ԵՐԵՎԱՆ, 31 օգոստոսի — Sputnik. 31-րդ ամառային օլիմպիական խաղերում Հայաստանը ներկայացրած առաջին հայ կին մարմնամարզուհի Հուրի Գեբեշյանի կատարած նոր հնարքը պաշտոնապես անվանվել է նրա անունով, հայտնում է ՀԱՕԿ լրատվության բաժինը։
Հուրի Գեբեշյանը նոր տարրը կատարեց զուգափայտերի վարժության ժամանակ՝ վարժությունը սկսելուց առաջ Գեբեշյանը հրվեց առաջին ձողից և պտտվելով 360 աստիճան` բռնվեց մյուսից:
Ամառային oլիմպիական խաղերում պատմության մեջ առաջին անգամ Հայաստանի կին ներկայացուցիչ Գեբեշյանը բազմամարտում հավաքեց 53.748 միավոր, սակայն չկարողացավ հաղթահարել որակավորման փուլը։
