ԵՐԵՎԱՆ, 22 օգոստոսի — Sputnik. Ավստրիական Կլագենֆուրտ համալսարանի հիերոգլիֆների գծով մասնագետ Ահմեդ Դիաբը պնդում է, որ Օլիմպիական խաղերի նախահայրը հին եգիպտացիներն են, ոչ թե հույները։ Այս մասին գրում է ՌԻԱ Նովոստին` հղում անելով «Ալ-Ահրամ» եգիպտական առցանց պորտալին։

«Հնագիտական փաստեր կան, որոնք վկայում են, որ եգիպտացիներն են եղել պիոներները», — նշել է Դիաբը, որի խոսքը հրապարակվել է Ռիո դե Ժանեյրոյում 2016 թվականի Օլիմպիական խաղերի վերջին օրը։

Նա հայտնել է, որ Եգիպտոսի հարավում գտնվող Էլ Մինյա քաղաքի դամբարաններում պահպանվել են որմնանկարներ, որոնց վրա պատկերված են հին եգիպտացիների սպորտային մրցումները, որոնք, գիտնականի կարծիքով, դարձել են Օլիմպիական խաղերի նախատիպը։ Մասնավորապես` որմնանկարների վրա առկա են այնպիսի օլիմպիական մարզաձևեր, ինչպիսիք են ըմբշամարտը, բռնցքամարտը, հրաձգությունը, թիավարումը, թեթև աթլետիկան։

Ընդ որում` խոսքը մ.թ.ա. XXI-XVIII դարերին վերաբերող Միջին թագավորության եգիպտական փարավոների XI և XII տոհմի գերեզմանատների մասին է։

Գիտնականի խոսքով` հնագետներին հայտնի է նաև, որ հին եգիպտացիները տարբեր խաղեր են խաղացել նաև գնդակով։ Ընդ որում` եգիպտական կառավարչի կարևորագույն հատկանիշներից էր արագ վազելու կարողությունը։ «Սա է ստիպել Հատշեպսուտ թագուհուն որմնանկար անել Լուքսոր վանքում, որն ապացուցում է իր վազքի վարպետությունը», — ասել է Դիաբը։

Եգիպտաբանի խոսքով` անկախ նրանից, որ ընդունված է համարել, թե ժամանակակից քաղաքակրթությունը հիմնված է Հին Հունաստանի ձեռքբերումների վրա, «հունական քաղաքակրթությունն իր բոլոր նվաճումներով ավելի խոր արմատներ ունի. դա եգիպտական քաղաքակրթությունն է»։

ԵՐԵՎԱՆ, 3 մարտի- Sputnik. Հայաստանի մարդու իրավունքների պաշտպան Արման Թաթոյանն անդրադարձել է մամուլում ու սոցցանցերում մեծ աղմուկ հանած ՀՀ Ազգային ժողովի պատուհաններից բացահայտ երևացող դիպուկահարների թեմային։

Նա նշել է, որ ՀՀ մարդու իրավունքների պաշտպանի աշխատակազմը ստացել է ահազանգեր առ այն, որ ՀՀ Ազգային ժողովի պատուհաններից բացահայտ երևում են դիպուկահարներ Բաղրամյան պողոտայում տեղի ունեցող հավաքի ուղղությամբ: Արձանագրվել են նաև նման հրապարակային անհանգստություններ:

Ոստիկանները փակել են Դեմիրճյան փողոցը. տեսանյութ

Տեղեկացվում է, որ պաշտպանի աշխատակազմը դիտարկում է իրականացնում լրատվամիջոցներով և հավաքի վայրում, որտեղ առկա են նաև երեխաներ ու տարեցներ:

«ՀՀ Ազգային ժողովի շենքի պատուհաններից հրազենի բացահայտ ցուցադրությունը, այդ թվում՝ զինվորական համազգեստով դիպուկահարների ցուցադրական ներկայությունը խաղաղ հավաքին պետության կողմից գործադրված անվտանգության անհամարժեք միջոց է այս պահին Բաղրամյան պողոտայում առկա իրավիճակում»,–գրել է Նա:

ՄԻՊ–ը նշել է, որ պետությունը կարող է անվտանգության միջոցներ ձեռնարկել, բայց դրանք յուրաքանչյուր դեպքում պետք է հաշվի առնեն կոնկրետ իրավիճակը և չպետք է լինեն այնպիսին, որ ստանան խաղաղ հավաքին մասնակցությունը կանխող կամ անհանգստություն պատճառող բնույթ:

«Գուցե որոշել են ուժ կիրառել». Արթուր Վանեցյանը` ոստիկանության հայտարարության մասին

Նշենք, որ այսօր կառավարության հետ հարցուպատասխանի համար ՀՀ վարչապետ Նիկոլ Փաշինյանը գնացել էր ԱԺ։ Նրա այցելությունից առաջ ՀՀ ոստիկանական ուժերն ԱԺ–ի տարածքում խիստ ավելացել էին, իսկ ԱԺ պատուհաններից լրագրողները նկատել էին զինված դիպուկահարների։