԱՄՆ շախմատային ֆեդերացիան ողջունում է սուպերգրոսմայստեր Արոնյանի որոշումը. Մայք Հոֆաույր
Արոնյանը 2781 միավորով զբաղեցնում է 5-րդ հորիզոնականը, ու նրա անվան դիմաց դեռ հայկական եռագույնն է։ Նա զիջում է միայն աշխարհի գործող չեմպիոն նորվեգացի Մագնուս Կարլսենին (Նորվեգիա), Ֆաբիանու Կարուանային (ԱՄՆ), Դին Լիժենին (Չինաստան), Յան Նեպոմնյաշչիին (Ռուսաստան):
Հիշեցնենք, որ օրեր առաջ Լևոն Արոնյանը հայտարարել էր, որ որոշում է ընդունել տեղափոխվել ԱՄՆ, քանի որ պետությունն այլևս չի աջակցում շախմատիստներին։
Հովհաննես Գաբուզյանը դարձավ Հայաստանի չեմպիոն
(Թարմացված է 14:35 01.03.2021)
Տիգրան Պետրոսյանի անվան շախմատի տանն ավարտվել է Հայաստանի շախմատի տղամարդկանց 2021 թվականի առաջնությունը։ԵՐԵՎԱՆ, 1 մարտի - Sputnik. Գրոսմայստեր Հովհաննես Գաբուզյանը դարձել է Հայաստանի չեմպիոն և տղամարդկանց ազգային հավաքականի անդամ։ Տեղեկությունը հայտնում է Հայաստանի շախմատի ֆեդերացիայի պաշտոնական կայքը:
«Տիգրան Պետրոսյանի անվան շախմատի տանը ավարտվեց Հայաստանի շախմատի տղամարդկանց 2021 թվականի առաջնությունը։ 8,5 միավորով Հայաստանի 2021 թվականի չեմպիոն հռչակվեց գրոսմայստեր Հովհաննես Գաբուզյանը»,–նշված է հաղորդագրության մեջ։
Ֆեդերացիան նշում է, որ Գաբուզյանը մրցաշարի հենց սկզբից ստանձնել էր առաջատարի դերը և վստահորեն պահպանել է այն մինչև մրցաշարի ավարտը։ Նա իր անհատական վարկանիշը բարելավել է 34 կետով։
7 միավորով 2-3-րդ հորիզոնականները բաժանել են Արման Փաշիկյանը և Սամվել Տեր-Սահակյանը։ Լրացուցիչ ավելի բարձր ցուցանիշների շնորհիվ Արման Փաշիկյանն արժանացել է արծաթե մեդալի, իսկ Սամվել Տեր-Սահակյանին բաժին է հասել բրոնզե պարգևը:
Երբ Պետրոսյանը շախմատ էր խաղում, նույնիսկ հանցագործները ռադիոընդունիչից չէին պոկվում
Ջերմուկում ձյուն է գալիս, Սյունիքի ճանապարհները տեղ–տեղ պատվել են մերկասառույցով
(Թարմացված է 09:34 03.03.2021)
Ի՞նչ է կատարվում Հայաստանի ճանապարհներին, ո՞ր հատվածներն են փակ։ ՀՀ արտակարգ իրավիճակների նախարարությունը թարմ տեղեկություն է հայտնում և վարորդներին հիշեցնում, որ պետք է երթևեկել ձմեռային անվադողերով։ԵՐԵՎԱՆ, 3 մարտի – Sputnik. ՀՀ արտակարգ իրավիճակների նախարարությունը տեղեկացնում է, որ ՀՀ տարածքում կան փակ ավտոճանապարհներ։
Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները:
Վարդենյաց լեռնանցքը փակ է կցորդիչով բեռնատարների համար:
Վանաձոր-Դիլիջան ավտոճանապարհին և Սյունիքի մարզի ավտոճանապարհներին տեղ-տեղ առկա է մերկասառույց։
Վայոց Ձորի մարզի Ջերմուկ քաղաքում ձյուն է գալիս։
Ստեփանակերտի օդանավակայանն ու Ալիևի ավիացիոն պլանները. իրավիճա՞կ է փոխվել
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսեթիայի ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարս ավտոճանապարհը բաց է բոլոր տեսակի տրանսպորտային միջոցների համար․ ռուսական կողմում կա մոտ 500 կուտակված բեռնատար ավտոմեքենա:
Վարորդներին խորհուրդ է տրվում երթևեկել բացառապես ձմեռային անվադողերով։
Արմավիրի մարզում ճակատ–ճակատի բախվել են Opel Astra–ներ. վիրավորների մեջ երեխաներ կան