Ռիոյի կիզիչ արևի տակ կամ հայերը ձգտում են հաղթանակի
ԵՐԵՎԱՆ, 25 հուլիսի — Sputnik, Անի Լիպարիտյան. Երկար սպասված օլիմպիական խաղերին հաշված օրեր են մնացել։ Օգոստոսի 5-ին «Մարականա» լեգենդար մարզադաշտում տեղի կունենա խաղերի բացման հանդիսավոր արարողությունը։ Հայաստանը ներկայացնող մարզիկների առաջին խումբը հուլիսի 25-ին մեկնեց Ռիո դե Ժանեյրո։
Անկախ Հայաստանի պատմության մեջ առաջին անգամ օլիմպիական խաղերին կմասնակցի 33 մարզիկ։ Հայ օլիմպիականները կմրցեն ութ մարզաձևում` թեթև ատլետիկա, բռնցքամարտ, ըմբշամարտ, լող, ծանրամարտ, հրաձգություն, ձյուդո, մարմնամարզություն։
Անցյալն ու ներկան
Հատկանշական է, որ առաջին հայ օլիմպիական մարզիկը թագավոր է եղել։ Հեռավոր 281թ-ին Տրդատ 3-րդ Արշակունին Հունաստանում դարձել է 256-րդ խաղերի օլիմպիական չեմպիոն։ Նրա հետնորդը` Վարազդատ Արշակունին, այդ պատվավոր կոչումը նվաճել է 385թ-ին 291-րդ օլիմպիադայում։
Սպորտի զարգացման բուռն շրջանը սկսվել է 20-րդ դարի սկզբին։ Հրանտ Շահինյանը դարձել է առաջին հայ մարմնամարզիկը, որը ԽՍՀՄ հավաքականի կազմում 1952թ-ին ոսկե մեդալ է նվաճել Հելսինկիի օլիմպիական խաղերում։ Նրան հաջողվել է նվաճել երկու ոսկե և երկու արծաթե մեդալ օղակներով վարժությունում և թիմային առաջնությունում։
Անկախ Հայաստանը ներկայացնող մարզիկները 13 անգամ դարձել են օլիմպիական մրցանակակիրներ։ Այս պահի դրությամբ Հայաստանի հավաքականին ոսկի է պարգևել միայն հունահռոմեական ոճի ըմբիշ Արմեն Նազարյանը 1996թ-ին։
Տարբեր տարիներին ԽՍՀՄ-ի կազմում օլիմպիական խաղերի հաղթող են դարձել Հայաստանի այլ ներկայացուցիչներ, մասնավորապես` մարմնամարզիկներ Ալբերտ և Էդուարդ Ազարյանները, հնգամարտիկ Իգոր Նովիկովը, բռնցքամարտիկ Վլադիմիր Ենգիբարյանը, թեթևատլետ Ֆայինա Մելնիկը, ծանրորդներ Յուրի Վարդանյանը, Օգսեն Միրզոյանը, Իսրայել Միլիտոսյանը, ըմբիշներ Լևոն Ջուլֆալակյանը և Մնացական Իսկանդարյանը։
Սպորտային ապագան
Վերջին տարիներին Հայաստանում սկսել են նաև մեծ ուշադրություն դարձնել մարզական նոր հարթակների ստեղծմանը։
2015թ-ի դեկտեմբերին Երևանում պաշտոնապես բացվեց օլիմպիական եռակի չեմպիոն, աշխարհի տասնակի չեմպիոն և ԽՍՀՄ վեցակի չեմպիոն Իրինա Ռոդնինայի անվան գեղասահքի մարզադպրոցը։
2014թ-ին Հայաստան այցելեցին Միջազգային օլիմպիական կոմիտեի նախագահ Թոմաս Բախը և Եվրոպական օլիմպիական կոմիտեի նախագահ Պատրիկ Հիքին։ Վերջինը նշեց, որ Հայաստանն այսօր իսկապես կարող է հպարտանալ իր մարզիկներով։
Այսօր Հայաստանում տարածված և զարգացող մարզաձևեր են խառը մարտարվեստները, շախմատը, ֆուտբոլը, ծանրամարտը, բռնցքամարտը, հունահռոմեական և ազատ ոճի ըմբշամարտը, ձյուդոն։
Պետք է նշել, որ շատ հայ մարզիկներ ուրույն տեղ են զբաղեցնում սպորտային աշխարհում։ Նրանց թվում են ֆուտբոլիստ Հենրիխ Մխիթարյանը, հունահռոմեական ոճի ըմբիշներ Արսեն Ջուլֆալակյանը և Արթուր Ալեքսանյանը, ծանրամարտի աշխարհի չեմպիոն Նազիկ Ավդալյանը։ Շատ հեռանկարային երիտասարդ մարզիկներ կան, որոնք քայլ առ քայլ մոտենում են իրենց նպատակին։
Ակնհայտ է, որ Ռիո մեկնած 33 մարզիկներից յուրաքանչյուրը ցանկանում է կանգնել օլիմպիական պատվանդանին։ Չէ՞ որ կարևորը ոչ թե մասնակցությունն է, այլ հաղթանակը։
Լևոն Արոնյանը բարելավել է դիրքերը ՖԻԴԵ-ի դասակարգման աղյուսակում
(Թարմացված է 16:42 01.03.2021)
ՖԻԴԵ-ի վարկանշային աղյուսակում Լևոն Արոնյանի անվան դիմաց դեռ հայկական եռագույնն է։ ԵՐԵՎԱՆ, 1 մարտի - Sputnik. Հայկական շախմատի առաջատար Լևոն Արոնյանը 1 հորիզոնականով բարելավել է դիրքերը ՖԻԴԵ-ի դասակարգման աղյուսակում, որը հրապարակվել է այսօր։
