Ջիու-ջիցու

Ջիու-ջիցու հայկական ձևով կամ ինչպես պաշտպանվել

72
(Թարմացված է 18:52 07.08.2016)
Բրազիլական ջիու-ջիցու մարտարվեստը հասել է նաև Հայաստան: Sputnik Արմենիայի թղթակիցներն այցելել են ջիու-ջիցուի երևանյան ակումբներից մեկը՝ հասկանալու համար, թե ինչպես է զարգանում այդ մարզաձևը Հայաստանում:

ԵՐԵՎԱՆ, 7 օգոստոսի — Sputnik, Անի Լիպարիտյան. Բրազիլական ջիու-ջիցուի հայ երկրպագուները զարգացնում են Հայաստանում արևելյան մարտարվեստի այդ տեսակը, որպեսզի պատշաճ մակարդակով ներկայացնեն հայրենիքը տարբեր միջազգային մրցումներում:

Վերջերս ԱՄԷ-ի ջիու-ջիցուի ֆեդերացիան և ջիու-ջիցուի միջազգային ֆեդերացիան հասել են նրան, որ այդ մարտարվեստը ներառվել է 2018թ-ի Ասիական խաղերի ծրագրում:

Այժմ այդ մարզաձևով զբաղվող մարզիկների մի մասը ցանկանում է, որ այն ներառվի Օլիմպիական խաղերի ծրագրում:

«Ես 2009թ.-ից զբաղվում եմ բրազիլական ջիու-ջիցուով: Մենք առաջիններից մեկն ենք սկսել այդ մարզաձևով զբաղվել Հայաստանում: Ամեն ինչ սկսվել է նրանից, որ 2014թ-ին պրոֆեսիոնալ ջիուջիցուստ Արին Աճեմյանն ԱՄՆ-ից ժամանեց Հայաստան, օգնեց մեզ ձեռք բերել կապույտ գոտիներ, ինչը սկիզբ դրեց մեր երկրում ջիու-ջիցուի զարգացմանը»,- Sputnik Արմենիային ասաց ջիու-ջիցու ակումբի գլխավոր մարզիչ Արտակ Մուղնեցյանը:

Джиу-Джитсу
© Sputnik/ Asatur Yesayants
Джиу-Джитсу

Մարզիկը նշեց, որ նա և իր գործընկերները հղկել են իրենց վարպետությունը Հայաստանի սահմաններից դուրս:
Ջիու-ջիցուն Հայաստանում

Հայ մարզիկներից առաջինը հաջողության հասավ Կարո Միրիբյանը՝ 2015թ-ին բրոնզե մեդալ նվաճելով Աբու Դաբիում:

Դեռահասների շարքում մրցումների ժամանակ 11-ամյա Միրիբյանն անցկացրել է երեք մենամարտ, որի ընթացքում հաղթել է ԱՄԷ-ի և Բրազիլիայի ներկայացուցիչներին, բայց զիջել՝ եմենցի մարզիկին:

 

Այժմ Երևանում գործում է ջիու-ջիցուի երեք ակումբ: Հայ վարպետները փորձում են հրավիրել պրոֆեսիոնալների, որոնք կօգնեն անցկացնել վարպետության դասեր:

Մուղնեցյանի խոսքով՝ հսկայական ցանկություն կա ոչ միայն դաս անցկացնել, այլ նաև պաշտոնական ակումբներ բացել Հայաստանում:

«Աշխատանքները շարունակվում են: Մենք հիմա ունենք մեծահասակ ջիուջիցուիստների խումբ, որոնք հիմնականում ուսանողներ են: Չնայած նրան, որ ջիու-ջիցուում կիրառում են կոտրումներ, հարվածներ, խեղդող հնարքներ, այն անվտանգ մարզաձև է»,- պատմեց Մուղնեցյանը և հավելեց, որ նորեկին «չեն ծեծում»:
Հաղթանակի ձգտումը

Джиу-Джитсу
© Sputnik/ Asatur Yesayants
Джиу-Джитсу

Ջիուջիցուիստ Անդրանիկ Հարությունյանն իր հերթին նշեց, որ աշխարհում կան ջիու-ջիցուի հայազգի վառ ներկայացուցիչներ, որոնք հանդես են գալիս այլ երկրների դրոշների ներքո:

«Օրինակ, Էդվին Նաջմինը, որը մեկ շաբաթից կժամանաի Հայաստան, բայց ընդամենը երկու օրով: Նա առաջին անգամ է Հայաստանում և այստեղ կանցկացնի վարպետության դասեր: Եվս մեկ հայազգի մարզիկ՝ Էյ Ջեյ Աղազարմն, ԱՄՆ-ից նույնպես խոստացել է ժամանել Հայաստան: Նրանք երկուսն էլ աշխարհի բազմզակի չեմպիոններ են»,- ասաց Հարությունյանը:

Նրա խոսքով, այդ երիտասարդ, բայց փորձառու մարզիկները տեխնիկական մեծ բազա ունեն և կարող են շատ բան սովորեցնել Հայաստանի մարզիկներին:

«Ջիու-ջիցուն Հայաստանում համեմատաբար երիտասարդ մարզաձև է, և մենք՝ մարզիչներս, նույնպես մեր հմտությունները կատարելագործելու կարիք ունենք: Օգոստոսի վերջին Հայաստան կգա Ռոբերտո Աթալան և վարպետության դասեր կանցկացնի»,- ասաց Հարությունյանը:

Նա հավելեց, որ այժմ Հայաստանում ջիու-ջիցուի ակումբները, դպրոցները լուրջ աջակցության կարիք ունեն:

Джиу-Джитсу
© Sputnik/ Asatur Yesayants
Джиу-Джитсу

«Հուսով ենք, որ սեպտեմբերից կստանանք համապաատասխան որակավորում սեմինարներ անցկացնելու համար և արդեն հաջորդ տարվանից հնարավորություն կունենանք հավաքել մի քանի խումբ: Ամենայն հավանականությամբ, նրանք կլինեն նախկին ձյուդոիստներ, ըմբիշներ և սամբիստներ, որոնք կկարողանան զբաղվել ջիու-ջիցուով»,- ասաց Հարությունյանը:

Նա նշեց, որ խումբ է բացվում նաև աղջիկների համար։

Ինչ վերաբերում է ջիու-ջիցուն օլիմպիական խաղերի ցուցակում ներառելուն, հայ մարզիչները կարծում են, որ այդ մարզաձևը կզրկվի որոշակի «գեղեկցությունից»՝ շարժումներում օլիմպիական սահմանափակումների պատճառով:

72