ԵՐԵՎԱՆ, 22 օգոստոսի — Sputnik. Ռիո դե Ժանեյրոյում ավարտվեց 31-րդ ամառային Օլիմպիադան, փակման հանդիսավոր արարողության ժամանակ Հայաստանի դրոշակակիրն էր հունահռոմեական ոճի ըմբիշ Արթուր Ալեքսանյանը. նա ոսկե մեդալ նվաճեց Հայաստանի համար 20 տարվա ընդմիջումից հետո։ 

Օլիմպիական խաղերին արծաթե մեդալներ նվաճեցին ըմբշամարտիկ Միհրան Հարությունյանը, ծանրորդներ Սիմոն Մարտիրոսյանը և Գոռ Մինասյանը։ Այս չորս մեդալով Հայաստանը Օլիմպիադայում զբաղեցրեց 42-րդ տեղը։

Ընդհանուր առմամբ Հայաստանը Ռիո-2016-ին հայտավորվել էր 33 մարզիկով` 7 մարզաձևում` աթլետիկա, բռնցքամարտ, սպորտային մարմնամարզություն, ձյուդո, ծանրամարտ, լող, ըմբշամարտ։

Փակման արարողության ժամանակ «Մարականա» մարզադաշտով անցան 207 երկրների ներկայացուցիչներ: Փակման արարողությունը տևեց մոտ երկու ժամ` բազմաթիվ գեղեցիկ ներկայացումներ, շոուներ։ Այնուհետև հնչեց Բրազիլիայի հիմնը, և Ռիո դե Ժանեյրոյի քաղաքապետն օլիմպիական դրոշը հանձնեց ՄՕԿ-ի նախագահ Թոմաս Բախին, որն էլ այն փոխանցեց Տոկիոյի քաղաքապետին:

© Sputnik / Ani Mejlumyan

Ռիոյի օլիմպիադայում մեդալների հաշվարկով Հայաստանը 42-րդ տեղում է

Ճապոնիայի մայրաքաղաքը հյուրընկալելու է հաջորդ՝ 32-րդ ամառային օլիմպիական խաղերը: Դրոշը Տոկիոյի ներկայացուցչին հանձնելուց հետո հնչեց Ճապոնիայի հիմնը՝ գեղեցիկ բեմադրությամբ: Այնուհետեւ յուրօրինակ ոճով ներկայացվեց նաև Տոկիոն, իսկ Ճապոնիայի վարչապետը ներկայացավ «Սուպեր Մարիո» համակարգչային խաղի հերոսի կերպարով:

Վերջում հրաժեշտի խոսքով հանդես եկան Ռիո-2016-ի կազմկոմիտեի ղեկավար Կարլոս Նուզմանն ու ՄՕԿ-ի նախագահ Թոմաս Բախը, որն օլիմպիական խաղերը հայտարարեց փակված:

ԵՐԵՎԱՆ, 3 մարտի- Sputnik. Հայաստանի մարդու իրավունքների պաշտպան Արման Թաթոյանն անդրադարձել է մամուլում ու սոցցանցերում մեծ աղմուկ հանած ՀՀ Ազգային ժողովի պատուհաններից բացահայտ երևացող դիպուկահարների թեմային։

Նա նշել է, որ ՀՀ մարդու իրավունքների պաշտպանի աշխատակազմը ստացել է ահազանգեր առ այն, որ ՀՀ Ազգային ժողովի պատուհաններից բացահայտ երևում են դիպուկահարներ Բաղրամյան պողոտայում տեղի ունեցող հավաքի ուղղությամբ: Արձանագրվել են նաև նման հրապարակային անհանգստություններ:

Ոստիկանները փակել են Դեմիրճյան փողոցը. տեսանյութ

Տեղեկացվում է, որ պաշտպանի աշխատակազմը դիտարկում է իրականացնում լրատվամիջոցներով և հավաքի վայրում, որտեղ առկա են նաև երեխաներ ու տարեցներ:

«ՀՀ Ազգային ժողովի շենքի պատուհաններից հրազենի բացահայտ ցուցադրությունը, այդ թվում՝ զինվորական համազգեստով դիպուկահարների ցուցադրական ներկայությունը խաղաղ հավաքին պետության կողմից գործադրված անվտանգության անհամարժեք միջոց է այս պահին Բաղրամյան պողոտայում առկա իրավիճակում»,–գրել է Նա:

ՄԻՊ–ը նշել է, որ պետությունը կարող է անվտանգության միջոցներ ձեռնարկել, բայց դրանք յուրաքանչյուր դեպքում պետք է հաշվի առնեն կոնկրետ իրավիճակը և չպետք է լինեն այնպիսին, որ ստանան խաղաղ հավաքին մասնակցությունը կանխող կամ անհանգստություն պատճառող բնույթ:

«Գուցե որոշել են ուժ կիրառել». Արթուր Վանեցյանը` ոստիկանության հայտարարության մասին

Նշենք, որ այսօր կառավարության հետ հարցուպատասխանի համար ՀՀ վարչապետ Նիկոլ Փաշինյանը գնացել էր ԱԺ։ Նրա այցելությունից առաջ ՀՀ ոստիկանական ուժերն ԱԺ–ի տարածքում խիստ ավելացել էին, իսկ ԱԺ պատուհաններից լրագրողները նկատել էին զինված դիպուկահարների։