ԱՄՆ շախմատային ֆեդերացիան ողջունում է սուպերգրոսմայստեր Արոնյանի որոշումը. Մայք Հոֆաույր
Արոնյանը 2781 միավորով զբաղեցնում է 5-րդ հորիզոնականը, ու նրա անվան դիմաց դեռ հայկական եռագույնն է։ Նա զիջում է միայն աշխարհի գործող չեմպիոն նորվեգացի Մագնուս Կարլսենին (Նորվեգիա), Ֆաբիանու Կարուանային (ԱՄՆ), Դին Լիժենին (Չինաստան), Յան Նեպոմնյաշչիին (Ռուսաստան):
Հիշեցնենք, որ օրեր առաջ Լևոն Արոնյանը հայտարարել էր, որ որոշում է ընդունել տեղափոխվել ԱՄՆ, քանի որ պետությունն այլևս չի աջակցում շախմատիստներին։
Հովհաննես Գաբուզյանը դարձավ Հայաստանի չեմպիոն
(Թարմացված է 14:35 01.03.2021)
Տիգրան Պետրոսյանի անվան շախմատի տանն ավարտվել է Հայաստանի շախմատի տղամարդկանց 2021 թվականի առաջնությունը։ԵՐԵՎԱՆ, 1 մարտի - Sputnik. Գրոսմայստեր Հովհաննես Գաբուզյանը դարձել է Հայաստանի չեմպիոն և տղամարդկանց ազգային հավաքականի անդամ։ Տեղեկությունը հայտնում է Հայաստանի շախմատի ֆեդերացիայի պաշտոնական կայքը:
«Տիգրան Պետրոսյանի անվան շախմատի տանը ավարտվեց Հայաստանի շախմատի տղամարդկանց 2021 թվականի առաջնությունը։ 8,5 միավորով Հայաստանի 2021 թվականի չեմպիոն հռչակվեց գրոսմայստեր Հովհաննես Գաբուզյանը»,–նշված է հաղորդագրության մեջ։
Ֆեդերացիան նշում է, որ Գաբուզյանը մրցաշարի հենց սկզբից ստանձնել էր առաջատարի դերը և վստահորեն պահպանել է այն մինչև մրցաշարի ավարտը։ Նա իր անհատական վարկանիշը բարելավել է 34 կետով։
7 միավորով 2-3-րդ հորիզոնականները բաժանել են Արման Փաշիկյանը և Սամվել Տեր-Սահակյանը։ Լրացուցիչ ավելի բարձր ցուցանիշների շնորհիվ Արման Փաշիկյանն արժանացել է արծաթե մեդալի, իսկ Սամվել Տեր-Սահակյանին բաժին է հասել բրոնզե պարգևը:
Երբ Պետրոսյանը շախմատ էր խաղում, նույնիսկ հանցագործները ռադիոընդունիչից չէին պոկվում
Թուրքիայում «Իսլամական պետության» 10 գրոհային է ձերբակալվել
(Թարմացված է 16:34 03.03.2021)
Ձերբակալման օրդեր է տրվել ԻՊ-ի հետ կապ ունենալու մեջ կասկածվող 16 օտարերկրացիների համար, որոնք մասնակցել են զինված հակամարտություններին Սիրիայում և Իրաքում։ԵՐԵՎԱՆ, 3 մարտի – Sputnik. Ստամբուլի Ահաբեկչության դեմ պայքարի վարչության աշխատակիցները «Իսլամական պետություն» (ԻՊ, արգելված է մի շարք պետություններում) ահաբեկչական խմբավորման ենթադրյալ գրոհայինների դեմ գործողություններ են իրականացրել, որոնց ընթացքում ձերբակալվել են 10 օտարերկրյա քաղաքացիներ: Այդ մասին հաղորդում է ՌԻԱ Նովոստին՝ հղում Anadolu գործակալությանը։
Հաղորդվում է, որ ձերբակալման օրդեր է տրվել ԻՊ-ի հետ կապ ունենալու մեջ կասկածվող 16 օտարերկրացիների համար, որոնք մասնակցել են զինված հակամարտություններին Սիրիայում և Իրաքում։ Ձերբակալման վայրերում խուզարկությունների ընթացքում մեծ քանակությամբ նյութեր են առգրավվել թվային կրիչների վրա։
«Իսլամական պետությունն» առաջացել է 2006թ․-ին՝ մի շարք ահաբեկչական խմբավորումների միաձուլման ճանապարհով։ Մինչև 2013թ․-ը այն պատկանում էր շարքային սուննիական ինքնավար զինված խմբավորումների թվին և ներառում էր ոչ ավելի, քան 4000 մարդ։ Խմբավորումը լայն ճանաչում ստացավ 2014թ․-ի ամռանը, երբ գրոհայինները լայնամասշտաբ հարձակում սկսեցին Իրաքի հյուսիսային և արևմտյան շրջանների վրա։ ԻՊ-ը մեծ ուժ հավաքեց Սիրիայի տարածքում գործողությունների ընթացքում, որտեղ պատերազմում էր կառավարության ուժերի դեմ։
«Իսլամական պետություն» խմբավորման անդամները նկարվել են Ադրբեջանում