Ռիո-2016. Հուրի Գեբեշյան

Ռիո-2016. զուգափայտերի նոր հնարքը կանվանվի Գեբեշյանի անունով

1262
(Թարմացված է 21:38 07.08.2016)
Sputnik Արմենիային հաջողվել է զրուցել Ռիոյի օլիմպիական խաղերին մասնակցող մարմնամարզուհի Հուրի Գեբեշյանի հետ։ Նա բնակվում է ԱՄՆ-ում, սակայն հանդես է եկել Հայաստանի դրոշի ներքո։

ԵՐԵՎԱՆ, 7 օգոստոսի-Sputnik. Օլիմպիական խաղերի որակավորման մրցումներից հետո Հուրի Գեբեշյանը չէր թաքցնում իր ուրախությունը, որ կարողացել էր հանդես գալ Հայաստանի դրոշի ներքո ու մեր թղթակցի հետ հարցազրույցում հայ մարմնամարզուհին նշեց.

«Ռիոյում ամեն ինչ շատ լավ է։ Ես հիանալի ժամանակ եմ անցկացնում, մրցում եմ օլիմպիական խաղերում։ Շատ ոգևորված և հպարտ եմ, որ ներկայացնում եմ Հայաստանը օլիմպիական խաղերում»:

Բացի այդ, զուգափայտերի վրա իր վարժության ընթացքում Գեբեշյանը նոր հնարք կիրառեց, որը այսուհետև կրելու է նրա անունը՝ Գեբեշյան։

«Ես կարողացա իրագործել իմ ծրագիրը բոլոր վարժություններում։ Կատարեցի նոր հնարք զուգափայտերի վրա, որը կանվանվի Գեբեշյան։ Շատ էի անհանգստանում հնարքը կատարելիս, քանի ո ընդամենը մեկ-երկու ամիս առաջ ենք մշակել, բայց համոզված էի, որ կստացվի»,- ասաց Գեբեշյանը:

Հարցին թե ինչու է համբուրում գործիքները ելույթների ավարտից հետո, Հուրին պատասխանեց, որ սա իր վերջին մրցումն է։

«Մարմնամարզությունն ինձ շատ բան է տվել, ես իմ ողջ կյանքում զբաղվել եմ մարմնամարզությամբ։ Ես ուզում էի շնորհակալություն հայտնել այս մարզաձևին, զգացմունքների արտահայտման միակ միջոցը մնում էր գործիքները գրկելն ու համբուրելը»,-ասաց նա:

1262