Անդրանիկ Կարապետյան

Անդրանիկ Կարապետյանի վնասվածքը Հայաստանին զրկեց օլիմպիական մեդալից

175
(Թարմացված է 10:13 11.08.2016)
Ռիոյի օլիմպիական խաղերում մրցապայքարը մեկնարկեց նաև Հայաստանի տղամարդկանց հավաքականը: Հայաստանը ներկայացնող հինգ մարզիկներից առաջինը մրցահարթակ դուրս եկավ 21-ամյա Անդրանիկ Կարապետյանը:

ԵՐԵՎԱՆ, 11 օգոստոսի — Sputnik. Մրցումների մեկնարկում հայ մարզիկը փոխեց նախնական պատվերը, ու պոկում վարժությունը Անդրանիկ Կարապետյանը սկսեց 170 կգ արդյունքով: Առաջին մոտեցումը շատ կարևոր նշանակություն ունի ծանրորդների համար հետագա մարտավարություն ընտրելու տեսանկյունից: Մարզիկը հստակ կատարեց վարժությունը:

Հետևեց օլիմպիական չեմպիոն չինացի Լի Քսայունի պատասխանը, ու նույն քաշը մրցակիցը նույնպես ֆիքսեց գլխավերևում: Եվ սկսվեց տակտիկական պայքարը: Իրար հետևից ծանրորդները բարձրացրին՝ Անդրանիկը 174կգ, չինացին՝ 175կգ: Երրորդ մոտեցումը հայ մարզիկը ձախողեց, իսկ ահա Քսայունը գլխավերևում պահեց 177կգ ու  համաշխարհային ռեկորդ սահմանեց: Անդրանիկ Կարապետյանը պոկում վարժությունից հետո զբաղեցրեց երկրորդ տեղը:

Հրում վարժության հենց առաջին մոտեցումից հետո Անդրանիկ Կարապետյանի մոտ լարվածություն առաջացավ, քանի որ թեթև սխալի պատճառով չկարողացավ ֆիքսել ծանրաձողն ու ստիպված փոքր հանգստից հետո նորից դուրս եկավ մրցահարթակ: Հայ ծանրորդը վարժության երկրորդ մասը կատարելիս լուրջ վնասվածք ստացավ, ու Հայաստանը կորցրեց օլիմպիական մեդալը, որն այնքան մոտ էր թվում:

175